KÍXNUU 25
Ndiéjunʼ eyoo Dios maʼni ga̱jma̱á ni̱ndxu̱lú rá.
Náa Biblia naʼthí rí xa̱bu̱ numbaaʼ “tsékúwá mba̱yu̱ʼ ga̱jma̱a̱ naguáʼdáá wéñuuʼ xkujndu” (Job 14:1). Lá xúʼko̱ nindoo Dios rí makuwáánʼ ráʼ. Á mu dí na̱nguá ndiéjunʼ gaʼni ga̱jma̱á ni̱ndxu̱lú xá. Lá gajkhun mambanúu ráʼ. Atayáá xóo gáriʼña̱a̱ náa Biblia graxe̱ rígi̱.
1. Xóo eyoo Dios makuwáánʼ rá.
Jeobá nandoo makuwáánʼ tsímáá wéñuuʼ. Índo̱ niʼniwíin timbíin xa̱bu̱ numbaaʼ, Adán ga̱jma̱a̱ Eva nigruiʼñínʼ makuwíin náa mbá ku̱ba̱ʼ mitsaanʼ rí nigumbiʼyuu ixi̱ ri̱ʼi̱ Edén. Ga̱jma̱a̱ ikhí “Dios niʼni tsajkurámiinʼ ga̱jma̱a̱ niʼthúún: ‹Gaguaʼdíin mbaʼin e̱jña̱la, gaʼni mbaʼánʼ, gakuwáanʼ náa xúgíʼ tsu̱du̱u̱ ku̱ba̱ʼ ga̱jma̱a̱ gutañájunʼ› (Génesis 1:28). Jeobá nindoo rí muguaʼdiin e̱jñún ga̱jma̱a̱ dí muni maʼni mitsaanʼ náa mbá xúgíʼ tsu̱du̱u̱ Ku̱ba̱ʼ ma̱ngaa dí muñewu̱u̱n xujkhúʼ. Nindoo rí mbá xúgíinʼ xa̱bu̱ numbaaʼ makuwíin kámuu mbiʼi ga̱jma̱a̱ rí nditháan xáʼniun nandii.
Maski asndu tárígá xúʼko̱, a mú taxtiʼkhu̱u̱ rí nindoo Dios marigá (Isaías 46:10, 11). Ikhaa nandoo ma xúʼko̱ rí xa̱bu̱ numbaaʼ bi̱ nunimbu̱ún makuwíin kámuu mbiʼi ga̱jma̱a̱ xúminiiʼ (atraxnuu Apocalipsis 21:3, 4).
2. Xú kaʼnii gándoo gakuwáanʼ tsímáá asndu nákha xúgi̱ rá.
Jeobá niʼniáánʼ mu “mbuʼyáá rí ndayúlú majmañulú numuu ikhaa”, xóo muʼthá rí maʼndulú muniʼniiʼ ga̱jma̱a̱ mbuʼyamajkuíí (atraxnuu Mateo 5:3-6). Dios nandoo rí mambáxulu májánʼ gajmiúlú ikhaa, rí majngruigulú “náa xúgíʼ kambo̱o̱”, dí maʼndulú kuʼyáá ga̱jma̱a̱ rí muʼni ñajuunʼ ga̱jma̱a̱ xúgíʼ a̱jkiu̱lú (Deuteronomio 10:12; Salmo 25:14). Á mu nuʼnilú xúgíʼ rígi̱, ma̱ndoo makuwáanʼlu tsímáá tséʼniuu á mu nuraʼníí xkujndu. Rí mbuʼyamajkuíí Jeobá naʼni rí magiʼdoo numuu rí makuwáanʼlu.
GAJMAÑAA’ ITHÁAN
Guʼyáá nguáthá mba̱a̱ ngajua nisngájmulú Jeobá índo̱ niʼni mújúunʼ ku̱ba̱ʼ mu makuwáanʼlu ma̱ngaa dí naʼsngúlúʼ náa Ajngá rawuunʼ rí xóo makuwáanʼlu.
3. Jeobá nandoo rí xa̱bu̱ numbaaʼ makuwíin tsímáá
Gu̱ya̱a̱ VIDEO ga̱jma̱a̱ gutamíjnála rígi̱:
-
Náá numuu rí Dios niʼni mitsaanʼ wéñuʼ ku̱ba̱ʼ náa kuwáanʼlu rá.
Guraxnuu Eclesiastés 3:11 ga̱jma̱a̱ gutamíjnála rígi̱:
-
Ndiéjunʼ eʼsngúlúʼ rígi̱ ga̱jma̱a̱ numuu Jeobá rá.
4. Rí nindoo maʼni Jeobá táriʼkhu̱u̱
Guraxnuu Salmo 37:11, 29 ma̱ngaa Isaías 55:11 ga̱jma̱a̱ gutamíjnála rígi̱:
-
Xú kaʼnii eʼyáá rí nindoo Jeobá maʼni ga̱jma̱á ni̱ndxu̱lú táriʼkhu̱u̱ rá.
Mbá guʼwá dí nánguá péñu ma̱ndoo maguma májáanʼ. Ikháá ma kayuuʼ rígá ga̱jma̱a̱ numuu Ku̱ba̱ʼ: Xa̱bu̱ numbaaʼ nini gachíí, mú Dios maʼni májáanʼ mu makuwá xa̱bu̱ bi̱ nandún kuyáá.
5. Rí mbuʼyamajkuíí Jeobá naʼni magiʼdoo numuu makuwáánʼlu
Naʼni makuwáanʼlu gagi índo̱ nduʼyáá náa numuu dí kuwáánʼlú. Gu̱ya̱a̱ VIDEO ga̱jma̱a̱ gutamíjnála rígi̱:
-
Xú káʼnii nimbáyúu Terumi índo̱ ndiʼyoo ndíjkha rí gíʼdoo numuu makuwáanʼlu rá.
Guraxnuu Eclesiastés 12:13 ga̱jma̱a̱ gutamíjnála rígi̱:
-
Xúgíʼ rí niʼni Jeobá ga̱jma̱á numulúʼ, ndiéjunʼ gíʼmaa muʼni mu musngajmáá rí nuxnáa núma̱aʼ xá.
RÍ NURAJXI̱ TIKHUN: “Náá numuu kuwáanʼlu gi̱i̱ rá. Ndíjkha rí kuwáanʼlu rá.”
-
Ndiéjunʼ gatriʼña̱a̱ rá.
RÍ NAGÁJNURIYO̱O̱ʼ
Jeobá nandoo makuwáanʼlu tsímáá kámuu mbiʼi náa tsu̱du̱u̱ Ku̱ba̱ʼ ga̱jma̱a̱ rí makuwáánʼ májánʼ wéñuuʼ. Ma̱ngaa asndu nákha mbiʼi xúgi̱, naʼni rí magiʼdoo numuu makuwáanʼlu índo̱ nduʼyamajkuíí Jeobá ga̱jma̱a̱ xúgíʼ a̱jkiu̱lú.
Rí nijmañaaʼ
-
Índo̱ Jeobá niʼni̱i̱ Adán ga̱jma̱a̱ Eva, xú kaʼnii nindoo dí makuwíin xá.
-
Xú kaʼnii eʼyáá rí nindoo Jeobá maʼni ga̱jma̱á nindxúu̱n xa̱bu̱ numbaaʼ táxtiʼkuu rá.
-
Ndiéjunʼ gámbáyaaʼ mu maraxtaa gagi rá.
ATAYÁÁ ITHÁAN
Atayáá náa numuu nduʼyáá gajkhun dí nirígá ixi̱ ri̱ʼi̱ Edén.
Atayáá náá numuu nduʼyáá gajkhun rí Ku̱ba̱ʼ xámbáa.
Atayáá dí naʼthí náa Biblia ga̱jma̱a̱ numuu rí xóo kuwáanʼlu.
Atayáá xóo káʼnii mbáa xa̱bu̱ bi̱ nikumu̱u̱ rí gíʼdoo ma xúgíʼ, mú ni̱jkha̱nú ndiʼyoo dí rígá xóó rí ndayóoʼ maʼni.
a Náa imbo̱ʼ kíxnuu mbuʼyáá ndiéjunʼ dí raʼkhí nirígá.
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
