Timbíin xa̱bu̱ bi̱ nikúwi̱i̱n, Adán ga̱jma̱a̱ Eva na̱nguá ninimbu̱ún kuyáá Dios. Ikhaa numuu rúʼko̱ dí nakiéʼkulu, numíniiʼ ga̱jma̱a̱ nakháñulú. a Lá aʼkhuíí má eguámbariga̱a̱ xúgíʼ ráʼ. Na̱nguá, Jeobá nixnáa A̱ʼdióo Jesucristo, mu maʼni káwáanʼ náa aʼkhá ga̱jma̱a̱ rí nakháñulú. Náa Biblia naʼsngáa rí Jesús nikháñuu mu maʼtsiwáanʼ. Rí majuiʼtsiwáanʼ nindxu̱u̱ mbá rí najuiʼni numáá mu xúʼko̱ ma̱ndoo maguma kríyaaʼ mbáa. Rí nixnáxi̱ vida ndrígóo Jesús rí tágiʼdoo nimbá aʼkhá nijuiʼni numáá mu makáwáanʼ (atraxnuu Mateo 20:​28). Ga̱jma̱a̱ numuu rí Jesús taraʼwíí maxtáa kámuu mbiʼi náa tsu̱du̱u̱ Ku̱ba̱ʼ niʼni rí mambáʼtoo kamba̱a̱ náa rí ma̱ndoo matangáanʼ muguaʼdáálu xúgíʼ dí Adán ga̱jma̱a̱ Eva nindáti̱gu̱u̱n. Ma̱ngaa nisngájmulú nguáthá mba̱a̱ eyoo kaʼyulú Jeobá ga̱jma̱a̱ ikhaa. Náa kíxnuu rígi̱ gámbáyaaʼ maraxna̱a̱ núma̱aʼ ga̱jma̱a̱ numuu rí Jesús nikháñuu.

1. Xú káʼnii embáyulú dí mbiʼi xúgi̱ rí nikháñuu Jesús rá.

Numuu rí ni̱ndxu̱lú xa̱bu̱ aʼkhá, ikha jngóo rígá mbaʼa dí nuʼnilú rí Jeobá tsénigu̱u̱ʼ. Mú ma̱ndoo mambáxulu májánʼ gajmiúlú Dios á mu gajkhun nagáwi̱i̱nʼ a̱jkiu̱lú ga̱jma̱a̱ numuu aʼkhúlúʼ ma̱ngaa munda̱ʼa̱a̱ Jeobá ga̱jma̱a̱ mbiʼyuu Jesús rí maʼni mba̱a̱ a̱jkiu̱u̱n kaʼyulú ma̱ngaa á mu nuʼni mbá tsiakii rí xúʼni kikháá rí niʼni (1 Juan 2:1). Náa Biblia naʼthí: “Cristo nikháñuu mbóó mi̱ʼtsúú asndu kámuu ga̱jma̱a̱ numuu aʼkhá. Mbáa xa̱bu̱ májáanʼ nikháñuu ga̱jma̱a̱ numún xa̱bu̱ ra̱míjíinʼ mu xúʼko̱ maʼga kaguáanʼla náa Dios” (1 Pedro 3:​18).

2. Xóó gámbáyulú nda̱wa̱á rí Jesús nikháñuu rá.

Jeobá nikuʼmaa A̱ʼdióo mu maxnájxi̱ vida ndrígóo rí nindxu̱u̱ kaʼwu, “mu xúʼko̱ bi̱ gágiʼdoo fe náa ikhaa [Jesús] xákháñuu, maxtáa kámuu mbiʼi” (Juan 3:​16). Ga̱jma̱a̱ numuu rí Jesús niʼni, nánguá má tígo̱o̱ mbayuuʼ rí Jeobá maʼni gudi̱i̱ xúgíʼ dí raʼkhí dí rígá ga̱jma̱a̱ numuu rí Adán táʼnimbo̱o̱. Rígi̱ eyoo gáʼthúu̱n, rí á mu nusngajmá rí kuaʼdáá fe náa tsigijñaʼ ndrígóo Jesús, ma̱ndoo makuwáanʼlu kámuu mbiʼi náa tsu̱du̱u̱ Ku̱ba̱ʼ rí maʼni̱i̱ mitsaanʼ (Isaías 65:​21-​23).

 GAJMAÑAA’ ITHÁAN

3. Rí nikháñuu Jesús naʼni káwáanʼ náa aʼkhá ga̱jma̱a̱ dí nakháñulú

1. Adán ninindxu̱u̱ mbáa xa̱bu̱ jmbii, mú índo̱ táʼnimbo̱o̱ kaʼyoo Dios niʼni rí xúgíinʼ xa̱bu̱ numbaaʼ mani̱ndxu̱ún xa̱bu̱ aʼkhá ga̱jma̱a̱ makhañún.

2. Jesús ninindxu̱u̱ mbáa xa̱bu̱ jmbii ga̱jma̱a̱ numuu rí niʼnimbo̱o̱ kaʼyoo Dios, nimbaʼtoo kamba̱a̱ mu xa̱bu̱ numbaaʼ mani̱ndxu̱ún xa̱bu̱ jmbiin ga̱jma̱a̱ makuwá kámuu mbiʼi.

4. Xúgíinʼ xa̱bu̱ ma̱ndoo mambáñún rí Jesús nikháñuu

 5. Rí nijuiʼtsiwáanʼ nindxu̱u̱ mbá rí Jeobá nixnáa ikháán

Bi̱ nambájxu̱u̱n gajmiún Jeobá nduyáá rí nijuiʼtsiwáanʼ nindxu̱u̱ mbá rí Jeobá nixnúún ikhiin. Mu mbuʼyáá mbá xkri̱da, guraxnuu Gálatas 2:​20 ga̱jma̱a̱ gutamíjnála rígi̱:

• Ndiéjunʼ ajngáa rí niʼthí apóstol Pablo nikujmaa dí ikhaa ndiʼyoo rí nijuiʼtsiwáanʼ nindxu̱u̱ mbá rí Jeobá nixnúu ikhaa xá.

Índo̱ Adán nikiéʼkhun, ikhaa gajmíi̱n xúgíinʼ bi̱ naguwáʼ náa ikhaa nijuiʼthúún rí makhañún. Mú Jeobá nikuʼmaa A̱ʼdióo mu ma̱ʼkha̱ náa tsu̱du̱u̱ Ku̱ba̱ʼ makhañúu ga̱jma̱a̱ ikháán ma̱ndoo maraxtaa kámuu mbiʼi.

Índo̱ gídxúʼ raraxnuu versículo rígi̱, ataniminaʼ matatsaʼwamínáʼ xóo nikumu̱u̱ Jeobá índo̱ ndiʼyoo rí nimínuuʼ A̱ʼdióo. Guraxnuu Juan 19:​1-7 ma̱ngaa 16-​18 ga̱jma̱a̱ gutamíjnála rígi̱:

• Xú kaʼnii eʼni makumaaʼ índo̱ natatsaʼwáminaʼ rí niʼni ga̱jma̱á numaaʼ Jeobá ga̱jma̱a̱ Jesús rá.

 RÍ NAGÁJNURIYO̱O̱ʼ

Ga̱jma̱a̱ numuu rí Jesús nikháñuu, Jeobá naʼni mba̱a̱ a̱jkiu̱u̱n kaʼyulú ga̱jma̱a̱ maxnúlú makuwáanʼ kámuu mbiʼi.

Rí nijmañaaʼ

• Náá numuu rí nikháñuu Jesús rá.

• Ndíjkha rí nandoo Jesús “maʼtsiwáanʼ xúgiáanʼ xóo kaʼyoo” rá.

• Xóo embáyaaʼ ikháán rí nikháñuu Jesús rá.