KÍXNUU 28
Atayáá rí gíʼdoo numuu dí niʼni ga̱jma̱á numaaʼ Jeobá ma̱ngaa Jesús
Xú káʼnii ku̱ma̱a̱ʼ ikháán índo̱ mbáa bi̱ nambájxáaʼ ga̱jma̱a̱ʼ naxnáaʼ mbá regalo mitsaanʼ rá. Mbáa ikháán nadxaanʼ wéñuʼ ga̱jma̱a̱ nandaaʼ matasngajmáá rí nangajuaaʼ dí nixnáaʼ. Jeobá ga̱jma̱a̱ Jesús nixnúlú mbá regalo rí itháan májánʼ dí tsémbruíguii ga̱jma̱a̱ nimbá: Ikhaa nindxu̱u̱ rí nijuiʼtsiwáanʼ. Guʼyáá xú káʼnii gusngajmá rí nuxnáalú núma̱aʼ.
1. Ndiéjunʼ gáʼyóoʼ mu̱ʼni̱ mu musngajmá dí nangajulú rí niʼni Dios ma̱ngaa Jesús ga̱jma̱a̱ numulú rá.
Náa Biblia naʼthí “bi̱ gágiʼdoo fe náa ikhaa” xóo muʼthá Jesús, ma̱ndoo maxtáa kámuu mbiʼi (Juan 3:16). Xú káʼnii gusngajmá dí kuaʼdáá fe náa Jesús rá. Raʼkháa i̱ndó ndayóoʼ makumulúʼ kuʼyáá ikhaa, ma̱ngaa gíʼmaa makujmaa náa dí nuraʼwíí muʼni ga̱jma̱a̱ dí nuʼni (Santiago 2:17). Índo̱ nusngajmá dí kuaʼdáá fe ga̱jma̱a̱ rí xóo nuʼthá ma̱ngaa rí nuʼni, naʼni rí mambáxulu itháan gajmiúlú Jesús ga̱jma̱a̱ Jeobá bi̱ nindxu̱u̱ Anu̱u̱ (atraxnuu Juan 14:21).
2. Xkáʼnii mbiʼi kiejunʼ rígá dí musngajmáá Jeobá ga̱jma̱a̱ Jesús rí nuxníinlu núma̱aʼ xá.
Mbruʼun rí inu makhañúu Jesús niʼthún xa̱bi̱i̱ mbá rí xóo muni mu musngajma rí nuxnáa núma̱aʼ dí ikhaa makhañúu. Nigíʼ mbá mbiʼi kiejunʼ, náa Biblia naxná mbiʼyuu “Ganitsu wañuu Señor” ma̱ngaa najmaʼnuuʼ xóo Mbiʼi rí nuʼni ku̱ma̱a̱ xóo nikháñuu Jesús (1 Corintios 11:20). Jesús nigíʼ mbiʼi rúʼko̱ mu apóstoles ndrígóo, ga̱jma̱a̱ xúgíinʼ cristianos gajkhun bi̱ gaguwaʼ nda̱wa̱á, marmáʼáan a̱jkiu̱ún dí ikhaa nixnáximinaʼ ga̱jma̱a̱ numún xa̱bu̱ numbaaʼ. Índo̱ Jesús niʼthí rí magumariyaaʼ, ikhaa niʼtáñajunʼ: “Gu̱ni̱la̱ má xúʼko̱ rígi̱ mu marmáʼáan a̱jkia̱la kuyoʼ” (Lucas 22:19). Índo̱ naraxtaa náa Conmemoración, ikháán natayáá dí gíʼdoo numuu rí Jeobá ga̱jma̱a̱ Jesús nindúún kuyulúʼ wéñuuʼ.
GAJMAÑAAʼ ITHÁAN
Guʼyáá i̱ʼwáʼ xóo ma̱ndoo muʼni mu musngajmá rí nuxnáa núma̱aʼ Jeobá ga̱jma̱a̱ Jesús rí nindúún kuyulúʼ wéñuuʼ. Ga̱jma̱a̱ guʼyáá ndíjkha rí gíʼdoo numuu Mbiʼi rí nagumariyaaʼ dí nikháñúu Cristo.
3. Dí nuxnáa núma̱aʼ naxkaxáánʼ mu̱ʼni̱
Atatsaʼwáminaʼ dí naguʼwi̱i̱n náa iyaʼ mú na̱ʼkha̱ mbáa gáʼni kríñaanʼ. Lá mbá nacha̱ gámbumaaʼ dí niʼni xa̱bu̱ buʼko̱ ga̱jma̱a̱ numaaʼ ráʼ. O mataʼyáʼ xóo matani mu matasngajmáá rí naraxnáa núma̱aʼ dxe̱ʼ.
Ikháanʼlu gíʼmáanʼ náa Jeobá numuu rí niʼni káwáanʼ. Guraxnuu 1 Juan 4:8-10 ga̱jma̱a̱ gutamíjnála rígi̱:
-
Ndíjkha rí nindxu̱u̱ mbá regalo kiejunʼ dí nixnáximinaʼ Jesús rá.
-
Xú káʼnii eʼni maku̱ma̱a̱ʼ ikháán índo̱ natatsaʼwáminaʼ dí niʼni Jeobá ma̱ngaa Jesús ga̱jma̱á nindxa̱a̱ʼ rá.
Xú káʼnii gándoo musngajmá dí nduʼyáá rí gíʼdoo numuu dí niʼni Jeobá ga̱jma̱a̱ Jesús ga̱jma̱á ni̱ndxu̱lú rá. Guraxnuu 2 Corintios 5:15 ma̱ngaa 1 Juan 4:11, 5:3. Nda̱wa̱á dí guraxnuu mámbá versículo, gutamíjnála rígi̱:
-
Xú káʼnii gándoo musngajmá rí nuxnáa núma̱aʼ rá.
4. Guʼyaridáá Jesús
I̱mba̱ rí xóo ma̱ndoo musngajmá dí nuxnáa núma̱aʼ nindxu̱u̱ rí mbuʼyaridáá Jesús. Guraxnuu 1 Pedro 2:21 ga̱jma̱a̱ gutamíjnála rígi̱:
-
Xóo gándoo gátayaridáá ikháán Jesús rá.
Jesús nindoo kaʼyoo Ajngá rawuunʼ Dios, niʼtáráʼa ajngáa rí májánʼ ga̱jma̱a̱ nimbáñun xa̱bu̱.
5. Nuʼni ku̱ma̱a̱ mbiʼi rí nikháñuu Cristo
Mu mbuʼyáá ndiéjunʼ nirígá nákha timbá aʼphu̱ dí nigumariyaaʼ Ganitsu wañuu Señor, guraxnuu Lucas 22:14, 19, 20. Nda̱wa̱á gutamíjnála rígi̱:
-
Ndiéjunʼ nirígá índo̱ niʼni Ganitsu wañuu Señor rá.
-
Ndiéjunʼ eyoo gáʼthúu̱n pan ga̱jma̱a̱ vino rá. (Atayáá versículo 19 ga̱jma̱a̱ 20.)
Jesús nindoo rí xa̱bi̱i̱ muniriyaaʼ Ganitsu wañuu Señor mbóó miʼtsu rí mbá tsiguʼ. Ikha jngóo testigos de Jeobá ndawáanʼxu mámbá tsiguʼ mu marmáʼáan a̱jkiu̱xu mbiʼi rí nikháñuu Jesús ga̱jma̱a̱ nunixu xó má xkri̱da dí ikhaa niniñuuʼ. Mu ma̱ta̱ya̱a̱ xóo nindxu̱u̱ reunión rígi̱ rí gíʼdoo wéñuuʼ numuu, gu̱ya̱a̱ VIDEO. Nda̱wa̱á gutamíjnála rígi̱:
-
Ndiéjunʼ erígá náa Conmemoración rá.
Pan ga̱jma̱a̱ vino nindxu̱u̱ mbá xkri̱da. Pan nandoo gáʼthúu̱n xuyuuʼ Jesús rí mikaʼwu rí nixnáxi̱ ga̱jma̱á numulú xúgiáanʼ. Vino nandoo gáʼthúu̱n eʼdiuu Jesús.
RÍ NUTHI TIKHUN: “Káaʼ i̱ndó ndayóoʼ makumaaʼ xtayáá Jesús mu makríñaanʼ”.
-
Xóo gajmaaʼ ikháán Juan 3:16 ga̱jma̱a̱ Santiago 2:17 mu marata dí rígá i̱ʼwáʼ rí ndayóoʼ maguma rá.
RÍ NAGÁJNURIYO̱O̱ʼ
Nusngajmá dí nuxnáa núma̱aʼ dí niʼni Jesús ga̱jma̱á ni̱ndxu̱lú índo̱ kuaʼdáá fe náa ikhaa ga̱jma̱a̱ rí nakuwáánʼ índo̱ naguma ku̱ma̱a̱ mbiʼi rí ikhaa nikháñuu.
Rí nijmañaaʼ
-
Xú káʼnii gusngajmá fe náa Jesús rá.
-
Nandaaʼ matasngajmáá Jeobá ga̱jma̱a̱ Jesús dí ikháán natayáá dí gíʼdoo numuu rí nini ga̱jma̱a̱ numaaʼ ráʼ. Xóo gánigua̱a̱ʼ matasngajmá rá.
-
Ndíjkha rí gíʼdoo wéñuʼ numuu rí makuwáánʼ índo̱ nuʼni ku̱ma̱a̱ mbiʼi rí nikháñuu Jesús rá.
ATAYÁÁ ITHÁAN
Atadxawíín rí exkajxáanʼ muʼni numuu rí nikháñuu Jesús.
Gajmañaaʼ itháan ga̱jma̱a̱ numuu fe ma̱ngaa xóo gándoo matasnga̱jmá.
“Gusgajmá fe náa rí nikudaminaʼ maʼni Jeobá” (Bi̱ Nayejngoo, octubre tsiguʼ 2016)
Mbáa a̱ʼgu̱ niriʼkhu̱u̱ rí xóo xtáa índo̱ nikro̱ʼo̱o̱ ndiéjunʼ eyoo gáʼthúu̱n rí Jesús nixnáximinaʼ. Atraxnuu historia ndrígóo “Naku̱mu̱ʼ rí mikaʼwúún, rí ndaya ga̱jma̱a̱ rí xtáá tsímáá”.
“Biblia niriʼkhu̱u̱ rí xóo makuwá” (Bi̱ Nayejngoo, 1 ñajunʼ gu̱nʼ agosto tsiguʼ 2011)
Atayáá náá numuu rí káaʼ nguéjmi̱i̱n bi̱ naʼphu̱ pan ga̱jma̱a̱ naʼwa̱a̱n vino índo̱ narígá Conmemoración.
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
