KÍXNUU 34
Xóo gándoo gusngajmá Jeobá dí nandulúʼ kuʼyáá rá.
Lá nakumaaʼ dí itháan xtaa mingiiʼ náa Dios ki xóo nákhá nitagíʼdi̱i̱ nitanigajma̱a̱ Biblia rá. Lá nanigua̱a̱ʼ mambáxáaʼ ga̱jma̱a̱ itháan májánʼ xáʼ. Á mu xúʼko̱, garmáʼáan a̱jkia̱a̱nʼ índo̱ Jeobá ndaʼyoo dí ikháán nandaaʼ xtayáá itháan, ikhaa ma̱ngaa maʼndoo kaʼyaʼ itháan ga̱jma̱a̱ mañewa̱a̱nʼ. Xóo gándoo gatasngajmá dí nandaaʼ xtayáá xá.
1. Xóo esngajmáá Jeobá dí nandulúʼ kuʼyáá rá.
Nusngajmá rí nandulúʼ kuʼyáá índo̱ nuʼnimbulúʼ (atraxnuu 1 Juan 5:3). Mú ikhaa na̱nguá etsudaa nimbáa rí maʼnimbo̱o̱ kaʼyoo. Ikhaa naniñuuʼ dí mámbáa maraʼwíí ndiéjunʼ maʼni ga̱jma̱a̱ ndiéjunʼ rí xáʼni. Náá numuu rá. Numuu rí Jeobá nandoo rí “muʼnimbulú ga̱jma̱a̱ xúgíʼ a̱jkiu̱lú” (Romanos 6: 17). Xóo muʼthá, ikhaa nandoo rí ikháán matanimbaaʼ numuu rí nandaaʼ xtayáá, raʼkháa numuu rí mbáa natsudáánʼ. Rí ma̱ʼkha̱ raʼthí náa níʼkhóo 3 ga̱jma̱a̱ 4 ndrígóo libro rígi̱ mambáyáaʼ ma̱ta̱ya̱a̱ a̱jma̱ náa matasnga̱jmá dí nandaaʼ xtayáá: Ginii dí matani rí ikhaa naniguuʼ, raga̱jma̱ dí matani gaʼduunʼ rí ikhaa tsénigu̱u̱ʼ.
2. Ndíjkha rí nguáná naʼniulú mingíjyúuʼ musngajmáá Jeobá rí nandulúʼ kuʼyáá rá.
“Mbaʼa gamiéjunʼ rí nagíʼnuu xa̱bu̱ jmbii” (Salmo 34:19). Xúgiáánʼ má nuʼni mbá tsiakii muniʼñááʼ dí nakiéʼkulu. Ma̱ngaa nguáná numíniiʼ numuu rí nda̱a̱ mbújkha̱a̱, numuu dí eʼwíinʼ nuniulúʼ dí raʼkhí ga̱jma̱a̱ i̱ʼwáʼ xkujndu. Índo̱ nuraʼníí mbá dí mingíjyúuʼ, mbáa ikhú naʼniulú gakhii muʼni rí Jeobá gíʼthu̱u̱n muʼni. Asndu nakujmaa rí itháan má ragákhíi rí xúʼnimbulúʼ kuʼyáá. Mú, índo̱ ikháán nataniminaʼ matani rí Jeobá nandoo, natasngajmáá rí nandaaʼ xtayáá, tséʼniuu má dí gárígá. Ma̱ngaa natasngájma dí nariejún jmbu náa ikhaa. Índo̱ natani xúʼko̱, ikhaa ma̱ngaa mawiji̱ jmbu náa ikháán ga̱jma̱a̱ nditháan xániñaanʼ (atraxnuu Salmo 4:3).
GAJMAÑAAʼ ITHÁAN
Guʼyáá ndíjkha rí gíʼdoo numuu eʼyoo Jeobá rí muʼnimbulúʼ ga̱jma̱a̱ ndiéjunʼ gambáyuluʼ muguajún jmbu má xúʼko̱.
3. Mbóoʼ xkujndu rí ikháán xtaʼdáá
Xó má na̱ʼkha̱ raʼthí náa Biblia ga̱jma̱a̱ numuu Job, Gixa̱a̱ niʼni tsu̱du̱u̱ Job mú raʼkháa i̱ndó ikhaa ma̱ngaa niʼni tsu̱du̱ún xúgíinʼ xa̱bu̱ bi̱ nandún muni ñajuunʼ Jeobá. Guraxnuu Job 1:1 ma̱ngaa 1:6–2:10 ga̱jma̱a̱ gutamíjnála rígi̱:
-
Ndíjkha rí Job niʼnimbo̱o̱ kaʼyoo Jeobá niʼthí Gixa̱a̱ rá. (Gu̱ya̱a̱ Job 1:9-11.)
-
Ndiéjunʼ eʼni tsudulúʼ xúgiáanʼ Gixa̱a̱ rá. (Gu̱ya̱a̱ Job 2:4.)
Guraxnuu Job 27:5b ga̱jma̱a̱ gutamíjnála rígi̱:
-
Xú káʼnii nisngájma Job dí nindoo kaʼyoo gajkhun Jeobá rá.
Job nisngájma rí nindoo kaʼyoo Jeobá índo̱ niwi̱ji̱ jmbu.
Índo̱ naguajún jmbu, nusngajmáá Jeobá rí nandulúʼ kuʼyáá.
4. Atani rí maʼdxuu a̱jkiu̱u̱n Jeobá
Guraxnuu Proverbios 27:11 ga̱jma̱a̱ gutamíjnála rígi̱:
-
Xú káʼnii eku̱mu̱u̱ Jeobá índo̱ ikháán natatsimbaaʼ xtayáá ga̱jma̱a̱ natraʼwíí dí májánʼ matani rá. Náá numuu rá.
5. Ikháán ma̱ndoo mañejún jmbu náa Jeobá
Rí nandulúʼ kuʼyáá Jeobá naxkaxáánʼ muʼthúún eʼwíinʼ ga̱jma̱a̱ numuu ikhaa. Ma̱ngaa rí maguajún jmbu náa ikhaa naxkaxáánʼ muʼni rí nandoo maski asndu naʼniulú mingíjyúuʼ. Gu̱ya̱a̱ VIDEO ga̱jma̱a̱ gutamíjnála rígi̱:
-
Naʼniaaʼ mingíjyúuʼ marathu̱u̱n eʼwíinʼ ga̱jma̱a̱ numuu Jeobá ráʼ.
-
Xó má ndiʼyáá náa video, xú káʼnii niʼni Grayson mu ní xámiñuu rá.
Na̱nguá mingíjyúuʼ muguajún jmbu náa Jeobá índo̱ nanigulúʼ rí ikhaa naniguuʼ ga̱jma̱a̱ naguiyulú kuʼyáá dí ikhaa tsénigu̱u̱ʼ. Guraxnuu Salmo 97:10 ga̱jma̱a̱ gutamíjnála rígi̱:
-
Dí nadxuʼ rajmañaʼ asndu xúgi̱, ndiéjunʼ nindxu̱u̱ tikhu dí Jeobá naniguuʼ rá. Ga̱jma̱a̱ ndiéjunʼ nindxu̱u̱ tikhu dí ikhaa tsénigu̱u̱ʼ xá.
-
Xú káʼnii gándoo gájmañaaʼ ikháán maʼndaaʼ xtayáá dí májánʼ ga̱jma̱a̱ maguiyaaʼ xtayáá dí ra̱májánʼ rá.
6. Nambáyulúʼ rí muʼnimbulúʼ kuʼyáá Jeobá
Rí muʼnimbulúʼ kuʼyáá Jeobá nindxu̱u̱ itháan májánʼ. Guraxnuu Isaías 48:17, 18 ga̱jma̱a̱ gutamíjnála rígi̱:
-
Nakumaaʼ ikháán dí Jeobá ndaʼyoo gajkhun ndiéjunʼ gámbáyulú ráʼ. Náá numuu tatsaʼwáminaʼ xúʼko̱ rá.
-
Ndiéjunʼ nimbáyaaʼ asndu xúgi̱ rí matanigajma̱a̱ Biblia ma̱ngaa rí matatsiʼniiʼ itháan májánʼ Jeobá bi̱ nindxu̱u̱ Dios gajkhun rá.
RÍ NUTHI TIKHUN: “Dios tsixmiéjuunʼ asndu ndiéjunʼ má eni̱ ikhúún”.
-
Xú káʼnii texto ndrígóo Biblia ma̱ndoo majmaaʼ mu marata̱ dí xúgíʼ rí nuʼni maʼni maʼdxuu o magawúúnʼ Jeobá rá.
RÍ NAGÁJNURIYO̱O̱ʼ
Ikháán natasngájma dí nandaaʼ xtayáá Jeobá índo̱ natatsimbaaʼ ga̱jma̱a̱ mariejún jmbu maski asndu naraʼdáá xkujndu o gaʼkhu.
Rí nijmañaaʼ
-
Ndiéjunʼ eʼsngáa náa xkri̱da ndrígóo Job rá.
-
Xú káʼnii gatasngajmá ikháán rí nandaaʼ xtayáá Jeobá rá.
-
Ndiéjunʼ gámbáyaaʼ mariejún jmbu náa Jeobá rá.
ATAYÁÁ ITHÁAN
Atayáá xú káʼnii gándoo mariejún jmbu náa Jeobá ga̱jma̱a̱ náa congregación.
Atayáá itháan ga̱jma̱a̱ numuu rí niʼni tsudáánʼlú Gixa̱a̱.
Atayáá rí asndu e̱ji̱n ma̱ndoo musngajma rí nandún kuyáá Jeobá.
Xú káʼnii gándoo guguajún jmbu náa Dios jiámá ga̱jma̱a̱ wa̱ʼxa̱ʼ índo̱ eʼwíinʼ nutsudiin muni dí raʼkhí rá.
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
