KÍXNUU 38
Guʼyamajkuíí vida rí nikhánulú
Náa vida ndrígúlú rígá mbaʼa dí mitsaanʼ wéñuuʼ. Maski asndu nuraʼníí xkujndu, ma̱ndoo mbuʼyáá má xúʼko̱ dí mitsaanʼ náa kuwáánʼ. Xú káʼnii gándoo gusngajmáá Jeobá dí nduʼyamajkuíí regalo rígi̱ rá. Ndíjkha rí gíʼdoo wéñuuʼ numuu musngajmá rí nduʼyamajkuíí rá.
1. Ndíjkha rí gíʼmaa mangajulú vida rá.
Gíʼmaa mangajulú numuu rí nindxu̱u̱ mbá regalo dí nixnúlú Anu̱lú Jeobá. Náa Ikhaa “na̱ʼkha̱ rí nandoo nduʼya”, numuu rí ikhaa niʼniwíinʼ xúgíinʼ bi̱ nduya (Salmo 36:9). “Ikhaa má naxnún xúgíinʼ xa̱bu̱ rí mbuya, giñánʼ mu mbu̱ya̱ xi̱ʼ ga̱jma̱a̱ xúgíʼ dí rígá” (Hechos 17:25, 28). Jeobá nindxu̱u̱ bi̱ naxnúlú dí ndayúlú mu mbuʼya má xúʼko̱. Ma̱ngaa, ikhaa naʼni marigá dí maʼni manigulúʼ makuwáánʼ (atraxnuu Hechos 14:17).
2. Xú káʼnii gándoo musngajmáá Jeobá dí nduʼyamajkuíí regalo rí makuwáánʼ rá.
Asndu nákha Ana̱a̱ʼ ga̱jma̱a̱ ru̱dáa̱ʼ nini rí maraxtaa, Jeobá ndiʼyaaʼ ikháán. Dios má niʼni rí mbáa xa̱bi̱i̱ bi̱ mbiʼyuu David maʼthí: “Idaʼ ndiʼyoo índo̱ ndiʼkhún xtáá ragumún” (Salmo 139:16). Vida ndrígáaʼ ikháán gíʼdoo wéñuuʼ numuu eʼyoo Jeobá (atraxnuu Mateo 10:29-31). Ikhaa magawúunʼ wéñuuʼ á mu mbáa naxiyáaʼ kiejunʼ mbáa xa̱bu̱ o rí maxiyaminaʼ ikhaa má mbáa xa̱bu̱ (Éxodo 20:13). a Ma̱ngaa magawúúnʼ wéñuuʼ á mu tséñewamíjná náa rígá gamíi o á mu nda̱a̱ dí eʼni mu muñewa̱a̱n vida ndrígu̱ún eʼwíinʼ. Índo̱ nuñewumíjna ikháanʼ ga̱jma̱a̱ nduʼyamajkuíí vida ndrígu̱ún eʼwíinʼ, nusngajmá dí nangajulú rí nikhánulú makuwáánʼ.
GAJMAÑAAʼ ITHÁAN
Guʼyáá tikhu xóo gándoo musngajmá dí nuxnáalu núma̱aʼ regalo rí nandoo makuwáánʼ.
3. Atie̱wa̱a̱n xuyaaʼ
Cristianos bi̱ nixna ajngún náa Jeobá rí muni ñajuunʼ, najmún má xúʼko̱ vida ndrígu̱ún xó má eyoo ikhaa. Nixnaxi̱ xuñún náa Dios xóo mbá tsigijñaʼ dí kaʼwu, ikha jngóo, ndayóoʼ muñewa̱a̱n. Guraxnuu Romanos 12:1, 2 ga̱jma̱a̱ gutamíjnála rígi̱:
-
Ndíjkha rí gíʼmaa matiewa̱a̱n xuyaaʼ rá.
-
Xú káʼnii gándoo gátiewa̱a̱n rá.
4. Atayáá rí xátani kambíyuminaʼ ikháán ni má eʼwíinʼ
Náa Biblia naʼthúlú dí gíʼmaa muʼni tsíngumi̱jna̱ náa kaʼnii makambíyulú. Gu̱ya̱a̱ VIDEO ga̱jma̱a̱ gu̱ya̱a̱ xóo gándoo gúʼni mu muñeumíjna̱
Guraxnuu Proverbios 22:3 ga̱jma̱a̱ gutamíjnála, xú káʼnii gándoo maʼni mbáa mu muñewumínáʼ. . .
-
. . . náa goʼwóo.
-
. . . náa nañajunʼ.
-
. . . náa naʼtsíin.
-
. . . índo̱ na̱jkha̱ kayóo carro o na̱jkha̱ náa carro
5. Atayamajkuíí vida ndrígóo mbáa ada̱ bi̱ xóó tséxtáa
Ga̱jma̱a̱ ajngáa nagui̱i̱, David niʼthí xóo eku̱mu̱u̱ Jeobá kaʼyoo vida ndrígúlú ga̱jma̱a̱ xóo e̱ja̱a̱ mbáa ada̱ bi̱ kaʼnííʼ kuaʼwa̱a̱n náa awúu̱n ru̱dúu̱. Guraxnuu Salmo 139:13-17 ga̱jma̱a̱ gutamíjnála rígi̱:
-
Nguáná eʼyoo Jeobá rí nagi̱ʼdu̱u̱ vida ndrígóo mbáa xa̱bu̱, índo̱ nagumaa o índo̱ nagi̱ʼdu̱u̱ naguewáan ru̱dúu̱ dxe̱ʼ.
Náa xtángoo rí Jeobá nixnúún xa̱bu̱ Israel nákhá wájyúuʼ nañewu̱u̱n gu̱ʼu̱ bi̱ kuda ewáanʼ e̱jñún ga̱jma̱a̱ e̱ji̱n bi̱ kúwá awúún rudún. Guraxnuu Éxodo 21:22, 23 ga̱jma̱a̱ gutamíjnála rígi̱:
-
Xú káʼnii eʼyoo Jeobá índo̱ mbáa táʼni kiejunʼ dí makhañúu mbáa ada̱ bi̱ xóó tségumaa rá.
-
Xú káʼnii gákumu̱u̱ á mu mbáa naxíyáa kiejunʼ xá. b
-
Ndiéjunʼ kumaaʼ ikháán ga̱jma̱a̱ numuu rí xóo endxaʼwamínáʼ Dios rá.
Asndu a̱ʼgu̱ bi̱ nangajo̱o̱ wéñuʼ vida migamíi mandxaʼwáminaʼ rí i̱ndó dí ma̱ndoo maʼni nindxu̱u̱ rí maríguíi a̱ʼdióo. Guraxnuu Isaías 41:10 ga̱jma̱a̱ gutamíjnála rígi̱:
-
Á mu nutsudaa mbáa a̱ʼgu̱ rí maríguíi a̱ʼdióo, tsáa gáʼthúu̱n rí mambáyúu xá. Náá numuu rá.
RÍ NUTHI TIKHUN: “Mámbáa a̱ʼgu̱ gíʼmaa mbaʼyoo á mu nandoo maríguíi ada̱ o na̱nguá. Ikhaa má kaʼyoo mbaʼyoo ndiéjunʼ gáʼni ga̱jma̱a̱ xuyuuʼ”.
-
Ndiéjunʼ eʼni ma̱ta̱ya̱a̱ ikháán dí Jeobá ndaʼyoo dí gíʼdoo numuu vida ndrígóo mbáa a̱ʼgu̱ bi̱ kagu̱ ewáan mbáa ada̱ ga̱jma̱a̱ ada̱ bi̱ kaʼwa̱a̱n awúu̱n rá.
RÍ NAGÁJNURIYO̱O̱ʼ
Vida nindxu̱u̱ mbá rí nimínáanʼlu Jeobá. Náa Biblia naʼsngúlú dí mbuʼyamajkuíí, muñewa̱a̱n ga̱jma̱a̱ rí maʼndulú kuʼyáá vida ndrígúlú ga̱jma̱a̱ ndrígu̱ún eʼwíinʼ.
Rí nijmañaaʼ
-
Ndíjkha nduʼyáá rí Jeobá ndaʼyoo dí gíʼdoo numuu vida ndrígu̱ún xa̱bu̱ rá.
-
Xú káʼnii eku̱mu̱u̱ Jeobá índo̱ mbáa naxíyaminaʼ o naxíyáa i̱mba̱ rá.
-
Ndiéjunʼ dí itháan nanigua̱a̱ʼ náa vida dí nikhánulú rá.
ATAYÁÁ ITHÁAN
Xú káʼni gándoo guxnáa núma̱aʼ Jeobá numuu rí nixnúlú makuwáánʼ rá.
Lá ma̱ndoo maʼni mba̱a̱ a̱jkiu̱u̱n Dios kaʼyoo mbáa a̱ʼgu̱ bi̱ niraʼwíí mariguíi a̱ʼdióo nákhá ginii ráʼ.
“Ndiéjunʼ eʼthí náa Biblia ga̱jma̱a̱ numuu rí nuriguíinʼ i̱ji̱n xá.” (Artículo dí rígá náa jw.org)
Atayáá xú káʼnii mbríguii eʼyoo Dios vida ndrígúlú ga̱jma̱a̱ rí xóo nuʼtsíin.
Á mu mbáa xa̱bu̱ nindxa̱ʼwáminaʼ rí maxíyaminaʼ rá. Atayáá ndiéjunʼ consejo exná Biblia.
a Jeobá naxmiéjuunʼ kaʼñúún bi̱ kúwá ngíná wéñuʼ (Salmo 34:18). Ikhaa nakro̱ʼo̱o̱ xóo eku̱mu̱u̱ mbáa bi̱ asndu nandxa̱ʼwáminaʼ rí maxiyáminaʼ ga̱jma̱a̱ nandoo mambáñún bi̱ naku̱mu̱ún xúʼko̱. Atraxnuu xú káʼnii eyambáá wéñuuʼ dí naʼthí Ikhaa náa artículo rí kayá edxu̱u̱ “Ma̱ndoo mambáyuʼ Biblia á mu nánguá eyóoʼ maxtáá o nandxa̱ʼwa̱mínáʼ rí maxíyaminaʼ ráʼ.” Dí na̱ʼkha̱ náa naʼthí “Atayáá itháan” ndrígóo kíxnuu má rígi̱.
b Bi̱ niraʼwi̱i̱ mudriguíin e̱jñún nákha ginii, xáʼyóoʼ maxmiéjunʼ má xúʼko̱ ga̱jma̱a̱ numuu rí nikiéʼkhún; Jeobá xtáa xawii maʼni mba̱a̱ a̱jkiu̱u̱n kaʼñún. Mataxkamaa itháan náa naʼthí ga̱jma̱a̱ numuu tema rígi̱ náa artículo “Ndiéjunʼ eʼthí náa Biblia ga̱jma̱a̱ numuu rí nuriguíinʼ i̱ji̱n xá.” Dí na̱ʼkha̱ náa naʼthí “Atayáá itháan” ndrígóo kíxnuu má rígi̱.
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
