KÍXNUU 41
Ndiéjunʼ eʼsngáa náa Biblia ga̱jma̱a̱ numuu dí nubúúnʼ xa̱bu̱ rá.
Mbaʼin natiñu̱u̱n muthi ga̱jma̱a̱ numuu rí nubúúnʼ xa̱bu̱. Mú, índo̱ náa Ajngá rawuunʼ Dios naʼthí numuu rúʼko̱ naʼthí mbájmbu mú ga̱jma̱a̱ gamajkhu. Índo̱ naʼthí ga̱jma̱a̱ numuu rí nubúúnʼ xa̱bu̱ nayambáá. Xúʼko̱, numuu rí Biblia na̱ʼkha̱ náa Jeobá, bi̱ niʼniáánʼ ga̱jma̱a̱ ndaʼyoo ndiéjunʼ eyóoʼ mámbáa dí ikháanʼ. Ikhaa naʼsngúlú ndiéjunʼ gíʼmaa muʼni mu ikhaa maxtáa gagi ga̱jma̱a̱ ndiéjunʼ gáʼni rí ikháanʼ ma̱ndoo makuwáánʼ tsímáá kámuu mbiʼi.
1. Xú káʼnii eʼyoo Jeobá rí nubúúnʼ xa̱bu̱ rá.
Rí nubúúnʼ xa̱bu̱ nindxu̱u̱ mbá regalo dí naxná Jeobá. Ikhaa nandoo rí i̱ndó xa̱bu̱ bi̱ nidamijná muni gagimijná índo̱ nubúúnʼ. Regalo rígi̱ raʼkháa i̱ndó naʼni rí xa̱bu̱ gajmii muguaʼdiin e̱ji̱n ma̱ngaa xúʼko̱ nandoo nusngajma rí nandún kuyamijná. Ikha jngóo náa Ajngá rawuunʼ Dios naʼthí: “Atani gagiminaʼ ga̱jma̱ʼ a̱ʼgu̱ bi̱ ndiyáa nákha dxámá” (Proverbios 5:18, 19). Jeobá nagi̱ʼthu̱u̱n dí cristianos bi̱ nidamijná xúninduwaaʼ bi̱ ndi̱ya̱a̱. Ikha jngóo mbáa cristiano nditháan ragíʼmaa mabóoʼ ga̱jma̱a̱ bi̱ raʼkháa a̱ʼgiu̱u̱ o ajmbio̱o̱ (atraxnuu Hebreos 13:4).
2. Ndiéjunʼ nindxu̱u̱ rí nubúúnʼ xkawiʼ kayuuʼ gajmiún eʼwíinʼ xá.
Náa Biblia naʼthí “Xa̱bu̱ bi̱ nubúúnʼ xkawiʼ kayuuʼ gajmiún eʼwíinʼ […] xátaʼán náa maʼtáñajunʼ Xa̱bu̱ Ñajunʼ ndrígóo Dios” (1 Corintios 6:9, 10). Índo̱ nithi ajngáa rí nubúúnʼ xkawiʼ kayuuʼ bi̱ niniraʼmáʼ Biblia, náa ajngáa griego nijmún ajngáa pornéia. Rígá ajtsú náa najmaa ajngáa rígi̱, 1) ikhaa nindxu̱u̱ índo̱ nuni aʼkhá xa̱bu̱ bi̱ xóó tsédamijná, a 2) índo̱ nubúúnʼ kanikhiin xa̱bekha o kanikhiin gu̱ʼu̱ 3) ga̱jma̱a̱ índo̱ nubúúnʼ gajmiún xujkhú. Índo̱ nuʼni gaʼduunʼ majngutíguáánʼ náa tsáʼkhá rígi̱, nuʼni rí maʼdxuu a̱jkiu̱u̱n Jeobá ga̱jma̱a̱ naguáʼdáá mbaʼa rí májánʼ (1 Tesalonicenses 4:3).
GAJMAÑAAʼ ITHÁAN
Guʼyáá ndiéjunʼ gándoo matani mu xájpatriguiin náa tsáʼkhá rí mataba̱a̱ʼ xkawiʼ kayuuʼ ga̱jma̱a̱ʼ mbáa ma̱ngaa ndiéjunʼ dí májánʼ gáraʼdáá á mu tsétani gachíminaʼ.
3. Atani tsínguminaʼ náa kaʼnii mataba̱a̱ʼ xkawiʼ kayuuʼ ga̱jma̱a̱ʼ mbáa
José, mbáa xa̱biya̱ bi̱ niwi̱ji̱ jmbu niʼni mbá tsiakii mu xáʼni gachúminaʼ. Guraxnuu Génesis 39:1-12 ga̱jma̱a̱ gutamíjnála rígi̱:
-
Ndíjkha nigáyúu José rá. (Gu̱ya̱a̱la náa versículo 9).
-
Lá naku̱ma̱a̱ʼ dí José niʼni dí májánʼ rá. Ndíjkha rá.
Xú káʼnii gándoo gúyaridáá José jiámá ga̱jma̱a̱ wa̱ʼxa̱ʼ mu xúbúúnʼ xkawiʼ kayuuʼ gajmiún mbáa xá. Gu̱ya̱a̱ VIDEO.
Jeobá nandoo dí xúgiáánʼ muʼni gaʼduunʼ dí muʼbúlú xkawiʼ kayuuʼ gajmiúlú mbáa. Guraxnuu 1 Corintios 6:18 ga̱jma̱a̱ gutamíjnála rígi̱:
-
Náá mínaaʼ gamíi maʼni rí mubúúnʼ xkawiʼ kayuuʼ gajmiún mbáa xá.
-
Xú káʼnii gándoo matani tsínguminaʼ mu xátaba̱a̱ʼ xkawiʼ kayuuʼ ga̱jma̱a̱ʼ mbáa rá.
4. Ikháán majmáán matani gaʼduunʼ tsáʼkhá
Ndiéjunʼ gáʼni dí maʼniulú gakhii muʼni gaʼduunʼ rí muʼbúlú xkawiʼ kayuuʼ gajmiúlú mbáa rá. Gu̱ya̱a̱ VIDEO ga̱jma̱a̱ gutamíjnála rígi̱:
-
Índo̱ ndxájulú bi̱ na̱ʼkha̱ náa video ni̱jkha̱nú ndiʼyoo rí xóo nandxa̱ʼwáminaʼ ga̱jma̱a̱ rí naʼni ndiʼyoo dí migamíi maʼninduwaaʼ a̱ʼgiu̱u̱, ndiéjunʼ niʼni xá.
Asndu a̱ngiu̱lú bi̱ guájun jmbu nguáná naʼniún mingíjyúuʼ mundxaʼwamíjna̱ má xúʼko̱ dí kaʼwu. Ndiéjunʼ gándoo matani ikháán mu xatatsaʼwamínáʼ dí xkawiʼ rá. Guraxnuu Filipenses 4:8 ga̱jma̱a̱ gutamíjnála rígi̱:
-
Ndiéjunʼ dí gíʼmaa mundxaʼwamíjná rá.
-
Lá naku̱ma̱a̱ʼ ikháán dí xajngutíguáanʼ náa tsáʼkhá á mu nuraxnuu Biblia ga̱jma̱a̱ naguáʼdáá mbaʼa dí nuʼni náa ñajuunʼ Jeobá ráʼ. Ndíjkha rá.
5. Ikha ndrígóo Jeobá nambáyulúʼ
Jeobá ndaʼyoo ndiéjunʼ dí itháan májánʼ mambáyulú. Ikha jngóo naʼthúlú xkáʼnii gíʼmaa muʼni mu xúʼni gachíí xuyulúʼ ni má rí xóo endxaʼwamíjna̱lu ga̱jma̱a̱ ndiéjunʼ gáyambáá á mu nuʼnimbulú. Guraxnuu Proverbios 7:7-27 ma̱ngaa gu̱ya̱a̱ VIDEO ga̱jma̱a̱ gutamíjnála rígi̱:
-
Xú káʼnii ni̱jkha̱ kayáa dxámá rí maxpátríguíi náa tsáʼkhá rá. (Gu̱ya̱a̱ Proverbios 7:8, 9).
-
Xó má naʼthí náa Proverbios 7:23, 26, dí mubúúnʼ xkawiʼ kayuuʼ xa̱bu̱ naʼni rí mumíniiʼ wéñuʼ. Á mu dí tséʼni aʼkhá rígi̱, xú káʼnii gakuwáanʼ rá.
-
Xú káʼnii embáyulú dí xúʼni gachíí xuyulúʼ ni má rí xóo endxaʼwamíjna̱ mu makuwáánʼ májánʼ kámuu mbiʼi rá.
Tikhun nakumu̱ún dí Dios na̱nguá eyoo kaʼyulú numuu rí náa Biblia naʼthí dí raʼkhí nindxu̱u̱ índo̱ nubúúnʼ kanikhiin xa̱bekha o gu̱ʼu̱. Jeobá nandoo kaʼyulúʼ ga̱jma̱a̱ nandoo dí xúgíinʼ xa̱bu̱ numbaaʼ makuwá gagi kámuu mbiʼi. Mu makhánulúʼ regalo rígi̱, ndayóoʼ rí makuwáanʼ xó má naʼsngáa náa xtángoo ndrígóo ikhaa. Guraxnuu 1 Corintios 6:9-11 ga̱jma̱a̱ gutamíjnála rígi̱:
-
Lá ndaʼyoo Dios dí i̱ndó rí mubúúnʼ kanikhiin xa̱bekha ga̱jma̱a̱ gu̱ʼu̱ nindxu̱u̱ xkawiʼ ráʼ.
Xúgiáánʼ ndayóoʼ muriʼkhumijná mu muʼni dí nanigu̱u̱ʼ Dios. Lá magiʼdoo numuu tsiakii dí guʼni ráʼ. Guraxnuu Salmo 19:8, 11 ga̱jma̱a̱ gutamíjnála rígi̱:
-
Lá naku̱ma̱a̱ʼ ikháán dí ikha ndrígóo Jeobá gíʼdoo numuu ráʼ. Ndíjkha naku̱ma̱a̱ʼ xúʼko̱ rá.
Jeobá nimbañúún mbaʼin munimbu̱ún ikha ndrígóo, xúʼko̱ má ma̱ndoo mambáyáaʼ mangáán.
RÍ NUTHI TIKHUN: “Na̱nguá má nindxu̱u̱ raʼkhí dí a̱jmi̱i̱n xa̱bu̱ bi̱ nandún kuyamijná mubúúnʼ”.
-
Ndiéjunʼ rathá ikháán rá.
RÍ NAGÁJNURIYO̱O̱ʼ
Rí mubúúnʼ xa̱bu̱ nindxu̱u̱ mbá regalo dí naxná Jeobá mú ikhaa nandoo rí i̱ndó xa̱bu̱ bi̱ nidamijná ma̱ndoo muni gagimijná ga̱jma̱a̱ numuu rígi̱.
Rí nijmañaaʼ
-
Ndiéjunʼ i̱ʼwáʼ nindxu̱u̱ dí mataba̱a̱ʼ xkawiʼ kayuuʼ ga̱jma̱a̱ʼ mbáa rá.
-
Ndiéjunʼ gámbáyulú mu xajpatríguáanʼ rí muʼbúlú xkawiʼ kayuuʼ gajmiúlú mbáa rá.
-
Xú káʼnii embáyulú rí munimbulú ikha ndrígóo Jeobá rá.
ATAYÁÁ ITHÁAN
Atayáá ndíjkha rí Dios nandoo dí xa̱biya̱ ga̱jma̱a̱ a̱ʼgu̱ mudamijná bi̱ nandún makuwá mbóó.
Atayáá ndíjkha rí náa Biblia naʼthí dí ragíʼmaa makíʼnáanlu kuʼñúún xa̱bekha o gu̱ʼu̱ bi̱ nudamijná kanikhiin.
Atraxnuu mu ma̱ta̱ya̱a̱ xú káʼnii nañewunlúʼ ikha ndrígóo Biblia náa rí nubúúnʼ xa̱bu̱.
Ndiéjunʼ nixkaxi̱i̱ mbáa xa̱biya̱ bi̱ niniguuʼ mabóoʼ ga̱jma̱a̱ imba̱a̱ xa̱biya̱, mu mariʼkhuu xóo xtáa ga̱jma̱a̱ maʼni rí naniguuʼ Dios xá. Atraxnuu historia ndrígóo, náa kayá edxu̱u̱: “Niniuʼ xóo mbáa xa̱bu̱ májáanʼ”.
“Biblia niriʼkhuu rí xóo makuwá” (Bi̱ Nayejngoo, 1 ñajunʼ gu̱nʼ abril tsiguʼ 2011)
a Rí nubúúnʼ xkawiʼ kayuuʼ ikhaa nindxu̱u̱: Rí nuni aʼkhá ga̱jma̱a̱ rawúúnʼ o nixtúún ma̱ngaa índo̱ mbáa nagugua tsáʼkhúun imba̱a̱.
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
