Jeobá nandoo rí manigulúʼ makuwáánʼ ga̱jma̱a̱ rí nguáná muʼni ndxa̱a̱. Lá naniguuʼ Dios xúgíʼ ndxa̱a̱ o náa nuni gagimijná xa̱bu̱ rá. Xú káʼni gándoo musngajmá dí nandulú kuʼyáá ga̱jma̱a̱ rí naxmiéjunlú mbuʼyáá xóo eku̱mu̱u̱ xá.

1. Ndíjkha rí Jeobá tsénigu̱u̱ʼ xúgíʼ ndxa̱a̱ rá.

Mbáa asndu maʼniaaʼ tsiánguá ma̱ta̱ya̱a̱ dí mbaʼa ndxa̱a̱ nikumu̱u̱ náa xa̱bu̱ bi̱ na̱nguá eyamajkuíí Dios o náa kiʼsngáa dí tséʼkha̱ náa Biblia. Tikhu ndxa̱a̱ na̱ʼkha̱ náa religión dí mindu̱wa̱ʼ ga̱jma̱a̱ tikhu kaʼyoo náa xúgíʼ enii xawan, o tikhu ndxa̱a̱ naxkajxi̱i̱n xa̱bu̱ maku̱mu̱ún dí rígá alma rí nditháan tsékháñuu. Ga̱jma̱a̱ kúwá tikhun xa̱bu̱ índo̱ rígá dí nduyáá o nudxawíín nakumu̱ún dí rígá rí eyoo gáʼthúu̱n ga̱jma̱a̱ nunimbu̱ún náa suerte ikha jngóo nuniriya̱a̱ʼ ndxa̱a̱ (Isaías 65:11). Mú Jeobá naʼthúún rígi̱ xa̱bi̱i̱: “Guniwájímíjná, xúrugua nditháan rí mitsaga” (2 Corintios 6:17). a

2. Xú káʼnii eʼyoo Jeobá tikhu ndxa̱a̱ náa nduyamajkhún wéñuʼ xa̱bu̱ xá.

Jeobá naʼthúlú dí xánindxu̱lú xóo bi̱ “nakumu̱ún kuñúún xa̱bu̱ú”, numuu dí rúʼko̱ nindxu̱u̱ mbá tsáʼkhá (atraxnuu Jeremías 17:5). Tikhu ndxa̱a̱ nuni mu mbuyamajkún wéñuʼ Xa̱bu̱ Ñajunʼ o soldados. Ga̱jma̱a̱ rí mbuyamajkuíí símbolo ndrígóo xuajñún, xóo bandera o nuni ndxo̱o̱ mbiʼi dí niguma kríyaaʼ país ndrígu̱ún (1 Juan 5:21). Ga̱jma̱a̱ bi̱ numbañún partido politico mangiin bi̱ nagimbúun mu mutambáyumijná o nuthi ndiéjunʼ rí nandún maxtiʼkhuu. Á mu nduʼyamajkuíí wéñuʼ mbáa xa̱bu̱ú o mbá organización, itháan xóo bi̱ nuni o nuthi rí tsémbánii rí nandoo Dios, xú káʼnii eku̱mu̱u̱ ikhaa ku̱ma̱a̱ʼ ikháán xá.

3. Ndiéjunʼ erígá náa ndxa̱a̱ dí naʼni xákujmaa májánʼ rá.

Náa Biblia naʼthí dí ragíʼmaa “muwa̱a̱n wéñuʼ iya najnga̱a̱, rí muʼgua náa ndxa̱a̱ náa rí tsíñewa̱a̱n dí eni̱ ga̱jma̱a̱ náa ndxa̱a̱ rí najngi̱i̱n” (1 Pedro 4:3). Náa tikhu ndxa̱a̱ xa̱bu̱ na̱nguá eñewa̱a̱n dí eni̱ ga̱jma̱a̱ nuni dí xkawiʼ. Á mu nandulú mambáxulu má xúʼko̱ gajmiúlú Jeobá, gíʼmaa muʼni tsíngumijná náa xúgíʼ dí xkawiiʼ dí nuni xa̱bu̱.

 GAJMAÑAAʼ ITHÁAN

 5. Atagíʼ matani rí najmañaaʼ mu xúʼko̱ munimbu̱ún dí marata

6. Jeobá nandoo dí makuwáánʼ gagi

Jeobá naniguuʼ dí muʼni gagimijná gajmiúlú bi̱ kúwá náa guʼwúlú ga̱jma̱a̱ bi̱ nambájxu gajmiúlú. Guraxnuu Eclesiastés 8:15 ga̱jma̱a̱ gutamíjnála rígi̱:

• Xú káʼnii esngájma versículo rígi̱ dí Jeobá nandoo makuwáánʼ gagi rá.

Jeobá ma̱ngaa nandoo dí xa̱bi̱i̱ muni gagimijná ma̱ngaa rí makuwá mbá kambáxu̱u̱n. Gu̱ya̱a̱ VIDEO náa nakujmaa dí xígi̱ kúwi̱i̱n a̱ngiu̱lú índo̱ narígá asamblea internacional.

Guraxnuu Gálatas 6:10 ga̱jma̱a̱ gutamíjnála rígi̱:

• Lá ndayóoʼ muʼniriya̱a̱ʼ mbá ndxa̱a̱ mu muʼniu̱u̱n dí májánʼ eʼwíinʼ xa̱bu̱ ráʼ.

• Xkáʼnii regalo nanigua̱a̱ʼ maraxna ikháán, dí nutsudáánʼ maraxna ga̱jma̱a̱ numuu mbá mbiʼi kiejunʼ ráʼ. O dí maraxna numuu dí nagájnuu náa a̱jkia̱a̱nʼ dxe̱ʼ.

• Mbaʼin Testigos nguáná nuriyaʼ mbiʼi muni gagimijná gajmiún e̱jñún ga̱jma̱a̱ nuxnún regalo. Á mu ikháán xtaʼdiin ejña̱a̱nʼ, ndiéjunʼ gándoo matani ga̱jma̱a̱ numún ikhiin xá.

 RÍ NAGÁJNURIYO̱O̱ʼ

Jeobá nandoo dí muʼni gagimijná gajmiúlú bi̱ kúwá náa guʼwúlú ga̱jma̱a̱ bi̱ nambájxu gajmiúlú, mú tsíyoo dí mu̱ʼgua̱ náa ndxa̱a̱ dí ikhaa tsénigu̱u̱ʼ.

Rí nijmañaaʼ

• Ndiéjunʼ gíʼmaa murajximíjna̱ mu mbuʼyáá á mu Jeobá nanigu̱u̱ʼ mbá ndxa̱a̱ rá.

• Xú káʼnii gándoo gumbaʼñúún bi̱ kuʼñúún ga̱jma̱a̱ bi̱ nambájxu gajmiúlú makru̱ʼu̱u̱n dí niraʼwíí muʼni ga̱jma̱a̱ numuu ndxa̱a̱ rá.

• Xú káʼnii eʼyáá dí Jeobá nandoo makuwáánʼ tsímáá ga̱jma̱a̱ rí muʼni gagimijná rá.