Asndu nákha nitagíʼdi̱i̱ nitagajmaa libro rígi̱, nijmañaaʼ mbaʼa wéñuʼ ga̱jma̱a̱ numuu Jeobá. Núma̱aʼ má rúʼko̱, rí nandaaʼ xtayáá Dios niʼni itháán mba̱a̱ rí asndu niraxnáximinaʼ náa ikhaa ga̱jma̱a̱ nijnguáanʼ iyááʼ. Á mu xóo na̱nguá, mbáa natatsaʼwáminaʼ má rí matani. Mú raʼkháa i̱ndó aʼkuíí má eguambáa xúgíʼ, ikháán ma̱ndoo midxu̱ʼ rambajxáaʼ itháán májánʼ ga̱jma̱a̱ Dios. Guʼyáá xú káʼnii gándoo.

1. Náá numuu rí mbaʼyóoʼ mambaxáaʼ itháán májánʼ ga̱jma̱a̱ʼ Jeobá rá.

Ndayóoʼ rí muʼni xúgíʼ xó má eʼngo̱o̱ mu mambajxulú itháán májánʼ gajmiúlú Jeobá. Náá numuu rá. “Mu xúʼko̱ xuniʼñáánʼ raguáʼdáá fe” ni má xúʼni tsíngumijná náa ikhaa (Hebreos 2:1). Ndiéjunʼ gámbáyulú mu muʼni má xúʼko̱ ñajuunʼ Jeobá rá. Rí muʼtáraʼa má xúʼko̱ ga̱jma̱a̱ rí mbuʼyáʼ i̱ʼwáʼ xóo muʼni itháán ñajuunʼ Dios ndrígúlú (atraxnuu Filipenses 3:16). ¡Nda̱a̱ imbo̱ʼ dí maʼni maraxtaa itháán gagi, ki xóo matani ñajuunʼ Jeobá! (Salmo 84:10).

2. Ndiéjunʼ gíʼmaa matani má xúʼko̱ rá.

Gajkhun má dí nadxu̱ʼ raguámbáa ratanigajmaa, mú dí matani ñajuunʼ Dios ndiʼkhún gi̱ʼdu̱u̱. Náa Biblia naʼthí rí mambáa cristianos ndayóoʼ dí ‹mariʼku̱u̱ i̱mba̱ nuxi̱ʼ xóo endxa̱ʼwóo e̱dxu̱u̱› (Efesios 4:23, 24). Á mu natanigajmaa má xúʼko̱ Ajngá rawuunʼ Dios ga̱jma̱a̱ na̱dxu̱ʼ má xúʼko̱ reunión dí narígá náa congregación, majmañaaʼ itháan numuu Jeobá ga̱jma̱a̱ xóo nindxu̱u̱. Atagíminaʼ rí mi̱dxu̱ʼ kanuu itháán mijngii náa ikhaa. Ga̱jma̱a̱ xátatsiʼñáʼ ratriʼkuminaʼ náa gáʼyóoʼ mu matani rí maʼdxuu a̱jkiu̱u̱n Jeobá.

3. Xú káʼnii gámbáyáaʼ Jeobá mu mambajxáaʼ itháán májánʼ ga̱jma̱a̱ʼ xá.

Náa Biblia naʼthí: “Dios [ . . . ] ikhaa mínaaʼ má gámbóo raʼni ratáanʼla. Ikhaa má gáʼni rí maguajúnla jmbu ga̱jma̱a̱ rí maʼni migújkiáanʼla ma̱ngaa rí maguajúnla gujkhuʼ” (1 Pedro 5:10). Xúgiáanʼ na̱ʼkha̱nú tsáʼkhá inulu, mú Jeobá má naxnúlú xúgíʼ rí ndayúlú mu xangutiguáanʼlú (Salmo 139:23, 24). Ma̱ngaa ikhaa naʼthí rí maxnáaʼ tsiakii mu maʼndaaʼ matani ñajuunʼ (atraxnuu Filipenses 2:13).

 GAJMAÑAAʼ ITHÁAN

4. Xatatsiʼñáá ratamijná ga̱jma̱a̱ʼ migiáaʼ

Rí maratajkáan ga̱jma̱a̱ rí matanigajma̱a̱ Biblia nimbáyáaʼ mu mambajxáaʼ itháán májánʼ ga̱jma̱a̱ Jeobá. Á mu natani rígi̱, maʼni rí maraxtaa itháán mijngii náa ikhaa xáʼ. Xú káʼnii rá.

Guraxnuu Salmo 62:8 ga̱jma̱a̱ gutamíjnála rígi̱:

• Rí mataniminaʼ maratajkáan itháan májánʼ mambáyáaʼ mu mambajxáaʼ itháan májánʼ ga̱jma̱a̱ Jeobá. Xú káʼnii gándoo gátani rá.

Guraxnuu Salmo 1:2 ga̱jma̱a̱ gutamíjnála rígi̱:

• Rí matraxnuu itháan Biblia mambáyáaʼ mu mambajxáaʼ itháan májánʼ ga̱jma̱a̱ Jeobá. Xú káʼnii gándoo gátani rá.

Xú káʼnii gátani mu majmañaaʼ itháan índo̱ natanigajma̱a̱ mbáwiin rá. Mu ma̱ta̱ya̱a̱ xóo matani, gu̱ya̱a̱ VIDEO. Nda̱wa̱á gutamíjnála rígi̱:

• Ndiéjunʼ rí ni̱ʼkha̱ náa video ma̱ndoo mataʼgíʼ matanimbánii rá.

• Ndiéjunʼ tema rí nanigua̱a̱ʼ matanigajma̱a̱ rá.

 RÍ NAGÁJNURIYO̱O̱ʼ

Gambaxáaʼ itháán májánʼ ga̱jma̱a̱ʼ Jeobá ma̱ngaa atagíʼ meta rí matani itháán ñajuunʼ ikhaa. ¡Xúʼko̱ ma̱ndoo maraxtaa gagi kámuu mbiʼi!

Rí nijmañaaʼ

• Náá numuu natayáá gajkhun rí Jeobá má gámbáyáaʼ mu matani kájxi̱ ñajuunʼ rá.

• Ndiéjunʼ gándoo matani mu mambajxáaʼ itháán májánʼ ga̱jma̱a̱ Jeobá rá.

• Ndíjkha rí gíʼdoo wéñuʼ numuu maraʼdáá meta mu ma̱ndoo mambajxáaʼ itháán májánʼ ga̱jma̱a̱ Dios rá.