NÍʼKHÓO 6
Ndiéjunʼ ejmañalú rí nirígá náa Ruʼwambiiʼ rá.
Diúu̱ niʼni gámbíin xa̱bu̱ bi̱ ra̱míjínʼ, mú niʼni kríyaa Noé gajmíi̱n bi̱ kuwa náa goʼwóo (Génesis 7:11, 12, 23)
Nixnúu ruʼwa mbá a̱jma̱ skiñúʼ mbiʼi ga̱jma̱a̱ mbá a̱jma̱ skiñúʼ mbruʼun. Ga̱jma̱a̱ nijnííʼ iyaʼ xúgíʼ tsu̱du̱u̱ Ku̱ba̱ʼ. Xúgínʼ xa̱bu̱ bi̱ ra̱míjínʼ nikháñun.
Ángeles bi̱ ra̱míjínʼ niniñanʼ ranindxu̱ún xóo xa̱bu̱ ga̱jma̱a̱ nirtaximi̱jna̱ xóo xa̱bu̱ wéñiʼ.
Bi̱ nitu̱ʼu̱u̱n náa arca nikáwíín. Nda̱wa̱á Noé gajmíi̱n bi̱ kuwa náa goʼwóo nikháñun, mú Diúu̱ maʼni rí matuxi̱i̱n mbu̱júu̱ mu makuwá kámuu mbiʼi.
Mateo 24:37-39)
Diúu̱ maʼni gámbíin mbu̱júu̱ xa̱bu̱ bi̱ ra̱míjínʼ mú xa̱bu̱ bi̱ míjínʼ maʼni káwíín (Satanás gajmíi̱n xa̱bu̱ wéñiʼ kuwa runinduwiinʼ xa̱bu̱.
Rí mbiʼi xúgi̱ mbaʼin xa̱bu̱ na̱nguá edxawíín Diúu̱ xóo má nákha nixtáa Noé. Nacha̱ má Diúu̱ maʼni gámbíin xúgínʼ xa̱bu̱ bi̱ ra̱míjínʼ (2 Pedro 2:5, 6).
Bi̱ nutaraʼa numuu Jeobá ni̱ndxu̱ún xóo Noé: Nudxawíín rí naʼthúún Diúu̱ ga̱jma̱a̱ nunimbu̱ún.