NÍʼKHÓO 12
Ndiéjunʼ gándoo muʼni mu makuwáanʼ gagi mbá guʼwáanʼ rá.
Rí phú itháan gíʼdoo numuu rí makuwáanʼ gagi náa mbá guʼwáanʼ rí maʼndulúʼ kuʼyamijná (Efesios 5:33)
Xtángoo ndrígóo Diúu̱ naʼthí rí bi̱ nidamijná gíʼmaa maxtáa mbáa xa̱biya̱ ga̱jma̱a̱ mbáa a̱ʼgu̱.
Mbáa xa̱biya̱ bi̱ májánʼ a̱jkiu̱u̱n nandoo kaʼyoo a̱ʼgiu̱u̱, tsíríyúu ga̱jma̱a̱ ndaʼyoo rí ndayóoʼ a̱ʼgiu̱u̱.
Mbáa a̱ʼgu̱ bi̱ ninújunʼ gíʼmaa rí mambáyuu ajmbio̱o̱.
E̱ji̱n gíʼmaa rí munimbu̱ún náa anu̱ún ga̱jma̱a̱ náa ru̱du̱ún.
Ganindxaʼ xa̱bu̱ bi̱ májánʼ a̱jkiu̱u̱n ga̱jma̱a̱ mbáa xa̱bu̱ jmbi, xátani gíníin eʼwíínʼ, xánindxaʼ mbáa xa̱bu̱ bi̱ naʼninduwaʼ (Colosenses 3:5, 8-10)
Ajngá rawunʼ Diúu̱ naʼthí rí xa̱bu̱ bi̱ ninigúnʼ gíʼmaa rí maʼndoo kaʼyoo a̱ʼgiu̱u̱ xóo nandoo kaʼyaminaʼ ikhaa, ga̱jma̱a̱ xúʼko̱ má gíʼmaa mbaʼyamajkuu wéñuʼ ajmbio̱o̱ a̱ʼgu̱ bi̱ ninújunʼ.
Mbáa xa̱bu̱ bi̱ ninigúnʼ o bi̱ ninújunʼ ra̱májánʼ mubu̱nʼ gajmiún eʼwíínʼ á mu raʼkháa ajmbio̱o̱ o a̱ʼgiu̱u̱. Diúu̱ naʼthí rí xa̱bu̱ bi̱ nidamijná gíʼmaa rí makuwá má xúʼko̱ nájmi̱i̱n.
Jeobá naʼthúún bi̱ kuwa mbá guʼwíín rí gíʼmaa muni̱ mu makuwá gagi.
Puede que también le interese
MBAʼA LIBRO GA̱JMA̱A̱ FOLLETO
Ndiéjunʼ eyóóʼ mu makuwáanʼ gagi náa mbá guʼwáanʼ rá.
Tikhun naku̱mu̱ún rí mbújkha̱a̱ gaʼni rí makuwáanʼ gagi náa mbá guʼwáanʼ, mú lá phú rúʼko̱ eyóóʼ mu makuwáanʼ gagi náa mbá guʼwáanʼ rá.
