NÍʼKHÓO 13
Ndiéjunʼ gándoo gúʼni mu maxtáa gagi Diúu̱ rá.
Xátani dí ra̱májánʼ (1 Corintios 6:9, 10)
Xí nandulúʼ kuʼyáá wéñuʼ Diúu̱, xúʼni rí ikhaa nakiʼnáa kaʼyoo mbanda̱ʼkho.
Jeobá tsíyoo rí muʼni kuʼwáʼ, rí majngánʼ ga̱jma̱a̱ rí majmuluʼ droga.
Diúu̱ nakiʼnáa mbanda̱ʼkho índo̱ xa̱bu̱ nuradimijna ga̱jma̱a̱ índo̱ gu̱ʼu̱ nundrigúun e̱jñún mangaa tsíyoo rí mubu̱nʼ ka̱nikhiin xa̱bekha o ka̱nikhiin gu̱ʼu̱. Ga̱jma̱a̱ tsíyoo dí maʼndulúʼ muguaʼdáá wéñuʼ o rí muxmijna gajmiulú eʼwíínʼ.
Ragíʼmaa muʼni xawan ga̱jma̱a̱ rí mbuʼyamajkún xándú.
Náa Ku̱ba̱ʼ mitsaan rí wíji̱ ma̱ʼkha̱ ní xákuwa xa̱bu̱ bi̱ nuni̱ dí ra̱májánʼ.
Atani rí májánʼ (Mateo 7:12)
Mu manigu̱ʼ Diúu̱ rí gúʼni, gíʼmaa rí muʼgíiʼ muʼni xóo má ikhaa.
Gíʼmaa rí musngájma rí nandulúʼ kuʼñúún wéñuʼ eʼwíínʼ índo̱ nu̱ʼni̱ rí májánʼ náa ikhiin ga̱jma̱a̱ muxnún eʼwíínʼ rí kuaʼdáá.
Xúgíʼ rí gúʼni ragíʼmaa muʼninduwaʼ ga̱jma̱a̱ rí gúʼtá ga̱nindxu̱u̱ gajkhun.
Gagawíínʼ a̱jkia̱lúʼ kuʼñúún eʼwíínʼ ga̱jma̱a̱ guʼni mba̱a̱ a̱jkia̱lúʼ kuʼñúún.
Guʼtún eʼwíínʼ ga̱jma̱a̱ numuu Jeobá ga̱jma̱a̱ xtángoo ndrígóo (Isaías 43:10).
Puede que también le interese
ESSENTIAL BIBLE TEACHINGS
Lá nagruigú Dios xúgíʼ religión ráʼ.
Mbaʼin xa̱bu̱ nakumu̱ún dí xúgíʼ religión naʼsngáa rí gajkhun.
GA̱JMA̱A̱ NUMUXUʼ
Náa numuu rí gíʼmaa muʼnigajmaa Biblia rá.
Biblia xtáa rambáñun mbaʼin wéñuʼ xa̱bu̱ náa xúgi̱ numbaaʼ mu mariʼña̱a̱ graxe̱ rí itháan gíʼdoo numuu. Lá manigua̱ʼ manindxa̱ʼ mbáa rí ikhiin xáʼ.
