NÍʼKHÓO 2
Tsáa ñajunʼ Diúu̱ tsí gakon rá.
Mbáwíi Diúu̱ tsí gakon xtáa, ikhaa nagumbiʼyuu Jeobá (Salmo 83:18). Ikhaa xtáa mekhuíí, ikha jngó na̱nguá eʼyáá. Ikhaa nandoo jaʼyalúʼ wéñuʼ ga̱jma̱a̱ nandoo rí maʼndulúʼ kuʼyáá xúʼko̱ mangáanʼ. Ma̱ngaa nandoo rí maʼndulúʼ kuʼñúún eʼwíínʼ xa̱bu̱ (Mateo 22:35-40). Ikhaa ñajunʼ Diúu̱ bi̱ itháan mba̱a̱, bi̱ Niʼni xúgíʼ dí rígá.
Timbáa bi̱ niʼnii Diúu̱ ninindxu̱u̱ mbáa ángel bi̱ gíʼdoo tsiakii. Nda̱wa̱á ni̱jkha̱nú nijmaʼniiʼ xóo Jesucristo. Jeobá niʼnii xóó itháan mbaʼin ángeles.
Jeobá niʼni xúgíʼ dí rígá náa mekhu . . .ga̱jma̱a̱ xúgíʼ dí rígá náa Ku̱ba̱ʼ (Rí huasjŋgajma Juan [Apocalipsis] 4:11)
Jeobá Diúu̱ niʼnii a̱ʼgua̱a̱n, Ku̱ba̱ʼ ga̱jma̱a̱ xúgíʼ dí rígá ikhí (Génesis 1:1).
Ikhaa niʼnii Adán ga̱jma̱a̱ yujndoʼ ku̱ba̱ʼ (Génesis 2:7).
Puede que también le interese
BIBLIA GA̱JMA̱A̱ AJNGÓO
Bi̱ Niʼni xúgíʼ náxnún mbá ku̱ba̱ʼ mitsaan xa̱bu̱ numbaaʼ
Ndiéjunʼ lá eʼthí náa Biblia ga̱jma̱a̱ rí xú nigi̱ʼdu̱u̱ nigumaa xa̱bu̱ numbaaʼ rá. Xú káʼnii xtángoo nixnúu Diúu̱ Adán ga̱jma̱a̱ Eva rá.
