NÍʼKHÓO 7
Tsáa ninindxu̱u̱ Jesús rá.
Jeobá nikuʼmaa Jesús náa tsu̱du̱u̱ Ku̱ba̱ʼ (1 Juan 4:9)
Á mu nandulúʼ muʼni rí nanigu̱ʼ Jeobá, gíʼmaa rí muʼdxawíín imba̱a̱ xa̱bu̱ bi̱ gíʼdoo wéñuʼ numuu: Ikhaa ni̱ndxu̱u̱ mbáa ángel bi̱ gíʼdoo tsiakii bi̱ Jeobá niʼnii nákha xóó tseʼnii Adán.
Nda̱wa̱á, Jeobá niʼni rí espíritu bige̱ magumaa xóo mbáa ada̱ lájuíin náa tsu̱du̱u̱ Ku̱ba̱ʼ. Mbáa a̱ʼgu̱ bi̱ nigumbiʼyuu María nigiʼdaa Ada̱ bige̱, ikhaa ninindxu̱u̱ mbáa aʼgú kaʼwi taxudaminaʼ aʼkhá. Ada̱ lájuíin nigumbiʼyuu Jesús (Juan 6:38).
Xóo mbáa xa̱bu̱ bi̱ nixtáa náa tsu̱du̱u̱ Ku̱ba̱ʼ, Jesús nisngájma kaʼwu rí xú kaʼnii kaʼnii anu̱u̱. Ninindxu̱u̱ májánʼ a̱jkiu̱u̱n ga̱jma̱a̱ nindoo kaʼñúún eʼwíínʼ. Niniñaminaʼ maratamíjná gajma̱ʼ. Ikhaa tamiñuu rí niʼsngáa ga̱jma̱a̱ numuu Jeobá.
Mbaʼin xa̱bu̱ nijiʼníin mbanda̱ʼkho kuyáá Jesús, maski ajndu ikhaa niʼni rí májánʼ (1 Pedro 2:21-24)
Xa̱bu̱ ede̱ bi̱ nikuwa náa religión nijiʼníin mbanda̱ʼkho kuyáá Jesús, numuu rí ikhaa niʼthí pa̱jnu̱ rí ikhiin juwa rusngáa kiʼsngáa dí ragájkhun ga̱jma̱a̱ dí ikhiin nindxúu̱n ra̱míjínʼ wéñuʼ.
Jesús niʼni thanún xa̱bu̱ bi̱ nandún gakhañun ga̱jma̱a̱ niʼni rí matuxi̱i̱n xa̱bu̱ bi̱ nikháñun.
Xa̱bu̱ ede̱ niʼngu̱u̱n nini rí soldados romanos muxná Jesús ga̱jma̱a̱ muxiyáa.
Puede que también le interese
BIBLIA GA̱JMA̱A̱ AJNGÓO
Na̱ʼkha̱nú Mesías
Xú káʼnii nijmiuu Dios Juan bi̱ nakumíinʼ iyaʼ xa̱bu̱ ga̱jma̱a̱ ángeles mu masngájma rí Jesús nindxu̱u̱ Mesías rá. Xú káʼnii nisngájma kaʼwu Jeobá rí Jesús nini̱ndxu̱u̱ Mesías rá.
BIBLIA GA̱JMA̱A̱ AJNGÓO
Jesús naʼtáraʼa Reino ndrígóo Diúu̱
Ndiéjunʼ phú niʼsngáa Jesús índo̱ niʼtáraʼa rá. Xú káʼnii nisngájma rí maʼtáñajunʼ ga̱jma̱a̱ ngajua ma̱ngaa maʼni rí jmbu xá.
