Rí nagi̱ʼdu̱u̱ náa sección 2
Ndíjkha jngó Dios niʼni gámbíin mbaʼin xa̱bu̱ bi̱ nikuwa nákha wajyúúʼ ga̱jma̱a̱ ruʼwa mbiiʼ rá. Asndu má nákha nigi̱ʼdi̱i̱ nikuwa xa̱bu̱, ndiyóoʼ muraʼwíí á mu muni rí májánʼ o dí ra̱májánʼ. Tikhun xa̱bu̱, xó má Adán, Eva ga̱jma̱a̱ aʼdiún Caín, niraʼwíí muni dí ra̱májánʼ. Mú nguéjmi̱i̱n niraʼwíí muni dí májánʼ, xóo Abel ga̱jma̱a̱ Noé. Mbaʼin xa̱bu̱ niʼni xkawiinʼ wéñuʼ ikha jngó ndiyóoʼ maʼni gámbíin Jeobá. Náa sección rígi̱ majmañulúʼ dí Jeobá ndaʼyoo xúgíʼ dí eraʼwíí muʼni ga̱jma̱a̱ dí xániñuʼ marigá má xúʼko̱ dí ra̱májánʼ.
EN ESTA SECCIÓN
KÍXNUU 3
Adán ga̱jma̱a̱ Eva tsénimbu̱ún rí Dios niʼthún
Náa numuu ninindxu̱u̱ kiejunʼ rí nijuaʼan náa ixi̱ ri̱ʼi̱ Edén rá. Náa numuu ni̱ʼkhu̱ Eva xndúu ixi̱ rá.
KÍXNUU 4
Nakiʼnáa wéñuʼ rí asndu naxíyáa giʼtio̱o̱
Dios niniguuʼ tsigijñaʼ ndrígóo Abel, mú tániguʼ ndrígóo Caín. Índo̱ Caín ndiʼyoo nikiʼnáa wéñuʼ ga̱jma̱a̱ nda̱wa̱á niʼni mbá dí ra̱májánʼ wéñuʼ.
KÍXNUU 5
Arca ndrígóo Noé
Ángeles bi̱ túnimbu̱ún nidiin gu̱ʼu̱ ga̱jma̱a̱ niguáʼdiin e̱jñún ra̱míjínʼ wéñuʼ ma̱ngaa mbijui̱i̱n. Rígá dí ra̱májánʼ asndu náá. Mú Noé nandoo kaʼyoo ga̱jma̱a̱ naʼnimbo̱o̱ kaʼyoo Dios.
KÍXNUU 6
Migiñiinʼ xa̱bu̱ nigi̱ʼdi̱i̱ imbo̱o̱ nuxi̱ʼ numbaaʼ
Índo̱ niʼni ruʼwa mbiiʼ, nixnúu ruʼwa mbá 40 mbiʼi ga̱jma̱a̱ 40 mbruʼun. Noé gajmíi̱n bi̱ kuwa náa goʼwóo nikuwa náa arca itháan rí mbá tsiguʼ. Nda̱wa̱á nindoo nigájni̱i̱n.