Rí nagi̱ʼdu̱u̱ náa sección 5
A̱jma̱ igu̱nʼ nda̱wa̱á rí ninújngún náa tapo̱o̱ lamáa Maña̱ʼ, bi̱ israelitas niguanún náa kúbá rí mbiʼyuu Sinaí. Ikhí Jeobá nimbánuu gajmíi̱n Israelitas rí mani̱ndxu̱ún mbá xuajin kiejunʼ. Niña̱wu̱u̱n ga̱jma̱a̱ nixnúún xúgíʼ rí ndiñúnʼ: Maná rí mu̱phu̱, xtíñún xaʼguʼ ga̱jma̱a̱ mbá náa makuwá májánʼ. Á mu ikháánʼ xtaʼdiin e̱ji̱n, atambáñun makru̱ʼu̱u̱n náa numuu rí Jeobá nixnúún Xtángoo, mbá tabernáculo ga̱jma̱a̱ ñajunʼ rí nuni ndxajkun. Arathá rí majphú gíʼdoo numuu muʼnimbaníí rí nuʼthá muʼni, maguajún jmbu náa Jeobá ga̱jma̱a̱ manindxu̱lúʼ xa̱bu̱ guabáanʼ.
EN ESTA SECCIÓN
KÍXNUU 23
Nixudami̱jna̱ muni rí nandoo Jeobá
Bi̱ israelitas nuxuda̱mi̱jna̱ ga̱jma̱a̱ mbá ajngáa kiejunʼ Dios índo̱ kuwa náa rajkúu kúbá Sinaí.
KÍXNUU 24
Tsenimbánii ajngún
Índo̱ Dios xtáa raxnúu Guwáʼ Xtángoo Moisés, xa̱bu̱ xuajen nuxuda̱mi̱jna̱ aʼkhá dí raʼkhí kayuʼ.
KÍXNUU 26
Mbá 12 xa̱bu̱ bi̱ nuyama
Josué ga̱jma̱a̱ Caleb ninindxu̱ún mixtiʼkhuin ki xóo mbá 10 xa̱bu̱ bi̱ niyama náa ku̱ba̱ʼ ndrígóo Canaán.
KÍXNUU 27
Nixuximi̱jna̱ náa Jeobá
Coré, Datán, Abiram ga̱jma̱a̱ mbá 250 xa̱bu̱ tseguanu mbuyáá mbá rí gíʼdoo wéñuʼ numuu ga̱jma̱a̱ numuu Jeobá.