Náa sección rígi̱ naʼthí ga̱jma̱a̱ numuu rey Saúl ga̱jma̱a̱ rey David, ga̱jma̱a̱ naʼthí rí nirígá mbá 80 tsiguʼ. Nákha ginii, Saúl ninindxu̱u̱ mbáa xa̱bu̱ guabaaʼ ga̱jma̱a̱ niʼnimbo̱o̱ kaʼyoo Dios. Mú nguáthá mbiʼi nda̱wa̱á niriʼkuminaʼ ga̱jma̱a̱ niʼni gaʼduunʼ ikha ndrígóo Jeobá. Nda̱wa̱á, Jeobá ma̱ngaa nánguá nindoo kaʼyoo, ikha jngó niʼthúu̱n Samuel rí maraʼwíi David mu mani̱ndxu̱u̱ imba̱a̱ rey ndrígóo Israel. Saúl nixígúu kaʼyoo David ikha jngó mbaʼa nuthu nigíʼ maxíyáa. Mú ikhaa tátanga̱a̱ maʼniuu xúʼko̱ kaʼnii. Jonatán, a̱ʼdióo Saúl, ndiʼyoo rí Jeobá niraʼwíi David, ikha jngó ninindxu̱u̱ jmbii náa ikhaa. Maski ajndu David nikudaminaʼ aʼkhá rí mitsáʼkhúun wéñuʼ mu ikhaa niniñaminaʼ rí Jeobá  maxprígúu. Á mu ikháánʼ xtaʼdiin e̱jña̱ʼ, atambáñun mbuyáá rí gíʼdoo numuu muyambáá náa xúgíʼ rí Dios niraʼwíí maʼni.