Jeobá niʼni tsajkurámaaʼ Salomón ga̱jma̱a̱ ku̱ma̱ ga̱jma̱a̱ mbá ñajunʼ rí gíʼdoo wéñuʼ numuu, rí maʼni templo. Mú mañu mañu ni̱jkha̱ raniñuʼ Dios. Á mu ikháánʼ xtaʼdiin e̱jña̱ʼ, arathún rí xa̱bu̱ bi̱ ndiyamajkhún dios bi̱ ragájkhun nini rí Salomón marájñunʼ náa Jeobá. Reino niguiʼtáa, ga̱jma̱a̱ nikuwa reyes bi̱ ra̱míjínʼ bi̱ nini rí xa̱bu̱ muniñaʼ Jeobá ga̱jma̱a̱ mbuyamajkún xándú. Nákha ikhú, mbaʼin gaʼyee bi̱ ninindxu̱ún jmbiin nijuixkúún ga̱jma̱a̱ niradíin. Dí ra̱májánʼ nimi̱dxu̱u̱ itháan náa reino dí nirígá náa norte nákha nixtáa reyna Jezabel. Mbiʼi rúʼko̱ ninindxu̱u̱ mingíjyúuʼ náa xuajen Israel. Maski ajndu xúʼko̱, xóó niguanún mbaʼin israelitas bi̱ ninindxu̱ún jmbiin náa Jeobá, xóo rey Jehosafat ga̱jma̱a̱ gaʼyee Elías.