Rí nagi̱ʼdu̱u̱ náa sección 9
Náa sección rígi̱, majmañulúʼ ga̱jma̱a̱ numún e̱ji̱n, gaʼyee ga̱jma̱a̱ reyes bi̱ niguáʼdáá mbá fe gujkhuʼ náa Jeobá. Náa Siria, mbáa dxáʼgú israelita nigiʼdoo fe rí gaʼyee ndrígóo Jeobá maʼni thanuu Naamán. Gaʼyee Eliseo nikumu̱u̱ ga̱jma̱a̱ xúgíʼ a̱jkiu̱u̱n rí Jeobá mañewu̱u̱n náa xa̱bu̱ sia̱nʼ. Bi̱ kayá edxu̱u̱ náa ndxajkun asndu migamíi makhañúu índo̱ niñewu̱u̱n dxámá chíʼgíʼ Jehoás náa xíñúʼ Atalía, bi̱ ra̱májánʼ kayuʼ. Rey Ezequías ndiʼyoo rí Jeobá maʼni kríyaaʼ Jerusalén ga̱jma̱a̱ na̱nguá niʼni guabaminaʼ náa soldados ndrígóo Asiria. Rey Josías niʼni gámbíin xúgínʼ xándú bi̱ kuwa náa xuajen, niʼni̱i̱ templo ga̱jma̱a̱ nimbáyúu xuajen mu maʼndoo kaʼyoo Jeobá mbu̱júu̱.
EN ESTA SECCIÓN
KÍXNUU 51
Dxáʼgú ga̱jma̱a̱ bi̱ najmañuu naxmínaʼ
Mbáa dxáʼgú israelita naʼthúu̱n náná náa nañajunʼ ga̱jma̱a̱ numuu tsiakii ndrígóo Jeobá. Ga̱jma̱a̱ numuu rúʼko̱ nirígá mbá milagro.
KÍXNUU 52
Mbaʼin wáyú ga̱jma̱a̱ carro rí gíʼdoo aguʼ
Xú káʼnii ndiʼyoo bi̱ nambáyúu Eliseo rí kuwa itháan mbaʼin bi̱ kuwa gajmiún ikhiin ki xóo xa̱bu̱ sia̱nʼ rá.
KÍXNUU 54
Jeobá naʼngo̱o̱ a̱jkiu̱u̱n kaʼyoo Jonás
Náa numuu rí e̱gi̱ʼ ni̱ʼkhu̱ rajngiúnʼ gaʼyee ndrígóo Dios rá. Xú káʼnii nikríyaminaʼ. Ndiéjunʼ ikha niʼsngóo Jeobá Jonás rá.
KÍXNUU 55
Ángel ndrígóo Jeobá nañewu̱u̱n Ezequías
Xa̱bu̱ sia̱nʼ ndrígóo Judá nuthi rí Jeobá xañewu̱u̱n xuajñu, mú minduwaʼ nindxu̱u̱.
KÍXNUU 56
Josías nandoo kaʼyoo Xtángoo ndrígóo Dios
Josías nagíʼdu̱u̱ naʼtáñajunʼ náa Judá índo̱ ikhaa gíʼdoo migiñuʼ tsiguʼ ga̱jma̱a̱ nambáyúu xuajen mu mbaʼyamajkuu Jeobá mbu̱júu̱.