Ajtsú mbiʼi má eʼni rí nikháñu Jesús índo̱ nituxi̱i̱. Ikhú mbiʼi rúʼko̱ nisngájmaminaʼ mbá witsu nutu náa xa̱bi̱i̱. Nisngájmaminaʼ má xúʼko̱ mbá 40 mbiʼi. Discípulos ndrígóo kúwi̱i̱n ruyáá índo̱ ikhaa xtáa rajkha̱a̱ mekhuíí. Gu̱wa̱ʼ mbiʼi nda̱wa̱á Dios niʼni rí marigá espíritu santo náa xa̱bi̱i̱ Jesús bi̱ guaʼthi̱i̱n náa xuajin Jerusalén.

Nda̱wa̱á, xa̱bu̱ bi̱ guáʼdáá sia̱nʼ náa Dios nini rí apóstoles magun náa guʼwá e̱jua̱nʼ, mú mbáa ángel niʼni káwíin. Xa̱bu̱ bi̱ sia̱nʼ nixiyáa ga̱jma̱a̱ itsí discípulo Esteban. Mú najmañulúʼ rí Jesús ndiyáaʼ náa xa̱bu̱ bi̱ sia̱nʼ bugi̱ mbáa bi̱ maʼga̱nú manindxu̱u̱ xa̱bi̱i̱ kiejunʼ, bugi̱ ni̱jkha̱nú ninindxu̱u̱ apóstol Pablo. Ajtsú tsiguʼ tikhu nda̱wa̱á rí nikháñu Jesús, Dios nikuʼmaa apóstol Pedro mu maʼtáraʼa náa Cornelio ga̱jma̱a̱ bi̱ kuwa náa goʼwóo mú ikhaa na̱nguá ninindxu̱u̱ judío.

Niʼni mbá 13 tsiguʼ nda̱wa̱á rí Pablo nigíʼdu̱u̱ nigájnuu timbá miʼtsú mu maʼga̱ gáʼtaraʼa. Rí maʼni a̱jma̱ nutu ni̱jkha̱ ga̱jma̱a̱ Timoteo. Mú najmañulúʼ rí Pablo ga̱jma̱a̱ bi̱ nigájnuu ni̱jkha̱ gajmíi̱n nigíʼniin mbaʼa rí májánʼ nákha kuwa runi ñajunʼ Dios. Nda̱wa̱á, Pablo nixtáa náa guʼwá e̱jua̱nʼ náa xuajin Roma. A̱jma̱ tsiguʼ niʼni índo̱ nigájna̱a̱ náa guʼwá e̱jua̱nʼ, mu nda̱wa̱á nixuda̱ʼ mbu̱júu̱ náa guʼwá e̱jua̱nʼ ga̱jma̱a̱ nixiyáa. Náa NÍʼKHÓO 7 naʼthí dí nirígá mbá 32 tsiguʼ.