Jesús niʼthí dí xa̱bu̱ bi̱ májánʼ a̱jkiu̱ún maʼngo̱o̱ maguánú mbuyáá dí gajkhun (Juan 10:​4, 27). Ikha jngóo nandulúʼ muʼsngúún dí gajkhun xúgíinʼ xa̱bu̱ bi̱ nuʼtámíjná gajmiúlú. Ma̱ndoo mugi̱ʼdi̱i̱ muʼthá “Lá natayáá má dí...” o “Nitadxawíín má mbá miʼtsu ikháán dí...” ga̱jma̱a̱ nda̱wa̱á dí rúʼko̱ guʼthá mbá kisngáa dí ra̱mingíjyúuʼ dí naʼsngáa náa Biblia, xóo dí nakujmaa náa lista dí na̱ʼkha̱ kawáá . Nda̱wa̱á ma̱ndoo majmulú mbá texto dí na̱ʼkha̱ náa Biblia náa naʼthí kisngáa dí niʼthá. Dí muʼthán mbá kisngáa dí na̱ʼkha̱ náa Biblia mbáa xa̱bu̱ nindxu̱u̱ asndu xóo mu̱ʼdu̱ tsígáʼ náa a̱jkiu̱u̱n. ¡Ga̱jma̱a̱ Dios má gáʼni dí tsígáʼ rúʼko̱ mba̱ja̱a̱! (1 Cor. 3:​6, 7).

•  Dí marigá nda̱wa̱á

•  Mbá guʼwíin

•  Dios

•  Muʼtájkáan

•  Jesús

•  Reino ndrígóo Dios

•  Dí numíníiʼ

•  Dí nakháñulú

•  Religión

 DÍ MARIGÁ NDA̱WA̱Á

1. 1. Xúgíʼ dí raʼkhí dí xtáa rarígá ga̱jma̱a̱ rí xóo nuni̱ xa̱bu̱ nasngájma kaʼwu dí nánguá mbayuuʼ tígo̱o̱ dí maguma májáanʼ (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Ku̱ba̱ʼ nditháan xáʼga̱nú mambáa (Sal. 104:5; Ecl. 1:4).

3. 3. Maguma májáanʼ dí niguma gachíí náa ku̱ba̱ʼ (Is. 35:​1, 2; Apoc. 11:18).

4. 4. Nimbáa gáʼthí nandoo kháñuu nda̱wa̱á (Is. 33:24; 35:​5, 6).

5. 5. Ikháán ma̱ndoo maraxtaa kámuu mbiʼi náa tsu̱du̱u̱ Ku̱ba̱ʼ (Sal. 37:29; Mat. 5:5).

 MBÁ GUʼWÍIN

1. 6. Xa̱biya̱ gíʼmaa maʼndoo kaʼyoo a̱ʼgiu̱u̱ “xó má eyoo kaʼyaminaʼ ikhaa” (Efes. 5:33; Col. 3:19).

2. 7. A̱ʼgu̱ gíʼmaa mbaʼyamajkhuu wéñuʼ ajmbio̱o̱ (Efes. 5:33; Col. 3:18).

3. 8. Xa̱biya̱ ga̱jma̱a̱ a̱ʼgu̱ ragíʼmaa muninduwamijná gajmiún i̱mba̱a̱ (Mal. 2:16; Mat. 19:​4-6, 9; Heb. 13:4).

4. 9. I̱ji̱n bi̱ nunimbu̱ún kuñún anu̱ún ga̱jma̱a̱ ru̱du̱ún makuwá májánʼ (Prov. 1:​8, 9; Efes. 6:​1-3).

 DIOS

1. 10. Dios gíʼdoo mbiʼyuu (Sal. 83:18; Jer. 10:10).

2. 11. Dios gíʼdoo mbá ajngáa dí gíʼdoo wéñuʼ numuu muʼdxawíín ikháanʼ (2 Ped. 1:​20, 21; 2 Tim. 3:​16, 17).

3. 12. Dios nindxu̱u̱ jmbii ga̱jma̱a̱ tseraʼwíinʼ xa̱bu̱ (Deut. 10:17; Hech. 10:​34, 35).

4. 13. Dios nandoo mambáyulúʼ (Sal. 46:1; 145:​18, 19).

  MUʼTÁJKÁAN

1. 14. Dios nandoo dí muʼtákáñii (Sal. 62:8; 65:2; 1 Ped. 5:7).

2. 15. Biblia naʼsngúlú muʼtájkáan (Mat. 6:​7-13; Luc. 11:​1-4).

3. 16. Gíʼmaa muʼtájkáan xúgíʼ mbiʼi (Mat. 7:​7, 8; 1 Tes. 5:17).

 JESÚS

1. 17. Jesús ninindxu̱u̱ mbáa bi̱ niʼsngáa májánʼ ga̱jma̱a̱ consejo ndrígóo nayambáá má xúʼko̱ (Mat. 6:​14, 15, 34; 7:12).

2. 18. Jesús niʼtáriyaʼ dí kuwáánʼ ruʼyáá mbiʼi xúgi̱ (Mat. 24:​3, 7, 8, 14; Luc. 21:​10, 11).

3. 19. Jesús nindxu̱u̱ A̱ʼdióo Dios (Mat. 16:16; Juan 3:16; 1 Juan 4:15).

4. 20. Jesús na̱nguá nindxu̱u̱ Dios (Juan 14:28; 1 Cor. 11:3).

 REINO NDRÍGÓO DIOS

1. 21. Reino ndrígóo Dios nindxu̱u̱ mbáa xa̱bu̱ ñajuunʼ bi̱ xtáa mekhuíí (Mat. 6:​9, 10; Dan. 2:44; 7:​13, 14; Apoc. 11:15).

2. 22. Reino ndrígóo Dios mariʼkuwíin xúgínʼ xa̱bu̱ ñajuunʼ bi̱ kúwá náa numbaaʼ (Sal. 2:​7-9; Dan. 2:44).

3. 23. Reino ndrígóo Dios ma̱ndoo maʼni gámbáa xkujndu dí guaʼdáá xa̱bu̱ numbaaʼ (Sal. 37:​10, 11; 46:9; Is. 65:​21-23).

 DÍ NUMÍNÍIʼ

1. 24. Dios ragíʼdoo aʼkhúun dí numíníinʼlu (Deut. 32:4; Sant. 1:13).

2. 25. Gixa̱a̱ nindxu̱u̱ bi̱ naʼtáñajunʼ náa numbaaʼ (Luc. 4:​5, 6; 1 Juan 5:19).

3. 26. Dios ndaʼyoo dí natamíníiʼ ga̱jma̱a̱ nandoo mambáyáaʼ (Sal. 34:​17-19; Is. 41:​10, 13).

4. 27. Dios nánguá mbayuuʼ maʼnigámbáa dí naʼni mumíniiʼ (Is. 65:17; Apoc. 21:​3, 4).

 DÍ NAKHÁÑULÚ

1. 28. Bi̱ nikháñúún na̱nguá eyáá nditháan ga̱jma̱a̱ na̱nguá kúwá rumíniiʼ (Ecl. 9:5; Juan 11:​11-14).

2. 29. Bi̱ nikháñuu xándoo mumbayulúʼ ni muniulúʼ dí raʼkhí (Sal. 146:4; Ecl. 9:​6, 10).

3. 30. A̱ngiu̱lú bi̱ nikháñuu maʼga̱nú mbiʼi matujxi̱ín (Job 14:​13-15; Juan 5:​28, 29; Hech. 24:15).

4. 31. “Ni xákháñún itháan” (Apoc. 21:​3, 4; Is. 25:8).

 RELIGIÓN

1. 32. Dios tsegruigú xúgíʼ religión (Jer. 7:11; Mat. 7:​13, 14, 21-23).

2. 33. Dios nawiyuuʼ kaʼñún bi̱ nuni̱ a̱jma̱ inún (Is. 29:13; Miq. 3:11; Mar. 7:​6-8).

3. 34. Ngajua nasngájma náa guaʼyaa nindxu̱u̱ religión dí gajkhun (Miq. 4:3; Juan 13:​34, 35).