GUSNGÚN XA̱BU̱
KÍXNUU 12
Arathá mbájmbu
Ikha rí na̱ʼkha̱ náa Biblia: “Aceite ga̱jma̱a̱ rí ndataun naʼni maʼdxuu a̱jkiu̱lú, ikhaa má kayuuʼ índo̱ mbáa bi̱ nambájxa̱a̱ʼ ga̱jma̱a̱ naxnáaʼ mbá májánʼ consejo” (Prov. 27:9).
Dí niʼni Jesús
1. Atayáá VIDEO o atraxnuu Marcos 10:17-22. Nda̱wa̱á atayáá graxe̱ rígi̱:
Ndiéjunʼ ejmañulúʼ náa xkridoo Jesús rá.
2. Á mu nandulúʼ dí bi̱ nuʼsngúún muriʼkumijná, ndayóoʼ dí muʼthúún ga̱jma̱a̱ ngajua mú ma̱ngaa mbaʼyoo muʼthúún mbájmbu.
Atayaridáá Jesús
3. Atambáñúún bi̱ narasngúún mugíʼ meta ga̱jma̱a̱ dí munimbánii.
-
Gajmaaʼ kúgumaʼá náa naʼthí “Rí ma̱ndoo matani̱” dí na̱ʼkha̱ náa mámbá kíxnuu ndrígóo i̱yi̱ʼ dí ¡Araxtaa gagi kámuu mbiʼi!
-
Atambáyíí bi̱ narasngáá mbaʼyoo ndiéjunʼ gándoo maʼni mu maʼnimbánuu meta tséʼniuu á mu mba̱a̱ o chíʼgíiʼ dí nigíminaʼ maʼni.
-
Aratháán dí májánʼ eʼni bi̱ narasngáá índo̱ ikhaa naʼniminaʼ.
4. Atayáá ndiéjunʼ erikhoo bi̱ narasngáá dí mariʼkuminaʼ ga̱jma̱a̱ atambáyii.
-
-
“Á mu bi̱ nasngóo na̱nguá eʼniminaʼ majngúun iyááʼ, ndiéjunʼ erikhoo xá.”
-
“Ndiéjunʼ gándoo mani mu mambáyúu xá.”
-
-
Atanda̱ʼa̱a̱ Jeobá mambáyáaʼ mu xámíñáaʼ maratha̱a̱n mbájmbu bi̱ narasngáá ma̱ngaa ga̱jma̱a̱ ajngáa gua̱ba̱ʼ náa ndayóoʼ maʼni mu mariʼkuminaʼ má xúʼko̱.
5. Atatsiñááʼ rarasngáá xa̱bu̱ á mu na̱nguá eʼniminaʼ.
-
Mu ma̱ta̱ya̱a̱ á mu marasngáá xóó xa̱bu̱ ga̱jma̱a̱ numuu Biblia atrajxi̱mínáʼ:
-
“Lá nagíminaʼ maʼni bi̱ nasngóo dí xtáa rajmañuu ráʼ.”
-
“Na̱jkha̱ reunión ga̱jma̱a̱ naʼthúún eʼwíinʼ dí naʼsngáa náa Biblia xáʼ.”
-
“Á mu mbayuuʼ má xtáa raʼnigajma̱a̱, nandoo mani̱ndxu̱u̱ testigo de Jeobá xáʼ”.
-
-
Á mu bi̱ narasngáá na̱nguá kujmaa dí xtáa rariʼkuminaaʼ:
-
Aratháán mbaʼyoo ndiéjunʼ erikhoo dí mariʼkuminaaʼ.
-
Aratháán ga̱jma̱a̱ gamajkhu ndíjkha dí matatsiʼñááʼ rarasngáá.
-
Aratháán mbájmbu náa eyóoʼ mariʼkhu̱u̱ á mu nandoo matanga̱a̱ maʼniga̱jma̱a̱ nda̱wa̱á.
-
ATAYÁÁ MA̱NGAA
Sal. 141:5; Prov. 25:12; 27:6; 1 Cor. 9:26; Col. 4:5, 6