ATANGA̱ÁN GÁTAYAA XA̱BU̱
KÍXNUU 7
Atanga̱án má xúʼko̱
Ikha rí na̱ʼkha̱ náa Biblia: “Túniña̱a̱ʼ rusngáa ga̱jma̱a̱ nitaraʼa má xúʼko̱ ajngáa rí májánʼ” (Hech. 5:42).
Dí niʼni Pablo
1. Atayáá VIDEO o atraxnuu Hechos 19:8-10. Nda̱wa̱á atayáá graxe̱ rígi̱:
Ndiéjunʼ ejmañulúʼ náa xkridoo Pablo rá.
2. Mu matanga̱án guʼñún xa̱bu̱ ga̱jma̱a̱ mugíʼdi̱i̱ muʼsngáa numuu Biblia ndayóoʼ mbiʼi ga̱jma̱a̱ tsiakii.
Atayaridáá Pablo
3. Atríya̱ʼ hora mi̱dxu̱ʼ índo̱ xa̱bu̱ naguaphaa. Atrajxi̱mínáʼ: “Nguáná naguaphaa ikhaa maʼtámíjná ga̱jma̱á nindxu̱ʼ xá. Náá gánigu̱u̱ ikhaa rí mutamijnáxu mbu̱júu̱ ráʼ.” Araxtaa xawii matanga̱án gátayaa xa̱bu̱ maski ajndu mbiʼi rúʼko̱ na̱nguá kaʼnii tayáá ikháán.
4. Atrajxi̱i̱ nguáná gándoo gátanga̱án maratamíjná ga̱jma̱a̱ mbu̱júu̱. Nákhá xóó tsédxuu, aratháán xa̱bu̱ náá mbiʼi ga̱jma̱a̱ náá hora gátanga̱án gátayaa mbu̱júu̱. Ga̱jma̱a̱ ataniminaʼ matanimbánii mbiʼi dí niratá mi̱dxu̱ʼ.
5. Xákanájkaa. Xátatsaʼwamínáʼ dí xa̱bu̱ tsénigu̱u̱ʼ maʼdxawuun i̱ndó numuu dí naʼniaaʼ gakhi̱i̱ mataxkamaa náa goʼwóo o numuu dí gíʼdoo wéñuʼ ñajunʼ (1 Cor. 13:4, 7). Xátatsiʼñáʼ mi̱dxu̱ʼ ratayáá má xúʼko̱ xa̱bu̱ ga̱jma̱a̱ atayáaʼ xóo matani mu mataxkamaa maratamíjná ga̱jma̱a̱ʼ mú gajmaaʼ májánʼ mbiʼi (1 Cor. 9:26).
