Náa numuu rí muraxnuu Biblia
Biblia ni̱ndxu̱u̱, mbá i̱yi̱i̱ʼ rí nawiʼtaraʼa itháan mámbá tsiguʼ. Lá nixtraxnuu ikháánʼ i̱yi̱i̱ʼ rígi̱ rí itháan májánʼ ki xóo iʼwáaʼ ráʼ. Xóo e̱ʼkha̱ ragi̱ʼi̱ tsiguʼ, xa̱bu̱ bi̱ mixtiʼkhu rí na̱jma̱ñún nixkamaa rí maʼni̱i̱ a̱jkiu̱ún ga̱jma̱a̱ rí muguaʼti̱i̱n rí eʼthí ikhí. Rí eʼthí náa Biblia nimbáñun makuwíín májánʼ. Mú, kúwi̱i̱n mbaʼin bi̱ xóó nanguá raxnuu, ma̱ngaa tikhun —bi̱ guáʼdá religión o bi̱ raguáʼdá— manigunʼ muniʼnuʼ itháan májánʼ. Á mu xúʼko̱ mangáán, i̱yi̱i̱ʼ rígi̱ mambáyaa mata̱ya̱a̱ ndiéjunʼ rí e̱ʼkha̱ náa Biblia.
NÁKHA xóó tsetagíʼdi̱i̱ matraxnuu iʼwáaʼ inúu i̱yi̱i̱ʼ rígi̱, májánʼ gáʼni rí mata̱ya̱a̱ tikhuu rí eʼthí ikhí. Biblia, na̱jma̱ʼnuu xóo Santas Escrituras, niwa̱a̱ 66 i̱yi̱i̱ʼ ma̱jkha̱ʼ. Génesis ni̱ndxu̱u̱ tímbá, Rí huasjŋgajma Juan, o Apocalipsis rí námbáa ga̱jma̱a̱.
Tsáa lá ñajunʼ bi̱ niʼni Biblia rá. Phú májánʼ ni̱ndxu̱u̱ graxe̱ rígi̱. Rí ni̱ʼkha̱ ragi̱ʼi̱ raguma ndijyúuʼ mbá míí majun mu sientu tsigu, nikúwi̱i̱n a̱jma̱ skiñíinʼ xa̱bu̱ bi̱ ni̱ni̱ra̱ʼmáʼ mbá 66 i̱yi̱i̱ʼ ma̱jkha̱ʼ. Mú nimbáa bi̱ niʼnirámáʼ taʼti dí ajngóo dí niʼni. Mbáa dí ikhíínʼ niʼthí: «Espíritu su Mikaʼjui ndeyikun muni» (2 Timoteo 3:16). I̱mba̱a̱ niʼthí: «Espíritu ndrígóo Jeobá niʼthí ga̱jma̱á ni̱ndxu̱u̱ʼ, ga̱jma̱a̱ ajngóo nijkhuáa náa rawunʼ ma̱ta̱» (2 Samuel 23:2). Xóo má eʼyáá, bi̱ ni̱ni̱ra̱ʼmáʼ Biblia nisngajma rí Jeobá Diúu̱ bi̱ itháan mba̱a̱ bi̱ xtáa mekhuíí, xóo bi̱ niʼni Santas Escrituras. Náa Biblia nasngájma rí ikhaa nixnuluʼ mu muniʼníí.
Phú ndayóóʼ muniʼnúu náa guʼyaa dí phú edxu̱u̱ rí kaya náa Biblia: Diúu̱ magíiʼ mbáa Xa̱bu̱ Ñajunʼ mekhuíí mu majmaʼnii ma̱ngoo mbiʼyamajkhuíí rí Diúu̱ kaʼyoo maʼtáñajúnʼ xa̱bu̱ numbaaʼ. Náa iʼwáaʼ inúu i̱yi̱i̱ʼ rígi̱ mata̱ya̱a̱ rí ikhaa edxu̱u̱ na̱ʼkha̱ náa Biblia, náa Génesis asndu náa i̱yi̱i̱ʼ Rí huasjŋgajma Juan.
Nutha̱nʼxu rí magidaʼ edxa̱a̱ʼ índo̱ natagíʼdi̱i̱ matatsiʼnúʼ rí eʼthí i̱yi̱i̱ʼ rígi̱ dí gíʼdo wéñuʼ numuu rí nimbá miʼtsú taguma xóo ikhaa.
^ párr. 9 Rígá mbaʼa enii xú miʼthá tsiguʼ. Náa i̱yi̱i̱ʼ rígi̱ gájmuluʼ, nákha xóó tsejkha̱nú tsiguʼ 1, xó má nda̱wa̱á rí nijkha̱nú tsiguʼ 1 i̱ndó tsiguʼ muʼthálu. Náa agoo mámbá inúu i̱yi̱i̱ʼ rígi̱ náa kiʼxniiʼ gataxkamaa.
Puede que también le interese
GA̱JMA̱A̱ NUMUXUʼ
Náa numuu rí gíʼmaa muʼnigajmaa Biblia rá.
Biblia xtáa rambáñun mbaʼin wéñuʼ xa̱bu̱ náa xúgi̱ numbaaʼ mu mariʼña̱a̱ graxe̱ rí itháan gíʼdoo numuu. Lá manigua̱ʼ manindxa̱ʼ mbáa rí ikhiin xáʼ.
