Xú káʼnii gáʼni̱i̱ nda̱wa̱á tayáá ikháánʼ rá.
Lá natatsaʼwáminaʼ rí numbaaʼ...
-
... maʼni xó má kuwáanʼ xúgi̱ ráʼ.
-
... maʼga raʼni itháan xkawiʼ ráʼ.
-
... maʼni̱i̱ itháan májánʼ ráʼ.
RÍ E̱ʼKHA̱ RAʼTHÍ NÁA BIBLIA
“Dios maʼnigujndoʼle ri yaʼdun iquin, ga ri niʼcan naxariga naʼ iquin, ni ri xtambiyaʼ, ni ri guisaʼjuasca, ni gaʼcu: numu xoguiʼ ri nariga naca guini, nangua-ja-ra.” (Apocalipsis [o Rí huasjŋgajma Juan] 21:3, 4, Ajŋga Raun’ Dios Miʼpa Miŋui.)
XÚ KÁʼNII GAMBÁYULÚ MBUʼYÁÁ RÍGI̱ RÁ.
Muguaʼdáá mbá ñajunʼ rí maʼni magiʼdoo numuu náa ikháanʼ ga̱jma̱a̱ maʼni rí makuwáanʼ májánʼ wéñuʼ (Isaías 65:21-23).
Ní xakuwáanʼ tsingíná ga̱jma̱a̱ ní xáʼniulu nandii (Isaías 25:8; 33:24).
Makuwáanʼ gagi kámuu mbiʼi gajmiulú xa̱bu̱ bi̱ kúwi̱i̱n náa guʼúlú ga̱jma̱a̱ xa̱bu̱ bi̱ nambáxulúʼ májánʼ wéñuʼ (Salmo 37:11, 29).
LA GAJKHUN RÍ GÍʼMAA MUʼNIMBULÚ RÍ E̱ʼKHA̱ RAʼTHÍ NÁA BIBLIA RÁʼ.
Ma̱ndoo muʼnimbulú, rígá a̱jma̱ numuu:
-
Dios gíʼdoo tsiakii mu maʼnimbánuu rí nakudaminaʼ maʼni. Náa Biblia, i̱ndó Dios exná mbiʼyuu “su guiʼdo xoguiʼ ri siaqui”, numuu rí tsiakii ndrígóo tsitumuu (Rí huasjŋgajma Juan 15:3). Ikha jngó, nandoo nduʼyáá gajkhun rí Dios ma̱ndoo mariʼkhu̱u̱ náa xúgíʼ numbaaʼ rí ekudaminaʼ maʼni. Xó má eʼthí náa Biblia, “indo Dios tsi mba xugui ri mago maʼne” (Mateo 19:26).
-
Dios nandoo maʼnimbánuu rí ekudaminaʼ maʼni. Mbá xkri̱da, náa Biblia naʼthí rí Jeobá raʼkhá tháán eyoo maʼni rí makuwá mbu̱júu̱ xa̱bu̱ bi̱ nikháñun (Job 14:14, 15).
Ma̱ngaa naʼthí rí Jesús, A̱ʼdióo Dios, niʼni thanún xa̱bu̱ bi̱ niʼniún nandii. Náa numuu niʼni thanún xá. Numuu rí ikhaa rúʼko̱ rí nindoo maʼni (Marcos 1:40, 41). Jesús nisngajma rí ninindxu̱u̱ xó má Anu̱u̱ índo̱ nindoo mambáñún xa̱bu̱ bi̱ nikuwa tsingíná (Juan 5:19).
Nandoo nduʼyáá gajkhun rí Jeobá ga̱jma̱a̱ Jesús nandún rí ikháanʼ makuwáanʼ májánʼ wéñuʼ nda̱wa̱á (Salmo 72:12-14; 145:16; 2 Pedro 3:9).
ATRAXI̱MÍNÁʼ
Xú káʼnii gariʼkhu̱u̱ Dios numbaaʼ rígi̱ mu maʼni̱i̱ itháan májánʼ rá.
Graxe̱ rígi̱ naxtiʼña̱a̱ náa texto ndrígóo Biblia rí na̱ʼkha̱ náa MATEO 6:9, 10 ga̱jma̱a̱ DANIEL 2:44.
Puede que también le interese
BI̱ NAYEJNGOO
Rí gajkhun ga̱jma̱a̱ numuu dí marigá nda̱wa̱á
Atanimbáa rí naʼthí Dios dí maʼni náa tsu̱du̱u̱ ku̱ba̱ʼ ga̱jma̱a̱ numún xa̱bu̱.
ESSENTIAL BIBLE TEACHINGS
Ndiéjunʼ nindxu̱u̱ Reino ndrígóo Dios rá.
Xúgíʼ tsiguʼ rí Jesús niʼtáraʼa, niʼsngáa ga̱jma̱a̱ numuu Reino ndrígóo Dios itháan ki xóo i̱ʼwáʼ.Mba̱yu̱ʼ tsiguʼ xa̱bi̱i̱ nitajkháan mu ma̱ʼkha̱nú Reino bigi̱.
BI̱ NAYEJNGOO
Rí gáʼni Reino ndrígóo Dios
Jesús ndiʼyoo rí i̱ndó Reino ndrígóo Dios nindxu̱u̱ mbáa Xa̱bu̱ Ñajunʼ bi̱ maʼngo̱o̱ maʼnimbánuu xkujndu. Ndiéjunʼ niʼni má mu makumulúʼ kuʼyáá xá.
GA̱JMA̱A̱ NUMUXUʼ
Atanda̱ʼa̱ rí magún gúyaaʼ
Atayáá xóo extiʼña̱a̱ graxe̱ náa Biblia o atayáá itháan ga̱jma̱a̱ numún Testigos de Jeobá.
