“Dios maʼnigujndoʼle ri yaʼdun iquin, ga ri niʼcan naxariga naʼ iquin, ni ri xtambiyaʼ, ni ri guisaʼjuasca, ni gaʼcu.” (Rí huasjŋgajma Juan 21:3, 4, Ajŋga Raunʼ Dios Miʼpa Miŋui.)

Nduʼyáá gajkhun rí Dios na̱nguá gíʼdoo aʼkhúun náa xkujndu rí kuaʼdáá (Santiago 1:13).

Naʼni a̱jkiu̱lú índo̱ nduʼyáá rí Dios nakro̱ʼo̱o̱ índo̱ nanújngulú tsingíná (Zacarías 2:8).

Naʼni maguaʼthi̱i̱n rí wíji̱ maʼkha nda̱wa̱á náa ní xarigá nditháan rí maʼnigináan (Salmo 37:9-11).

Ma̱ndoo muʼnimbulú, rígá a̱jma̱ numuu:

• Dios nakiʼnáa kaʼyoo mbandaʼkho rí tsingíná ga̱jma̱a̱ dí ra̱májánʼ. Xú káʼnii nixtáa Jeobá índo̱ ndiʼyoo rí ni̱jma̱gínáa xuajñu nákha wajyúúʼ rá. Náa Biblia naʼthí rí Jeobá nigawúnʼ índo̱ ndiʼyoo rí i̱ʼwáʼ xuajen “kuwa runi gíníín” (Jueces 2:18).

  Dios tsíyoo gáʼñun xa̱bu̱ bi̱ nuni gíníín iʼwíínʼ. Mbá xkri̱da náa Biblia naʼthí rí nakiʼnáa kaʼñúún mbandaʼkho ‹xa̱bu̱ bi̱ nuradíin a̱ngiu̱ún› (Proverbios 6:16, 17).

• Dios naxmiéjunʼ kaʼyoo mámbáa xa̱bu̱. Jeobá naʼthulú rí muniʼñáaʼ náa ikhaa xúgíʼ xkujndu ndrígúlú “muri Ica ndayahuanʼle icanʼla” (1 Pedro 5:7).

  Dios majmuu Reino ndrígóo mu maʼnigámbáa xúgíʼ tsingíná ndrígúun xa̱bu̱ (Mateo 6:9, 10). Ikha jngó rígi̱ naxnún tsiakii xúgínʼ xa̱bu̱ bi̱ nduyáaʼ ga̱jma̱a̱ xúgíʼ a̱jkiún (Hechos 17:27; 2 Corintios 1:3, 4).