¡AWAXUNʼ! Núm. 2, 2018 | Mbá 12 ikha dí mambáyúlú makuwáánʼ gagi mbá guʼwáanʼ
Mbá 12 ikha dí mambáyúlú makuwáánʼ gagi mbá guʼwáanʼ
Rí mbiʼi xúgi̱ mbiʼin bi̱ kúwá náa mbá guʼwíin na̱nguá kúwá mbá kambájxu̱u̱n, mú náá numuu kúwíin tikhuun’ bi̱ kúwá mbá jnduʼ rá. Ndiéjuunʼ embañún mu makuwá mbóó xá.
Iwáá tsiguʼ náa mbaʼa xuajin kúwá mbaʼin bi̱ nuniñamijnaá itháan má xóo xa̱bu̱ guanii.
Ma̱ngaa mbiʼin xa̱bu̱ bi̱ najmañún nuthi rí gíʼma muthún e̱ji̱n rí májánʼ eni̱ ga̱jma̱a̱ numuu xúgííʼ, mú eʼwíinʼ nuthi rí gíʼma dí muxprigún ga̱jma̱a̱ ajngáa gakhi̱i̱, ikha jngóo xa̱bu̱ guanii nánguá eyáá dí muni.
Índo̱ jiámá ga̱jma̱a̱ wa̱ʼxa̱ʼ naʼni wanii na̱nguá eyáá xkáʼnii gákúwíin nda̱wa̱á.
Mú rí phú gajkhun:
Ma̱ndoo makuwá gagi kámuu mbiʼi bi̱ nidamijná .
Xabuanii ma̱ndoo majmañún muni mba̱ji̱i̱n májánʼ e̱jñu̱ún.
Jiámá ga̱jma̱a̱ wa̱ʼxa̱ʼ ma̱ndoo majmañún makuwíin májánʼ índo̱ gáʼnii.
Xú káʼnii gándoo gárígá rígi̱ rá. Náa i̱yi̱i̱ʼ ¡Awaxunʼ! na̱ʼkha̱ mbá 12 ikha dí ma̱ndoo mambáyúlú makuwáánʼ gagi mbá guʼwáánʼ.
1. Gunimbáníí rí nixuʼdámíjna muni̱
Ajtsú ikha dí ma̱ndoo mambáyáaʼ mu maraxtaa má xúʼko̱ ga̱jma̱a̱ʼ bi̱ ndiyáa.
2. Guñajunʼla mbóó
Lá nidamijnála ráʼ. O káaʼ i̱ndó nakujmaa dí kuwáanʼ náa mbóʼ guʼwá dxe̱ʼ.
3. Gamajkhu
Ndiéjuunʼ ajngáa o dí natani̱ nasngájma dí natayamajkuíí bi̱ ndiyáa rá.
4. Atani̱ mba̱a̱ a̱jkia̱a̱nʼ
Ndiéjuunʼ gándoo gátani̱ mu xáta̱ya̱a̱ náa nakiéʼkúun bi̱ ndiyáa rá.
5. Aratamíjná májánʼ gajmiáanʼ ejña̱a̱nʼ
Ajtsú ikha dí mambáyáaʼ mi̱dxu̱ʼ kanuu náa ejña̱a̱nʼ.
6. Ataxprígúún
Lá maxtáa gíná a̱ʼdiáaʼ á mu nataxpríguíí ráʼ.
7. Arasngúún muni̱ dí májánʼ
Ndiéjunʼ nindxu̱u̱ dí májánʼ dí ndaʼyóoʼ marasngúún e̱jña̱a̱ʼ rá.
8. Atagíʼ xkri̱da
Xabuanii, á mu nandala rí e̱jña̱la munimbu̱ún kuyala, gíʼmaa mutaruʼúún ga̱jma̱a̱ xkri̱da.
9. Ma̱ta̱ya̱a̱ tsáa nindxa̱a̱ʼ
Xóo gándoo muni jiámá ga̱jma̱a̱ wa̱ʼxa̱ʼ rí mutambáyíi rí nunimbu̱ún rá.
10. Ganindxa̱a̱ʼ bi̱ ma̱ndoo maku̱mu̱ún kuyaaʼ
Rí maku̱mu̱u̱ kaʼyaaʼ ana̱a̱ʼ ga̱jma̱a̱ rudáaʼ gíʼdoo numuu mu mikhi̱i̱n májánʼ.
11. Ganindxa̱a̱ʼ bi̱ nañajunʼ májánʼ
Rí maniguaaʼ matiejunʼ índo̱ kaʼníí nindxa̱a̱ʼ dxámá o dxáʼgú, rúʼko̱ gámbáyáaʼ matanimbánii dí natagíminaʼ matani.
12. Atagíʼ meta dí matani̱
Índo̱ gáʼnga̱a̱ʼ gátanimbaníí dí nitraʼwíí matani̱ maʼni dí maku̱ma̱a̱ʼ dí ikháán majmáán ga̱jma̱a̱ maraʼdiin bi̱ mambajxáaʼ gajmiáanʼ ga̱jma̱a̱ maʼdxuu a̱jkia̱a̱nʼ.
Rígá xóó dí mambáñún bi̱ kúwi̱i̱n mbáa guʼwíin
Náa Biblia kagu̱ consejo dí ma̱ndoo mambáyáaʼ maraxtaa tsímáá gajmiáanʼ bi̱ kúwá náa guʼwáaʼ.
