NA̱JKHA̱ INÚN JIÁMÁ GA̱JMA̱A̱ WA̱ʼXA̱ʼ
9. Ma̱ta̱ya̱a̱ tsáa nindxa̱a̱ʼ
NDIÉJUUNʼ EYOO GÁʼTHÚU̱N RÁ.
Rí naʼni rí manindxa̱a̱ʼ má ikháán, xóo muʼthá xóo ejmaʼníiʼ raʼkháa i̱ndó xóo mbiʼyaaʼ o xóo kiejxa̱a̱, nindxu̱u̱ xóo dí natani, dí natanimbaaʼ o xóo nindxaaʼ.
NDÍJKHA RÍ GÍʼDOO NUMUU RÁ.
Índo̱ natayáá xóo phú nindxaaʼ, natanimbánii dí nindxu̱u̱ májánʼ ga̱jma̱a̱ tsetatsiñaminaʼ matani̱ xó má eñún eʼwíinʼ.
“Mbaʼin xa̱bu̱ nindxu̱ún asndu xóo muñeco, bi̱ ni má ikhiin na̱nguá eraʼwíí xú káʼnii xtíin gúgíʼ” (Adrián).
“Nijmañuʼ mani dí májánʼ maski ajndu nguáná naʼni mingíjyúuʼ. Nda̱yo̱o̱ tsíin nindxu̱ún bi̱ gajkhun nambájxu̱ʼ gajmíi̱nʼ ga̱jma̱a̱ xóo eni ikhúún índo̱ xtáá gajmíi̱n ikhiin” (Carolina).
IKHA RÍ NA̱ʼKHA̱ NÁA BIBLIA: “Guniʼñáánʼ rundáwami̱jna̱ ga̱jma̱a̱ dí rígá náa numbaaʼ rígi̱; rí phú gíʼmaa mu̱ni̱, guriʼkhumijnáala, guni̱i̱ nuxi̱ʼ ku̱ma̱ ndrígála” (Romanos 12: 2).
NDIÉJUUNʼ GÁNDOO MATANI̱ RÁ.
Mu ma̱ndoo ma̱ta̱ya̱a̱ tsáa nindxa̱a̱ʼ xúgi̱ ga̱jma̱a̱ tsáa nanigua̱ʼ midxuʼnú ma̱nindxa̱a̱ʼ, atayáá rí najmáán natani, rí na̱nguá ejmáán matani ga̱jma̱a̱ dí nanimbaaʼ. Ma̱ndoo matagíʼdi̱i̱ matrajximinaʼ dí na̱ʼkha̱ gi̱jyooʼ.
Rí najmáán natani: “Ndiéjunʼ rí najmún nani rá. Xú káʼnii ejmaʼniúúʼ ikhúún rá. Lá naʼngo̱ʼ narikhoo mani dí raʼkhí rá. Lá na̱jkhánú wapháá náa má ejkhá ráʼ. Lá ni̱ndxu̱ʼ mbáa bi̱ nañajunʼ ga̱jma̱a̱ naxná dí gíʼdoo ráʼ. Ndiéjunʼ dí najmún nani májánʼ rá.”
RÍ MA̱NDOO MATANI̱: Á mu naʼniaaʼ mingíjyúuʼ ma̱ta̱ya̱a̱ xóo xa̱bu̱ nindxa̱a̱ʼ, aratháán ana̱a̱ʼ ga̱jma̱a̱ rudaáʼ o mbáa bi̱ nambájxa̱ʼ májánʼ ga̱jma̱a̱ʼ mu mumbayáaʼ ma̱ta̱ya̱a̱ xóo kaʼníí.
IKHA RÍ NA̱ʼKHA̱ NÁA BIBLIA: “Mú mámbáa gáʼyoo rí naʼni, mu xúʼko̱ maʼdxuu ga̱jma̱a̱ rí niʼni, ga̱jma̱a̱ xambríguminaʼ ga̱jma̱a̱ imba̱a̱ xa̱bu̱” (Gálatas 6:4).
Rí tséjmáán gátani̱: “Náa eyóoʼ mariʼkuminaʼ rá. Nguáná eʼni dí migamíi mani dí raʼkhí rá. Nguáná eyóoʼ marikhoo dí xáni dí raʼkhí rá.”
IKHA RÍ NA̱ʼKHA̱ NÁA BIBLIA: Á mu nuʼthá: “Na̱nguá kuaʼdááxu aʼkhá”, kuwáanʼ ruʼni nduwamijná má ikháanʼ” (1 Juan 1:8).
Dí natanimbaaʼ: “Ndiéjunʼ exná ikhoʼ xóo mani mámbá mbiʼi ga̱jma̱a̱ ndíjkha rá. Lá nakumuʼ ka̱yo̱o̱ Dios ráʼ. Xú káʼnii eyoo gajkhun dí ikhaa xtáa xá. Ndiéjunʼ dí naku̱mu̱ʼ dí na̱nguá nindxu̱u̱ jmbu ga̱jma̱a̱ náá numuu rá. Xú káʼnii ekumuʼ di marigá nda̱wa̱á rá.”
IKHA RÍ NA̱ʼKHA̱ NÁA BIBLIA: “Rí najmáán natatsaʼwáminaʼ gáñe̱wa̱a̱nʼ, ga̱jma̱a̱ rí najmáán natraʼwíí rí májánʼ gáʼni kriña̱a̱nʼ” (Proverbios 2:11).
Puede que también le interese
NAJUIXTIʼÑA̱A̱ 10 GRAXE̱ RÍ NUNI JIÁMA JMA̱A̱ WA̱ʼXA̱ʼ
Tsáa phú ni̱ndxu̱ʼ rá.
Á mu natayáá dí najmañaʼ natani ga̱jma̱a̱ rí nakiéʼkháanʼ, ga̱jma̱a̱ ma̱ta̱ya̱a̱ rí nandaʼ matani mambáyaʼ matraʼwíí rí májánʼ índo̱ eʼwíínʼ nunianʼ matani rí nandún.
