Mbaʼin xa̱bu̱ nambáñun índo̱ nuraxnuu Biblia ga̱jma̱a̱ índo̱ nugímíjná munimbaníí xtágabu rí na̱ʼkha̱ ikhí, atayáá xóo ethi tikhun’.

“Niʼni rí maxtáá itháan májánʼ. Ma̱ngaa rí mandxaʼwáminaʼ xóo gíʼmaa ga̱jma̱a̱ rí xaxmiéjunʼ. Ma̱ngaa nambáyuʼ mba̱yo̱o̱ rí xúgíʼ maʼngo̱ʼ ma̱ni̱” (Fiona).

“Rí manigajmaa Biblia naʼni rí maxtáá itháan májánʼ” (Gnitko).

“Rí xúgi̱ xtáá itháan májánʼ: Nánguá eñajunʼ wéñuʼ ga̱jma̱a̱ naxtáá itháan mba̱yu̱u̱ʼ gajmínʼ bi̱ kúwá náa goʼwóʼ” (Andrew).

Bugi̱ ni̱ndxu̱ún káaʼ tikhun bi̱ nuthi xóo nambañún xtágabu ndrígóo Biblia, mú náa xúgíʼ numbaaʼ kuwa mbaʼin xa̱bu̱ bi̱ naguánu nduyáá rí xtágabu rí na̱ʼkha̱ náa Biblia nayambáá wéñuʼ.

Mú, xú káʼnii gándoo gámbáyaʼ Biblia mu:

• Xáʼniaʼ weñuʼ nandii

• Maraxtaa májánʼ

• Mambajxáaʼ gajmiáanʼ xúgíinʼ

• Matiewa̱a̱n xóo majmaaʼ mbújkha̱a̱

• Mambajxáaʼ májánʼ ga̱jma̱a̱ Dios

Náa artículos dí mbuʼyáá, masngájma rí Biblia raʼkháa i̱ndó nindxu̱u̱ mbá libro mitsúʼkháan, ma̱ngaa rí ma̱ndoo mambáyulúʼ tsejtsi mbiʼi.