Ma̱ndoo mataxkamaa ikha rí májánʼ
“Xúgíʼ rí Kiʼnirámáʼ náa i̱yi̱i̱ʼ mitsúʼkháan na̱ʼkha̱ náa Dios” (2 Timoteo 3:16). Ajngáa rí “na̱ʼkha̱” nandoo gáʼthúu̱n rí Dios bi̱ gíʼdoo Xúgíʼ tsiakii nigíwanʼ ku̱ma̱ náa edxu̱ún xa̱bu̱ bi̱ niniraʼmáʼ Biblia.
Dios nandoo rí mambáyaʼ ikha rí gíʼdoo ku̱ma̱
“Ikhúúnʼ, Jeobá, ni̱ndxu̱ʼ [...] bi̱ naʼsngáaʼ mu maraxtaa májánʼ, bi̱ naʼtháanʼ náa kamba̱a̱ gíʼmaa majngruigaaʼ. ¡I̱ndó á mu natagíiʼ edxa̱ʼ náa rí natañájunʼ! Ikhú maraxtaa tsímáá xóo mbá mañu, ga̱jma̱a̱ jmbu rí natani mani̱ndxu̱u̱ xóo olas ndrígóo lamáa” (ISAÍAS 48:17, 18).
Ma̱ndoo ma̱ta̱ya̱a̱ ajngáa rígi̱ rí asndu xóo ikháanʼ xtáa raʼtháanʼ Dios. Ikhaa ma̱ndoo mambáyaʼ mataxkamaa rí nandoo maraxtaa tsímáá ga̱jma̱a̱ gagi asndu kámuu mbiʼi.
Ikha ndrígóo Dios ma̱ndoo mataxkamaa
“Gíʼmaa miʼtáraʼa ajngáa rí májánʼ náa xúgíʼ xuajen” (MARCOS 13:10).
“Ajngáa rí májánʼ” rígi̱, nasngájma dí Jeobá nikudaminaʼ maʼnimbáti̱ga̱a̱ rí tsingíná, maʼni̱i̱ mbá Ku̱ba̱ʼ mitsaanʼ ga̱jma̱a̱ maʼnigabi̱ín familia ndrígúlú bi̱ nikháñun ma̱ngaa mígiulú. Xa̱bi̱i̱ Jeobá kúwá rutaraʼa náa xúgíʼ numbaaʼ ajngáa rí naʼthí náa Biblia.
Puede que también le interese
BI̱ NAYEJNGOO
Náa Biblia na̱ʼkha̱ rí gajkhun
Ma̱ndoo makuwáanʼ gajkhun dí na̱ʼkha̱ raʼthí náa Biblia nindxu̱u̱ gajkhun.
