¡AWAXUNʼ! Núm. 3, 2020 | Dí mayambáá maʼndún kuyamijná
Ra̱mingíjyúuʼ mbuʼyáá rí eʼwíinʼ nundxaʼwamíjná dí raʼkhí xóo kiexu̱u̱n xa̱bu̱, mú mbáa mingíjyúuʼ mbuʼyáá rí mangáanʼ nuʼni xúʼko̱.
Tikhu rí mambáyulú maʼndulú kuʼñúún xúgínʼ enii xa̱bu̱.
Lá mangáán natatsaʼwáminaʼ dí raʼkhí xóo kiexu̱u̱n eʼwíinʼ ráʼ.
Xú káʼnii gákujmaa á mu nundxaʼwamíjná dí raʼkhí ga̱jma̱a̱ numún eʼwíinʼ rá.
Atayáá á mu gajkhun
Numuu rí xa̱bu̱ nuthi dí raʼkhí, ikha jngó mbaʼin tséyáá dí gajkhun. Atayáá xóo nigíʼnuu mbáa bi̱ ninindxu̱u̱ soldado náa nasngájma rí xúʼko̱ kaʼnii.
Gakuma̱a̱ʼ xóo eku̱mu̱u̱ imba̱a̱
Ndiéjunʼ gasngájma á mu na̱nguá ekumulúʼ xóo eʼwíinʼ rá.
Atayáá náa májánʼ eni eʼwíinʼ
Rí xaxmiéjuanʼ xtañún eʼwíinʼ rúʼko̱ dí mawiya̱a̱ xtañún. Ndiéjunʼ gambáyaaʼ rá.
Gambaxáʼ gajmiáanʼ xúgínʼ
Atayáá ndiéjunʼ gambáyaaʼ rí mambaxáʼ gajmiáanʼ eʼwíinʼ bi̱ na̱nguá ni̱ndxu̱ún xóo ikháán.
Atasngájma ngajua
Rí matasnga̱jmá ngajua maʼni rí maʼndaaʼ xtañún xúgínʼ enii xa̱bu̱. Atayáá xóo ma̱ndoo matani.
Rí mbájkhu gambáyulú
Rígá a̱jkhu̱ rí maʼni Reino ndrígóo Dios, ndiéjunʼ nindxu̱u̱ rá.
Bi̱ niriʼkhui̱i̱ xóo nindxaʼwamíjná dí raʼkhí ga̱jma̱a̱ numún eʼwíinʼ
Atayáá ajtsú video náa nasngájma rí xú káʼnii xa̱bu̱ niʼngu̱u̱n niriʼkumijná rí xóo nduñún eʼwíinʼ.