¡AWAXUNʼ! Núm. 1, 2024 | Náá numuu rí nándáa gamajkhu rá.
Nánguá kuaʼdáá gamajkhún xa̱bu̱. Mámbá mbiʼi naʼniún tsiánguá índo̱ nduyáá dí mbáa nasngájmúún gamajkhu.
Mbá xkri̱da mbaʼin nánguá esngajma gamajkhu náa anu̱ún, náa eʼwíinʼ bi̱ wanii, náa policía, náa patriún o náa maestriu̱ún. Ma̱ngaa náa Internet [redes sociales] nutamijná ajngáa mixkawiʼ xa̱bu̱. Náa mbá revista niʼthí xígi̱: “Mámbá mbiʼi na̱jkha̱ randátígáa itháán gamajkhu náa xa̱bu̱”. Ga̱jma̱a̱ revista niʼthí xóó: “Asndu nákha wajyúuʼ ga̱jma̱a̱ xúgi̱ naʼni itháán mbaʼin xa̱bu̱ bi̱ nuxieʼkhá ga̱jma̱a̱ numuu rígi̱” (Harvard Business Review).
Ndíjkha dí xa̱bu̱ nánguá eyamajkhún eʼwíinʼ rá.
Atayáá ndíjkha dí ra̱ʼkhá tháán gíʼdoo numuu dí mbuʼyamajkún eʼwíinʼ ga̱jma̱a̱ xú káʼni ma̱ndoo matani.
Ndíjkha dí xa̱bu̱ nánguá eyamajkhuíí vida rá.
Atayáá dí eʼthí Biblia xóo gíʼmaa matasnga̱jmá dí natayamajkuíí vida ndrígáaʼ ga̱jma̱a̱ vida ndrígún eʼwíinʼ.
Ndíjkha dí xa̱bu̱ nánguá eyamajkhún familiu̱ún rá.
Makuwá tsímáá xa̱bu̱ bi̱ kúwíin náa mbá guʼwíin á mu namajkhún kuyamijná.
Ndíjkha dí xa̱bu̱ nánguá eyamajkumijná rá.
Biblia ma̱ndoo mambáñún xa̱bu̱ mbuyamajkumijná, makuwá gagi ga̱jma̱a̱ rígi̱ maʼni mbuyáá dí guáʼdáá numún.
Náá numuu rí nándáa gamajkhu rá.
Atraxnuu rí naʼthí ga̱jma̱a̱ numuu gamajkhu ma̱ngaa ndiéjunʼ eni̱ testigos de Jeobá bi̱ kúwá náa xúgíʼ numbaaʼ mu marigá gamajkhu.
