Ndíjkha dí xa̱bu̱ nánguá eyamajkhún familiu̱ún rá.
NDÍJKHA DÍ GÍʼDOO NUMUU MATAYAMAJKHÚN FAMILIAAʼ
Nakúwá tsímáá mbá guʼwíin xa̱bu̱ índo̱ nduyamajkumijná ga̱jma̱a̱ xúgíinʼ nakúwá májánʼ.
-
Náa mbá libro rí mbiʼyuu Siete reglas de oro para vivir en pareja naʼthí dí índo̱ xa̱bu̱ gajmii nduyamajkumijná, nusngajmá rí nandún kuyamijná ga̱jma̱a̱ “xúgíʼ rí nuni̱ mámbá mbiʼi raʼkháa i̱ndó mbiʼi dí nuxnamijná regalo” (rí niʼtájuíi Sonia Tapia Sánchez).
-
Xa̱bu̱ bi̱ najmañún niguánú ndiyáá rí i̱ji̱n bi̱ najuiʼsngún mbuyamajkún eʼwíinʼ nandún kuyamijná itháán, nambájxu̱u̱n itháán májánʼ gajmiún anu̱ún ma̱ngaa ru̱du̱ún ga̱jma̱a̱ nambáñúún rí xáʼniún wéñuuʼ nandii náa ngáñúuʼ.
RÍ MA̱NDOO MATANI̱ IKHÁÁN
Aratamíjná gajmiáanʼ bi̱ kúwá náa guʼwáaʼ ga̱jma̱a̱ numuu rígi̱. Ginii atayáá ndiéjunʼ eyoo gáʼthúu̱n rí matasnga̱jmá “gamajkhu”. Raga̱jma̱, gunirámáʼ ndiéjunʼ gíʼmaa maʼni mámbáa ga̱jma̱a̱ dí ragíʼmaa maʼni. Dí maʼni ajtsú, gútamíjná ga̱jma̱a̱ numuu awan dí niríyaʼ, mu xúgíinʼ mbuyáá ndiéjunʼ gáʼyóoʼ muni̱ mu musngajma gamajkhu.
Atagíʼ mbá májánʼ xkri̱da. Mbáa ma̱ndoo matrajximínáʼ: “Lá naguʼwuun mata numún bi̱ kúwá náa goʼwóoʼ índo̱ nakiéʼkúún ráʼ. Lá natsijmíin ga̱jma̱a̱ dí ikhiin nuthi xáʼ. Lá tsíyóʼ gádxuun o narujtungaa ajngún índo̱ ikhiin nuthi xáʼ.” Garmáʼáan a̱jkia̱a̱nʼ dí ikháán ginii gíʼmaa rí matayamajkhún eʼwíinʼ.
Rí ma̱ndoo matani: Atayáá rí ikháán gíʼmáánʼ matayamajkhún bi̱ kúwá náa guʼwáaʼ tséʼniuu á mu ikhiin nduyamajkuaʼ o na̱nguá.
Maski má tséndxaʼwamíjna̱la̱ mbrígún, guyamajkumijnála. Xútha ajngáa xóo “kikáá má tani̱ ján” o “ikháán nditháan tsítani” ajngáa xóo rígi̱ maʼni rí magawúúnʼ bi̱ ku̱ñu̱u̱n ma̱ngaa ma̱ndoo maʼni rí mbá chíʼgíʼ dí tsémbríguii xóo endxaʼwamíjna̱ maʼga̱nú mani̱ndxu̱u̱ mbá xkujndu mba̱a̱.
DÍ NUNI̱ TESTIGOS DE JEOBÁ
Ikháanʼ bi̱ nindxu̱xu̱ testigos de Jeobá numbáñúnxu̱ xa̱bu̱ bi̱ kúwíin náa mbá guʼwíin mu mamajkhún kuyamijná, rígi̱ nindxu̱u̱ dí naʼthí náa artículos, libros, folletos ga̱jma̱a̱ videos dí nurawíixu̱, ikháán ma̱ndoo ma̱ta̱ya̱a̱ ga̱jma̱a̱ xáxtumáán.
RÍ MBUYÁÁ XA̱BU̱ BI̱ NIDAMIJNÁ: Artículos rí na̱ʼkha̱ náa “Dí mambáñún bi̱ mbá guʼwíin” ma̱ndoo mambáñún bi̱ nidamijná . . .
-
mu makru̱ʼu̱u̱n kuyamijná.
-
mu xúniña̱a̱n rutamíjná.
-
mu xúgiʼdu̱u̱n.
(Ata̱ʼa̱ʼ náa ináa jw.org ga̱jma̱a̱ atayáʼ “Dí mambáñún bi̱ mbá guʼwíin”).
RÍ MBUYÁÁ XABUANII: Artículos dí na̱ʼkha̱ náa ajngáa xtílóo náa “Ayuda para las familias” ma̱ndoo mambáñún xabuanii mu musngúún e̱jñu̱ún mu . . .
-
munimbu̱ún.
-
muyambáá ga̱jma̱a̱ ñajunʼ dí rígá náa guʼwá.
-
muthi “mbá péñu” ga̱jma̱a̱ “núma̱aʼ”.
(Ata̱ʼa̱ʼ náa ináa jw.org ga̱jma̱a̱ atayáʼ ajngáa “La educación de los hijos” o “Hijos adolescentes”).
Ma̱ngaa atayáá apéndice “Los padres preguntan” ndrígóo libro Lo que los jóvenes preguntan. Respuestas prácticas (volumen 1) (ata̱ʼa̱ʼ náa ináa jw.org ga̱jma̱a̱ atayáʼ ajngáa “Los padres preguntan”).
RÍ MBUYÁÁ JIÁMÁ GA̱JMA̱A̱ WA̱ʼXA̱ʼ: Artículos dí na̱ʼkha̱ náa ajngáa xtílóo náa “Adolescentes y jóvenes adultos” dí rígá náa jw.org, na̱ʼkha̱ artículos, videos ga̱jma̱a̱ mbaʼa rí jiámá ga̱jma̱a̱ wa̱ʼxa̱ʼ mambáñún . . .
-
makuwá májánʼ gajmiún anu̱ún ma̱ngaa a̱ngiu̱ún.
-
mutún anu̱ún ga̱jma̱a̱ gamajkhu numuu awan rí nundri̱ga̱.
-
mu anu̱ún maku̱mu̱ún kuñúún.
(Ata̱ʼa̱ʼ náa ináa jw.org ga̱jma̱a̱ atayáʼ ajngáa “Adolescentes y jóvenes adultos”).
Rí mata̱ʼa̱ʼ náa ináa jw.org xáʼyóoʼ matani̱ numáá ni má matagíʼma mbiʼyaaʼ. Xúʼko̱ má xánda̱ʼa̱a̱ datos ndrígáaʼ.
