Numbaaʼ rígi̱ naxtiʼkhuu má xúʼko̱, xú káʼnii gándoo mbuʼyáá gajkhun dí nuraʼwíí xúgi̱ magajnúu májánʼ rá. Xú káʼnii gándoo mbuʼyáá gajkhun dí májánʼ nindxu̱u̱ xúgi̱, xáʼni ra̱májánʼ nda̱wa̱á rá.

Biblia nambáyulú muraʼwi̱i̱ májánʼ mu xáʼtáan a̱jkiu̱lú. Náá numuu rá. Numuu dí nindxu̱u̱ mbá regalo ndrígóo bi̱ Niʼniwáanʼlú, ikhaa ndaʼyoo májánʼ ndiéjunʼ phú ndaʼyulúʼ mu gajkhun makuwáánʼ gagi ga̱jma̱a̱ májánʼ.

Ma̱ndoo makumulúʼ kuʼyáá ikha rí na̱ʼkha̱ náa Biblia. Numuu dí “nindxu̱u̱ gajkhun xúgi̱ ga̱jma̱a̱ asndu kámuu” (Salmo 111:8).

Lá manigua̱a̱ʼ majmañaaʼ xú káʼnii gándoo mambáyáaʼ Biblia náa numbaaʼ dí mámbá eʼni extiʼkhuu ráʼ.