Rí mambáyáaʼ matraʼwi̱i̱: Mbá dí ikháán gíʼmaa matraʼwi̱i̱
Ikha dí guraʼwí muʼnimbaníí magiʼdoo numuu náa vida ndrígulú. Jeobá Dios ndaʼyoo, ga̱jma̱a̱ ikhaa nandoo rí makuwáanʼ xó má eʼthí náa xtángoo ndrígóo.
Jeobá nandoo rí makuwáanʼ tsímáá ga̱jma̱a̱ gagi.
“Ikhúún nindxu̱ʼ Jeobá Dios ndrígáaʼ, bi̱ naʼsngáa mu maraxtaa májánʼ, bi̱ naʼtháanʼ náa kamba̱a̱ gíʼmaa mi̱dxu̱ʼ. ¡Mbá péñu, atagíʼ edxa̱a̱ʼ matadxawíín kiʼtáñajunʼ ndrígóʼ! Ikhú maraxtaa tsímáá xóo mbá mañu, ga̱jma̱a̱ rí májánʼ dí natani̱ mani̱ndxu̱u̱ xóo iyaʼ rí nambujxu̱u̱ má xúʼko̱ náa lamáa” (Isaías 48:17, 18).
Mbaʼa enii xóo ma̱ndoo makuwáanʼ. Mú Jeobá, bi̱ Niʼniáanʼlú, ndaʼyoo rí nindxu̱u̱ itháán májánʼ. Ikhaa nandoo rí muʼnimbánii ikha ndrígóo numuu dí nindxu̱u̱ itháán májánʼ náa ikháanʼ. Á mu nuʼnimbáníí ikha ndrígóo Dios, ma̱ndoo mbuʼyáá gajkhun rí mani̱ndxu̱u̱ májánʼ. Rí gúraʼwíí muʼni mani̱ndxu̱u̱ májánʼ, maʼni makuwáanʼ tsímáá ga̱jma̱a̱ gagi.
Jeobá tséndu̱ʼu̱lú muʼni rí xáʼngulú.
“Kiʼtáñajunʼ dí xtáá raxna̱a̱ʼ xúgi̱ na̱nguá gakhi̱i̱ matanimbáníí ni má na̱nguá rígá mitsínguánʼ” (Deuteronomio 30:11).
Mu makuwáanʼ xó má eʼthí náa ikha ndrígóo Dios, mbáa mbaʼyóoʼ muriʼkhu̱u̱ xóo endxaʼwamíjna̱ 1 Juan 5:3).
ga̱jma̱a̱ xóo e̱ʼni̱. Mú Jeobá tséndu̱ʼu̱lú muʼni rí xáʼngulú. Ikhaa nindxu̱u̱ bi̱ Niʼniáanʼ, ndaʼyoo itháán májánʼ rí maʼngulú muʼni. Índo̱ nuniʼníiʼlú májánʼ, nduʼyáá rí “kiʼtáñajunʼ ndrígóo na̱nguá nindxu̱u̱ mingíjyúuʼ” (Jeobá nakuʼdaminaʼ mambáñún bi̱ nuraʼwíí makuwá xó má eʼthí kiʼtáñajunʼ ndrígóo
“Ikhúún nindxu̱ʼ Jeobá Dios ndrígáaʼ, kuajtuun ñawún májáanʼ, ikhúún nindxu̱ʼ bi̱ naʼtháanʼ: ‹Xámíñáaʼ. Ikhúún mambáyaaʼ›” (Isaías 41:13).
Ma̱ndoo makuwáanʼ xó má eʼthí náa ikha ndrígóo Dios numuu rí ikhaa mambáyulúʼ. Najmuu Ajngáa rawuunʼ, rí nindxu̱u̱ Biblia, mu mambáyulúʼ ga̱jma̱a̱ maxnúlúʼ tsiakii ma̱ngaa rí maguáʼthi̱i̱n marigá dí májánʼ nda̱wa̱á.
Náa xúgíʼ numbaaʼ, mbaʼin xa̱bu̱ niguánú ndiyáá rí munimbánii ikha ndrígóo Biblia niʼni dí makuwá itháán májánʼ. Lá matatsiʼñáánʼ rí Biblia mambáyáaʼ ikháán ráʼ. Lá nandaaʼ matatsiʼnuʼ itháán májánʼ consejo rí na̱ʼkha̱ ikhí ráʼ. Ma̱ndoo matagíʼdi̱i̱ matayaa folleto ¡Araxtaa gagi kámuu mbiʼi! Xáxtumáán ga̱jma̱a̱ rígá náa jw.org. Kagu̱ ajtsú kíxnuu rígi̱:
-
“Xú káʼnii gándoo gámbáyaaʼ Biblia mu maraxtaa májánʼ rá.”
-
“Náa Biblia naʼthí ndiéjunʼ rí kuaʼthi̱i̱n marigá nda̱wa̱á”.
-
“Lá ma̱ndoo matatsimbaaʼ rí naʼthí náa Biblia ráʼ.”
Índo̱ gajmañaaʼ itháan dí na̱ʼkha̱ náa Ajngáa rawuunʼ Dios, mi̱dxu̱ʼnú ma̱ta̱ya̱a̱ rí consejo rí kagu̱ ma̱ndoo mambáyáaʼ rí mbiʼi xúgi̱ ga̱jma̱a̱ rí “nindxu̱u̱ gajkhun xúgi̱ ga̱jma̱a̱ asndu kámuu” (Salmo 111:8). Maraxtaa itháán májánʼ á mu matanimbánii ikha ndrígóo Biblia. Mú, Dios tsetsudáanʼ muʼnimbánii (Deuteronomio 30:19, 20; Josué 24:15). Nindxu̱u̱ mbá rí mámbáa kaʼyoo maraʼwíí maʼni.