Nduyamajkuíí Jeobá gajmiúlú mbaʼin a̱ngiu̱lú náa reunión dí narígá náa congregación ga̱jma̱a̱ náa asamblea. Mú ma̱ngaa gajmiúlú familia ndrígulú o índo̱ kuwáanʼ ndajkuáanʼ. Gi̱i̱ rígá tikhuʼ rí ma̱ndoo mambáyáaʼ mu matanigajma̱a̱ mbáwíín ma̱ngaa índo̱ nunigajma̱a̱ mbá guʼwáanʼ:

• Gúʼnigajma̱a̱ rí mbuʼyáá náa reunión. Ma̱ngaa ma̱ndoo muʼni ajmúú ma̱ngaa muʼniratamijná rí nandulú muʼni̱i̱ comentar náa reunión.

• Guraxnuu mbá dí naʼthí náa Biblia. Nda̱wa̱á ma̱ndoo muʼni̱i̱ dibujar xóo má niʼngo̱o̱ nigida̱ʼ edxu̱lúʼ o muʼniraʼmáʼ rí nijmañulú.

• Guʼnigajma̱a̱ xóo nitajkáan xa̱bi̱i̱ Dios bi̱ naʼthí náa Biblia. Nda̱wa̱á gundxaʼwamíjna̱ xú káʼnii gándoo gámbáyulú mu xúʼko̱ muʼtájkáan itháán májánʼ.

• Guʼyáá mbá video dí rígá náa jw.org. Nda̱wa̱á ma̱ndoo muʼthúún bi̱ kúwá náa guʼwúlú o muʼniraʼmáʼ dí nanigulúʼ.

• Gúʼniratamijná mu muʼtáraʼa. Ma̱ndoo muʼni̱i̱ ensayar mbá nájmáánʼ rí muʼthá.

• Guʼyáá rí nigumawíi ga̱jma̱a̱ gundxaʼwa̱míjna̱ rí nasngulú Jeobá ga̱jma̱a̱ numuu ikhaa. Á mu kuwáanʼ gajmiúlú familia, guʼthúún rí nijmañulú. a