BI̱ NAYEJNGOO Núm. 3, 2021 | Dí ma̱ndoo matani mu maraxtaa májánʼ nda̱wa̱á
Ndiéjunʼ gátani mu maraxtaa májánʼ nda̱wa̱á rá. Náa i̱yi̱i̱ʼ rígi̱ naʼthí ndiéjunʼ eni̱ mbaʼiin xa̱bu̱ numuu rí nandún makuwá májánʼ nda̱wa̱á ma̱ngaa gi̱i̱ gámbáyáaʼ ma̱ta̱ya̱a̱ ndiéjunʼ gátani mu maraxtaa májánʼ nda̱wa̱á.
Xúgíinʼ xa̱bu̱ nandún mbuyáá xú káʼnii gákuwá nda̱wa̱á
Índo̱ mbá nacha̱ naxtiʼkhu̱u̱ xúgíʼ, lá rígá mbá ikha rí ma̱ndoo mambáyáaʼ ikháá ráʼ.
Náá ekumu̱ún xa̱bu̱ rí ma̱ndoo mbuyáá xóo gákúwíin nda̱wa̱á rá.
Mbaʼiin xa̱bu̱ nakumu̱ún dí rígá mbá tsiakii rí tsékujmaa dí naʼthí xóo gákúwíin nda̱wa̱á, xóo náa astrología, feng shui o rí mbuyamajkún wajin xiʼñúúnʼ.
Lá dí matanigajmaa̱ ma̱ngaa dí maraʼdáá mbújkha̱a̱ maʼni dí maraxtaa májánʼ nda̱wa̱á ráʼ.
Mbaʼiin niguánu ndiyáá dí matanigajmaa ma̱ngaa mbújkha̱a̱ tséʼni dí maraxtaa májánʼ nda̱wa̱á.
Lá dí manindxu̱lú májáanʼ xa̱bu̱ maʼni dí makuwáanʼ májánʼ nda̱wa̱á ráʼ.
Maski asndu gíʼdoo numuu rí ma̱nindxa̱a̱ʼ májáanʼ xa̱bu̱, mu raʼkháa i̱ndó rúʼko̱ eyóoʼ matani mu maraxtaa májánʼ nda̱wa̱á.
Lá rígá mbá ikha dí ma̱ndoo mambáyáaʼ mu maraxtaa májánʼ nda̱wa̱á ráʼ.
Índo̱ nandulú muraʼwíí mbá rí mu̱ʼni̱, ginii rí nuʼni nindxu̱u̱ dí nurajxi̱i̱ mbáa bi̱ itháán nikhi̱i̱ o bi̱ nakro̱ʼo̱o̱ itháán májánʼ ki xóo ikháanʼ. Ikhaa má kayuuʼ eʼnilú índo̱ nandulú muxkamaa mbá ikha rí ma̱ndoo mambáyúlú mbuʼyáá xkáʼnii gákuwáánʼlú nda̱wa̱á.
Ikháán ma̱ndoo matraʼwíí xóo gáraxtaa nda̱wa̱á
Ndiéjunʼ gúraʼwíí muʼni rá.
Dí ma̱ndoo matani mu maraxtaa májánʼ nda̱wa̱á
Ndiéjunʼ ku̱ma̱a̱ʼ ikháán dí mambáyáaʼ maraxtaa májánʼ nda̱wa̱á rá.
