Ikháán ma̱ndoo matraʼwíí xóo gáraxtaa nda̱wa̱á
Nákhá 3,500 tsiguʼ kidííʼ, Jeobá niʼthúún xa̱bu̱ bi̱ nduyamajkuíí ndiéjunʼ gándoo gúni mu ma̱ndoo makuwá májánʼ nda̱wa̱á, ikhaa niʼthúún dí na̱ʼkha̱ raʼthí náa Deuteronomio 30:19: “Naxnalá rí makuwáanʼ ga̱jma̱a̱ rí makhañála, rí maguma tsajkurámáanʼ ga̱jma̱a̱ rí majuiʼtátsriguanʼ. Ga̱jma̱a̱ gíʼmaa mbuʼyaʼla vida mu ma̱ndoo makuwáanʼla xóó, ikháanʼ gajmiála e̱jña̱la”.
A mu xa̱bu̱ buʼko̱ nindúún makuwi̱i̱n májánʼ nda̱wa̱á, ikhiin ndiyóoʼ muraʼwi̱i̱ májánʼ rí muni̱, xúʼko̱ mangáanʼ ndayóoʼ muraʼwíí mbá rí mu̱ʼni̱. Náa Biblia naʼthúlú ndiéjunʼ gúʼni̱ mu makuwáánʼ májánʼ nda̱wa̱á ikhí naʼthí: “Rí maʼndaaʼ xtayáá Jeobá Dios ndrígáaʼ, matadxuun aʼwóo” (Deuteronomio 30:20).
RÍ MATANI MU MAʼNDAAʼ XTAYÁÁ JEOBÁ GA̱JMA̱A̱ MATADXUUN AʼWÓO
GÁJMAÑAAʼ RÍ NAʼTHÍ NÁA BIBLIA. Mu maʼndaaʼ xtayáá Jeobá, ginii rí gíʼdoo numuu matani nindxu̱u̱ rí ma̱ta̱ya̱a̱ rí naʼthí náa Biblia ga̱jma̱a̱ numuu ikhaa. Índo̱ gátani rígi̱, ma̱ta̱ya̱a̱ rí nandoo kaʼyaaʼ ga̱jma̱a̱ nandoo rí ikháán maraxtaa májánʼ ma̱ngaa nandoo rí maratakáñíí numuu rí ikhaa naxmiéjuunʼ kaʼyaaʼ (1 Pedro 5:7). Á mu ikháán natani tsiakimínáʼ matatsiʼníiʼ, náa Biblia naʼthí rí ikhaa ma̱ʼkha̱ kanuu náa ikháán (Santiago 4:8).
ATAGÍʼ MATANI RÍ EJMAÑAAʼ. Mu matadxawíín Dios ndayóoʼ matanimbaaʼ ikha ndrígóo rí na̱ʼkha̱ náa Biblia. Á mu natani rígi̱ ikháán “maraxtaa májánʼ ga̱jma̱a̱ majmañaaʼ matani rí májánʼ” Josué 1:8.
^ párr. 7 Rígá náa mbaʼa ajngáa, tikhu dí ikhaa nindxu̱u̱ inglés, chino mandarín ga̱jma̱a̱ cantonés. chino ga̱jma̱a̱ inglés.