Á mu dí na̱nguá, mbáa nitayáá mbáa bi̱ xúʼko̱ xtáa o nigíʼnuu. Náa noticias naʼthí wéñuʼ ga̱jma̱a̱ numún xa̱bu̱ bi̱ nawiñu̱u̱nʼ kuñún o nuni̱ gíníi ga̱jma̱a̱ numuu xuajñún, raza ndrígu̱ún o ga̱jma̱a̱ numuu dí nagún náa imbo̱o̱ʼ religión. Ikha jngóo xa̱bu̱ ñajunʼ nugíʼ xtángoo mu muxnún castigo xa̱bu̱ bi̱ nuxnún o nuni̱ gíníin eʼwíinʼ ga̱jma̱a̱ numuu rí nawiñu̱u̱nʼ kuyamijná.

Xa̱bu̱ bi̱ nawiñu̱u̱nʼ kuñún, xúʼko̱ má eni̱ mangiin gajmiún eʼwíinʼ ga̱jma̱a̱ nuñu̱u̱n dí ra̱májánʼ.

Mbáa ikháán táʼndún gúyaaʼ, nitsijmáán, nitha wéñaaʼ o asndu nithanʼ dí muxnaaʼ. Mú dí mawiñu̱u̱nʼ kuyaaʼ nindxu̱u̱ itháan mbiiʼ, numuu dí xa̱bu̱ na̱jkha̱ kagu̱u̱n muxnún eʼwíinʼ, mutsijmiin gu̱ʼu̱ o asndu muradíin xa̱bu̱.

I̱yi̱i̱ʼ rígi̱ naʼthí xú káʼnii gándoo matani̱ mu xáwiya̱a̱ʼ xtañún eʼwíinʼ ga̱jma̱a̱ mariʼña̱a̱ graxe̱ rígi̱:

• Náá numuu rí nawiñu̱u̱nʼ kuyamijná xa̱bu̱ rá.

• Ndiéjunʼ gámbáyulú mu xáwiyulú kuʼñúún eʼwíinʼ rá.

• Maʼga̱nú mbá mbiʼi mambáa dí nawiñu̱u̱nʼ kuyamijná xáʼ.