BI̱ NAYEJNGOO (RÍ MUʼNIGAJMAA) Mayo tsiguʼ 2017
Náa número rígi̱ gátaxkamaa artículos rí muʼnigajmaa 3 asndu 30 ñajunʼ gu̱nʼ julio tsiguʼ 2017.
Gumbaʼñún “bi̱ naguwáʼ i̱mba̱ níʼkhá” mu muni ñajunʼ Jeobá ga̱jma̱a̱ gagi
Xú káʼnii gándoo marathu̱u̱n ajngáa rí májánʼ xa̱bu̱ bi̱ nijuixkúún bi̱ xóó tseniʼniiʼ Jeobá rá.
Xú káʼnii gumbáñuun e̱jñún “bi̱ naguwáʼ i̱mba̱ níʼkhá” rá.
Á mu ikháánʼ nidxuʼ gáraxtaa i̱mba̱ níʼkhá, xú káʼnii gándoo gátambáñun e̱jña̱ʼ majmañún ga̱jma̱a̱ numuu Jeobá rá. Xú káʼnii gándoo gumbáñuun eʼwíínʼ rá.
Xúniʼñáʼ maxa̱a̱ rí nandulúʼ kuʼyamijná
Tikhun cristianos bi̱ nikuwa nákha siglo timbá niniñaaʼ ngajua rí niguáʼdáá nákha ginii. Ndiéjunʼ gándoo gambáyulú maʼndulú kuʼyáá itháan Jeobá rá.
“Lá nandaʼ xta̱yo̱ʼ itháan ki xóo rígi̱ ráʼ.”
Jesús niʼsngóo Simón Pedro xú káʼnii mbaʼyoo dí gíʼdoo itháan numuu. Lá ma̱ndoo muʼnimbánii mangáanʼ rúʼko̱ ráʼ.
Kúwáanʼxu tsímáá numuu rí nánguá guáʼdááxu wéñuʼ
Ndiéjunʼ nixkaxi̱ín xa̱bu̱ gajmii mu xáguáʼdáá wéñuʼ rá. Xú káʼnii nini xá. Náa numuu rí niraʼwíí muni niʼni makuwá gagi xá.
HISTORIA NDRÍGÓO XA̱BU̱
Rí tsédxuun tárikhoʼ masngáa dí gajkhun
Walter Markin tséʼdxuun. Maski ajndu xúʼko̱, xtáa tsímáá numuu rí naʼni ñajunʼ Jeobá.
