Á mu bi̱ naguxnuu relato rígi̱, tségíʼ mbaʼyoo májánʼ xóo phú eʼthí, mbáa maʼni marajximi̱na̱ʼ graxe̱ rígi̱. Mú nikúwi̱i̱n a̱jmi̱i̱n xa̱bu̱ bi̱ nigumbiʼñún Mefibóset. Á mu natangáanʼ nuraxnuu xkáʼnii phú nirígá, ma̱ndoo majmañulúʼ mbá ikha.

Rey Saúl bi̱ xtáa náa Israel nigiʼdiin mbá juwiin jiáma ga̱jma̱a̱ a̱jmi̱i̱n wa̱ʼxa̱ʼ. Bi̱ giʼnii ninindxu̱u̱ Jonatán nda̱wa̱á imba̱a̱ a̱ʼgiu̱u̱ bi̱ nigumbiʼyuu Rizpá nigiʼdaa ga̱jma̱a̱ mbáa ada̱ bi̱ mbiʼyuu Mefibóset. Mú Jonatán ma̱ngaa nigiʼdaa mbáa a̱ʼdióo bi̱ nixná mbiʼyuu Mefibóset, xúʼko̱ niʼni dí Saúl nigiʼdaa mbáa a̱ʼdióo ga̱jma̱a̱ mbáa aʼdá xíñiiʼ bi̱ mbiʼyuu Mefibóset.

Ndíjkha rí nixnajxi̱i̱n mbaʼin xa̱bekha David mu dí makhañún rá. Numuu rí ni̱jkhánú mbá mbiʼi dí rey Saúl na̱nguá nindoo gáʼñúún gabaonitas bi̱ nikúwi̱i̱n gajmiún israelitas, ikha jngóo mbaʼin nigudíin. Rúʼko̱ ninindxu̱u̱ raʼkhí kayuuʼ, numuu dí nákha mbiʼi rí nixtáa Josué, bi̱ kuya̱ edxu̱u̱ náa israelitas nimbánúún dí makuwá tsímáá gajmiún bi̱ gabaonitas (Jos. 9:3-27).

Dí nimbánúún rúʼko̱ nigiʼdoo xóó numuu nákha mbiʼi dí nixtáa rey Saúl. Mú ikhaa nigudíin bi̱ gabaonitas, na̱nguá ndiʼyamajkhún. Ga̱jma̱a̱ numuu rúʼko̱, Saúl gajmíi̱n bi̱ kúwá náa goʼwóoʼ niʼni rí ‹maguaʼdáá aʼkhún numuu rí niradíin› gabaonitas (2 Sam. 21:1). Índo̱ David ni̱jkha̱nú ninindxu̱u̱ rey, gabaonitas bi̱ nikáwíin nitháán David xúgíʼ dí nirígá. Ikhú David niraxu̱u̱n xú kaʼnii gándoo gaʼni numa̱a̱ xúgíʼ dí raʼkhí niʼni Saúl mu xúʼko̱ Jeobá maʼni tsajkurámuuʼ ku̱ba̱ʼ. Ikhiin na̱nguá ninda̱ʼa̱ mbújkha̱a̱, nithi rí muxnaxi̱i̱n mbá juwiin e̱ji̱nʼ xa̱bu̱ bi̱ niríyaʼ awan dí magudíin (Núm. 35:30, 31). Ikha jngóo David niʼni xó má nithi (2 Sam 21:2-6).

Nákha ikhú Saúl ga̱jma̱a̱ Jonatán nikháñúún má náa nigún guxmijná. Mú Mefibóset a̱ʼdióo Jonatán xtáa xóó. Ikhaa niguanúu guʼxíiʼ índo̱ nigawúunʼ nákha chíʼgíiʼ, nakujmaa kaʼwu dí ikhaa na̱nguá nigudíin bi̱ gabaonitas xó má niʼni xiʼñúunʼ. Ma̱ngaa David nixná ajngóo ga̱jma̱a̱ Jonatán dí mambáxu̱u̱n má xúʼko̱, dí magiʼdoo numuu rúʼko̱ asndu bi̱ gáguwáʼ náa ikhaa, xóo Mefibóset (1 Sam. 18:1; 20:42). Náa relato rígi̱ naʼthí ga̱jma̱a̱ numuu David: “Mú rey nigáwi̱i̱nʼ a̱jkiu̱u̱n kaʼyoo Mefibóset, a̱ʼdióo Jonatán, a̱ʼdá xíñiiʼ Saúl, numuu dí David ga̱jma̱a̱ Jonatán a̱ʼdióo Saúl nixná ajngún náa inuu Jeobá” (2 Sam. 21:7).

Maski ajndu xúʼko̱, David niʼnimbánuu dí nithi bi̱ gabaonitas. Ikhaa nixnáxi̱i̱n a̱jmi̱i̱n e̱ji̱i̱n Saúl, mbáa dí ikhaa ninindxu̱u̱ Mefibóset ga̱jma̱a̱ mbá witsiin ejín xíñíʼ (2 Sam. 21:8, 9). Xúʼko̱ niʼni dí David niʼni kaʼwi̱i̱ ku̱ba̱ʼ dí nijuiʼtá tsríguíi ga̱jma̱a̱ numuu eʼdi dí nigadíí.

Rígá dí naʼsngúlú náa relato rígi̱. Á mu a̱jmi̱i̱n e̱ji̱i̱n Saúl ga̱jma̱a̱ mbá witsiin ejín xíñíʼ táguaʼdáá aʼkhúún, Jeobá xániñuuʼ makhañún, numuu dí náa Xtángoo ndrígóo Dios naʼthí kaʼwu dí i̱ji̱n xáʼyóoʼ makhañún ga̱jma̱a̱ numuu aʼkhúún xabuanii. Ikhí má náa xtángoo rúʼko̱ naʼthí: ‹Mámbáa xa̱bu̱ gíʼma makhañúu ga̱jma̱a̱ numuu aʼkhúun› (Deut. 24:16). Rígi̱ naʼni mundxaʼwamíjná dí mbá juwiin bi̱ naguwáʼ náa Saúl bi̱ niradíin, mangiin rígá dí nini mu makhañún bi̱ gabaonitas. Ikha jngóo mbá juwiin nininumaaʼ má náa dí raʼkhí nini.

Mú, ndiéjunʼ eʼsngúlú relato rígi̱ rá. Dí xáʼyóoʼ mundxaʼwamíjná dí májánʼ má munimbulú dí gúthulúʼ á mu nduʼyáá dí raʼkhí nindxu̱u̱. Ikhaa jngóo mambáa gíʼmaa manimbánuu xkujndu ndrígóo ga̱jma̱a̱ numuu dí niʼni. Náa mbá proverbio naʼthí: “Atayáá májánʼ náa edxu̱ʼ, mu xúʼko̱ ndaa dí gágíʼnaaʼ. Xágajnuriya̱a̱ʼ náa ñawún májánʼ ni má náa ñawún xtiya̱a̱ʼ. Xídxúʼ náa kamba̱a̱ dí ra̱májánʼ” (Prov. 4:24-27; Efes 5:15).