Xóo muʼnigajmaa itháan májánʼ
Xú káʼnii ma̱ndoo majmulú itháan májánʼ sección “Lo nuevo” ga̱jma̱a̱ “Rí itháan nuxi̱ʼ náa JW.ORG”
Náa sección “Lo nuevo” ndrígóo JW Library® ga̱jma̱a̱ “Rí itháan nuxi̱ʼ náa JW.ORG” nakujmaa xúgíʼ dí nuxi̱ʼ dí na̱ʼkha̱ ragájnuu. Xú káʼnii gándoo gájmaaʼ rá.
Á mu ikháán najmaaʼ JW Library
Mámbá índo̱ nagájnuu mbá artículo nuxi̱ʼ, nata̱ʼa̱a̱ʼ náa catálago o serie náa na̱ʼkha̱ artículo di kaʼyoo. Ikhú catálogo de artículo dí kaʼyoo nakujmaa náa “Lo nuevo”, ikhí ma̱ndoo matrígú dí nigájnuu iwáá kayuuʼ. Xú káʼnii gátaxkamaa artículo rí nuxi̱ʼ mu matraxnuu rá. Atarmbáʼtáá catálogo ga̱jma̱a̱ ataxujmbi̱i̱ timbá artículo di nakujmaa, di tima xó ma ni̱jkha̱ ragájnuu.
I̱yi̱i̱ʼ dí itháan mba̱ʼu̱ xóo revista, mbáa xáʼngo̱o̱ matraxnuu mbájkhu kájxi̱. Ikháán ma̱ndoo matiejxíi̱ náa “Favoritos” mu xáʼñaaʼ miʼskhoo mataxkamaa nda̱wa̱á ga̱jma̱a̱ matraxnuu náa niguanáʼ. Índo̱ niguámbáaʼ nitraxnuu, ma̱ndoo matrígúu náa lista dí favoritos ndrígáaʼ.
Á mu ikháán xtaa náa JW. ORG
Raʼkháa xúgíʼ dí nagájnuu, nakujmaa náa JW Library. Rígá tikhu dí i̱ndó ma̱ndoo muxkamaa náa jw.org, xóo noticias ga̱jma̱a̱ comunicados. Xámbumaaʼ mata̱ʼa̱a̱ʼ náa sección “Rí itháan nuxi̱ʼ náa JW.ORG” mu matraxnuu dí na̱ʼkha̱ ragájnuu.
