BI̱ NAYEJNGOO Núm. 1, 2018 | Lá xóó nayambáá Biblia rí mbiʼi xúgi̱ ráʼ.
LÁ XÓÓ NAYAMBÁÁ BIBLIA RÍ MBIʼI XÚGI̱ RÁʼ.
Rí xúgi̱ kuwaanʼ náa rígá wéñuʼ ku̱ma̱ ga̱jma̱a̱ tecnología. Lá xóó najmaa Biblia maski ajndu wajyúúʼ má rígá ráʼ. Náa Biblia má naʼthí:
“Xúgíʼ Escritura na̱ʼkha̱ náa Dios ga̱jma̱a̱ nayambáá” (2 Timoteo 3:16).
Náa número rígi̱ ndrígóo i̱yi̱i̱ʼ Bi̱ Nayejngoo nasngájma á mu gajkhun Biblia ma̱ndoo maxná ikhulú náa xúgíʼ rí gúʼni.
Lá nayambáá consejos ndrígóo Biblia ráʼ.
Tikhun nundxa̱ʼwa̱míjna̱ rí kiʼsngáa ndrígóo Biblia tséjmaa nditháan. Á mu rí mbiʼi xúgi̱ rígá wéñuʼ ku̱ma̱, náa numuu rí mbuʼyááʼ mbá libro rí naʼni itháan rí 2,000 tsiguʼ dí rígá rá.
Ku̱ma̱ kámuu rí na̱ʼkha̱ náa Biblia
Ku̱ma̱ rí na̱ʼkha̱ náa Biblia ga̱jma̱a̱ ikha xóó najmaa mbiʼi xúgi̱.
Lá nánguá ejmaa o xóó najmaa dxe̱ʼ.
Biblia na̱nguá nindxu̱u̱ mbá libro ndrígóo ciencia, mú na̱ʼkha̱ raʼthí ga̱jma̱a̱ numuu ciencia rí naʼni maguanáʼ tsiánguá.
1 Nambáyulúʼ muʼni gaʼduunʼ xkujndu
Mbuʼyáá xú káʼnii ku̱ma̱ ndrígóo Dios nambáñun xa̱bu̱ mu munigaʼduunʼ xkujndu rí itháan mingíjyúuʼ náa vida ndrígu̱ún.
2 Nambáyulúʼ mu muʼnimbánii xkujndu
Biblia naxnúlú ku̱ma̱ mu muʼnimbánii xkujndu rí narígá má xúʼko̱ ga̱jma̱a̱ rí naʼni makuwáanʼ gíná. Atayáá tikhuu xkri̱da: Rí naxmiéjuanʼ wéñuʼ, matatsiʼñáʼ xúgíʼ mu matani nda̱wa̱á ga̱jma̱a̱ rí maraxtaa mbáwiin.
3 Nambáyulúʼ mu maʼngulú muraʼníí xkujndu
Ndiéjunʼ gátani índo̱ gátraʼníí mbá xkujndu o mbá nandii rí nda̱a̱ thanuu o rí nakháñulú rá.
Biblia ga̱jma̱a̱ xóo makuwáanʼ nda̱wa̱á
Ajngá rawunʼ Dios ma̱ndoo mambáyulúʼ maʼni̱i̱ a̱jkiu̱lú náa xkujndu rí nuraʼníí mámbá mbiʼi náa numbaaʼ rígi̱. Mú Biblia nandoo nambáyulúʼ itháan ga̱jma̱a̱ naʼthúlúʼ rí marigá nda̱wa̱á.
Ndiéjunʼ tatsaʼwáminaʼ ikháánʼ rá.
Atayáá rí ekumún tikhun xa̱bu̱ ga̱jma̱a̱ rí naʼsngáa Biblia ga̱jma̱a̱ numuu graxe̱ rígi̱.
