Dios nandoo mañe̱wa̱nʼ
NÁA Biblia nuxkamaa consejo dí itháan májánʼ numuu dí libro na̱ʼkha̱ náa Dios. Gajkhun má dí na̱nguá nindxu̱u̱ mbá libro náa na̱ʼkha̱ raʼthí ga̱jma̱a̱ numuu thana, mú naxnúlú ikha mu mbuʼyáá ndiéjunʼ gúʼni índo̱ numíníiʼ, índo̱ nundxaʼwamíjna̱ dí raʼkhí, dí naʼni magawúnlú ga̱jma̱a̱ nandii dí kuaʼdáá náa xuyulúʼ o náa ngáñulú.
Ma̱ngaa, Biblia naʼsngúlú mbá dí gíʼdoo numuu: Bi̱ Niʼniánlú, Jeobá a Dios, nakro̱ʼo̱o̱ itháan májánʼ xóo endxaʼwamíjna̱ ga̱jma̱a̱ xóo ekumulú. Ikhaa nandoo mañewu̱nlú ga̱jma̱a̱ maxtáá náa nijñúlú índo̱ nuraʼníí xkujndu. Mbá xkri̱da, atatsaʼwáminaʼ ga̱jma̱a̱ numuu a̱jma̱ texto ndrígóo Biblia dí mambáyaʼ wéñuuʼ.
“Jeobá xtáa mijngii náa xa̱bu̱ bi̱ nagawúunʼ a̱jkiu̱ún; ga̱jma̱a̱ naʼni káwíin bi̱ nikáguabiinʼ” (SALMO 34:18).
“Ikhúúnʼ Jeobá Dios ndrígáʼ, xtáá ragújtúun ñawun májáánʼ, Bi̱ naʼthán: ‹Xámiñaʼ. Ikhúúnʼ má gambayaaʼ›” (ISAÍAS 41:13).
Mú, xú káʼnii embáyulú Jeobá maʼngulú muraʼníí nandii dí naku̱mu̱u̱ náa ngáñulú rá. Náa i̱ʼwáʼ artículos mbuʼyáá xú káʼnii Jeobá gajkhun nandoo mañewu̱nlú, ikha jngóo naxnulu mbaʼa enii rí ma̱ndoo mambáyulú.
a Dios mbiʼyuu Jeobá (Salmo 83:18).
