Lá nitagíʼ edxa̱ʼ índo̱ nitraxnuu números rí ndiʼkhún nigájnuu náa Bi̱ Nayejngoo ráʼ. Atayáá á mu majmañaaʼ matriʼña̱a̱ graxe̱ rígi̱:

Índo̱ nundrigú ikha náa xuajñu Dios, xú káʼnii gáʼyóóʼ muni bi̱ ni̱ndxu̱ún superintendentes de circuito ga̱jma̱a̱ bi̱ kuya̱ edxu̱u̱, mangiin eʼwíínʼ rá.

Gíʼmaa munimbu̱ún mbá nacha̱. Ma̱ndoo muraximíjna̱: “Lá nambáñun a̱ngiu̱lú mu muguajún jmbu náa Jeobá ráʼ. Lá nanimboʼ mbá nacha̱ ikha rí nagruígú ráʼ.” (w16.11, ináa 11.)

Nguáná nikuwa xa̱bi̱i̱ Dios náa majñu̱ʼ Babilonia rá.

Nda̱wa̱á rí nikháñun apóstoles. Ikhú nigíʼdu̱u̱ nikuwa clero. Guʼwá ndxajkun ga̱jma̱a̱ Xa̱bu̱ Ñajunʼ nigi̱ʼdi̱i̱ nini rí makuwa cristianos apóstatas ga̱jma̱a̱ nigíʼ muni gámbáa rí nisngáa cristianos, bi̱ ñajúnʼ xóo trigo. Mú nákha xóó tséʼni tsiguʼ 1914, bi̱ kaxtaʼwíin nigi̱ʼdi̱i̱ nigajnán (w16.11, ináa 23 asndu 25).

Ndíjkha jngó nigiʼdoo numuu ñajunʼ rí niʼni Lefèvre d’Étaples rá.

Asndu nákha tsiguʼ 1520, Lefèvre nitáʼjuíi Biblia náa ajngáa francés mu maguxnuu asndu tsáa xa̱bu̱. Rí xóo niʼtajuíí rí na̱ʼkha̱ náa Biblia ikhaa rúʼko̱ niʼni Martín Lutero, William Tyndale ga̱jma̱a̱ Juan Calvino (wp16.6-S, ináa 10 asndu 12).

Xú káʼnii mixtiʼkhu rí “nundxa̱ʼwa̱míjna̱ náa xuwiʼ” ga̱jma̱a̱ rí “nundxa̱ʼwa̱míjna̱ náa espíritu” rá. (Rom. 8:6)

Bi̱ nandxa̱ʼwáminaʼ náa xuwiʼ nagua̱ʼa̱ má xúʼko̱ rí nandoo xuwiʼ ga̱jma̱a̱ naʼthí má xúʼko̱ ga̱jma̱a̱ numuu rúʼko̱. Bi̱ nandxa̱ʼwáminaʼ náa espíritu nagíʼ naʼni rí nandoo Dios ga̱jma̱a̱ nagíʼ nandxa̱ʼwáminaʼ xóo ikhaa. Naniñuʼ rí xi̱ʼ kaʼwu maxnúu ikha rí nandxa̱ʼwáminaʼ. Rí mundxaʼwamíjna̱ náa xuwiʼ nandoo gaʼthí rí makhañúlúʼ; náa espíritu nandoo gáʼthúu̱n vida ga̱jma̱a̱ tsímáá (w16.12, ináa 11 asndu 14).

Ndiéjunʼ gándoo gátani mu xaxmiéjuanʼ wéñuʼ rá.

Guʼyáá rí gíʼdoo itháan numuu, xúʼgíʼ muʼni mbá rí tséʼngulú, guriʼyáʼ mbiʼi mu mbuʼyáaxulú xúgíʼ mbiʼi, manigulúʼ rí Dios niʼni, xúniʼñáʼ runduʼwa, guʼni ejercicio má xúʼko̱ ga̱jma̱a̱ muʼnuʼ májánʼ (w16.12, ináa 18 ga̱jma̱a̱ 19).

Xú kaʼnii Enoc “ni̱jkha̱ kiʼyáa mu xákumu̱u̱ xóo gákhañu” xá. (Heb. 11:5)

Asndu xóo Dios niʼni rí xáminuʼ Enoc índo̱ nikháñu, ga̱jma̱a̱ táʼyoo rí ikhaa ni̱jkha̱ rakháñuu (wp17.1-S, ináa 12 ga̱jma̱a̱ 13).

Ndíjkha jngó gíʼdoo numuu mbuʼyáá rí eʼngulú muʼni rá.

Á mu ni̱ndxu̱lú xa̱bu̱ guabaaʼ, muniʼnumijná xú káʼnii ni̱ndxu̱lú ga̱jma̱a̱ mbuʼyáá nguáthá eʼngulú muʼni. Gíʼmaa marmáʼáan a̱jkiu̱lú rí nuʼni ma̱ndoo maʼni gawúunʼ eʼwíínʼ ga̱jma̱a̱ xákumulú rí kuaʼdáá wéñuʼ numulúʼ (w17.01, ináa 18).

Ndiéjunʼ esngájma rí Dios nixnúún ikha cuerpo gobernante nákha siglo timbá xóo eʼni gajmíi̱n Cuerpo Gobernante rí mbiʼi xúgi̱ xá.

Xi̱ʼ kaʼwu nimbáñun makru̱ʼu̱u̱n rí gajkhun rí na̱ʼkha̱ náa Escrituras, mangiin ángeles nimbañúún náa mutaraʼa ga̱jma̱a̱ nikumu̱ún kuyáá Ajngá rawunʼ Dios. Xúʼko̱ má erígá xúgi̱ (w17.02, ináa 24 asndu 26).

Ndiéjunʼ gambáyulú muxnáa núma̱aʼ rí nijuiʼtsiwáanʼ rá.

Rí a̱jkhu̱ nindxu̱u̱: Tsáa niʼni, náa numuu niʼni, ndiéjunʼ ndiyóoʼ mamínuʼ mu maʼnimbánuu ga̱jma̱a̱ ndiéjunʼ rí niyambáá. Gíʼmaa mundxaʼwamíjna̱ ga̱jma̱a̱ numuu rígi̱ (wp17.2-S, ináa 4 asndu 6).

Lá ma̱ndoo mbáa cristiano mariʼkhuu rí maʼni á mu niraʼwíí má rí maʼni xáʼ.

Maski ajndu gíʼmaa muʼnimbánii ajngúlú, nguáná xándoo muʼnilú. Índo̱ xa̱bu̱ Nínive nitanga̱a̱ a̱jkiu̱ún, Dios niʼthí rí xáʼni gámbáa xuajen. Á mu naxtiʼkhuu xóo erígá o nundrígú ku̱ma̱ nuxi̱ʼ, mbáa mbaʼyóoʼ muriʼkhuíí rí muʼni (w17.03-S, ináa 16 ga̱jma̱a̱ 17).

Náa numuu rí mitsáʼkhúun wéñuʼ xtujtaa rá.

Ma̱ndoo rí mbá xkujndu maʼni mba̱a̱. Tséʼniuu á mu gajkhun o ragájkhun, á mu nuʼthá ajngáa rí maʼni gawúunʼ eʼwíínʼ nditháan xambánuu xkujndu (w17.04, ináa 18).