Índo̱ natayáá rí nánguá kaʼnii maraxtaa
Mbá xkri̱da, Sally, * bi̱ na̱ʼkha̱ náa Estados Unidos, nindáti̱go̱o̱ xúgíʼ rí gíʼdoo ga̱jma̱a̱ numuu mbá ruʼwa mbiiʼ. Ikhaa naʼthí: “Nikumuʼ rí ní xáʼngo̱ʼ itháan”.
Rí makhañúu mbáa bi̱ nandaaʼ xtayáá nagawáanʼ wéñuʼ. Janice, bi̱ na̱ʼkha̱ náa Australia, ikhaa naʼthí: “Índo̱ nikháñún a̱jmi̱i̱n e̱ji̱nʼ, nikumuʼ rí a̱jkiu̱nʼ nijmigu ga̱jma̱a̱ nixtáá gíná wéñuʼ. Ni̱thu̱u̱n Dios: ‹¡Nánguá kaʼnii maʼngo̱ʼ itháan!, mbá péñu, atani rí migú ga̱jma̱a̱ ní xágúxúu̱nʼ nditháan›”.
Xóo nigíʼnuu Daniel, ikhaa nigawúunʼ wéñuʼ índo̱ a̱ʼgiu̱u̱ niʼninduwaaʼ ga̱jma̱a̱ imba̱a̱. Ikhaa naʼthí: “Índo̱ a̱ʼgiu̱ʼ niʼthúnʼ rí niʼni nduwúnʼ, nikumuʼ rí asndu xóo mbá chílú nito̱ʼo̱o̱ náa a̱jkiu̱nʼ ga̱jma̱a̱ nigawúnʼ wéñuʼ”.
Lá xtaa ratamíniiʼ ikháán ga̱jma̱a̱ mbá numuu rígi̱ ráʼ.
Á mu xúʼko̱ kaʼnii, náa número ndrígóo Bi̱ Nayejngoo rígi̱ mambáyáaʼ ma̱ta̱ya̱a̱ rí gíʼdoo numuu maraxtaa.
^ párr. 3 Náa artículo rígi̱ mbiʼñún xa̱bu̱ nixtiʼkhu̱u̱.