Índo̱ naʼni nduwáánʼ bi̱ xtaa ga̱jma̱a̱ʼ
RÍ MAʼNI nduwánʼ bi̱ xtaa gajmaaʼ nagawáanʼ wéñuʼ. Kuwa tikhun xa̱bu̱ bi̱ nuni mba̱a̱ a̱jkiu̱ún kuyamijná ga̱jma̱a̱ nakuwa mbóo mbu̱júu̱ʼ. * Maski ajndu nuni mba̱a̱ a̱jkiu̱ún kuyamijná o na̱nguá, bi̱ táʼni aʼkhá nagawúnʼ wéñuʼ. Ndiéjunʼ rí ma̱ndoo mayambáá índo̱ narígá xúʼko̱ kaʼnii rá.
TEXTO NDRÍGÓO BIBLIA RÍ MA̱NDOO MAMBÁYÁAʼ
Mbaʼin bi̱ nigawúnʼ xúgi̱ kaʼnii, nixkamaa rí maʼni̱i̱ a̱jkiu̱ún náa Biblia. Índo̱ nuraxnuu naguánu nduyáá rí Dios ndaʼyoo xóo numbiyaʼ ga̱jma̱a̱ nakro̱ʼo̱o̱ xú kaʼnii gaʼkhu kuwa ranújngún (Malaquías 2:13-16).
“Índo̱ gamiéjunʼ niʼni maʼni néʼngo̱ʼ, ikháánʼ nitani̱i̱ a̱jkiu̱nʼ” (Salmo 94:19).
“Índo̱ naguxnuu versículo rígi̱, nandxa̱ʼwa̱mínáʼ xú kaʼnii Jeobá naʼni maʼni̱i̱ a̱jkiu̱nʼ xó má eʼni mbáa xa̱bu̱ nikhi̱i̱”, eʼthí Bill.
“Ikháánʼ manindxa̱ʼ jmbii náa bi̱ naʼni rí jmbu” (Salmo 18:25).
“Ajmbioʼ niʼni nduwúnʼ mbaʼa nuthu eʼthí Carmen, mú nda̱yo̱o̱ rí Dios maxtáa má xúʼko̱ ga̱jma̱á ni̱ndxu̱ʼ mu mambáyuʼ”.
“Xaxmiéjuanʼla ga̱jma̱a̱ numuu nimbá, gutajkháan ga̱jma̱a̱ gutakáñii Dios [...], gunda̱ʼa̱a̱ xúgíʼ rí eyála; ikhú tsímáá rí na̱ʼkha̱ náa Dios rí itháan gíʼdoo tsiakii, mañewu̱u̱n a̱jkia̱la” (Filipenses 4:6, 7).
“Nagúxnuu ma xúʼko̱ texto rígi̱, eʼthí Sasha. Índo̱ itháan natajkáan, Dios nambáyuʼ maxtáá itháan tsímáá ga̱jma̱a̱ gagi”.
Xúgínʼ xa̱bu̱ bi̱ niʼthá ga̱jma̱a̱ numún nirígá mbiʼi rí nikumu̱ún rí ni xáʼngu̱u̱n itháan, mú nikumu̱ún kuyáá Jeobá ga̱jma̱a̱ Biblia nixnúún tsiakii. Bill niʼthí rígi̱: “Rí nigúʼdoo fe, rúʼko̱ niʼni mba̱yo̱o̱ rí maxtáá gíʼdoo numuu. Maski ajndu nirígá mbiʼi rí nixtáá gákhi wéñuʼ, mú Dios nixtáa má xúʼko̱ ga̱jma̱á ni̱ndxu̱ʼ” (Salmo 23:4).
^ párr. 4 Á mu nandaaʼ ma̱ta̱ya̱a̱ itháan ga̱jma̱a̱ numuu rí matani mba̱a̱ a̱jkia̱nʼ xtayáá bi̱ ndiyáa á mu niʼni nduwánʼ, atayáá náa artículos rí kayá edxu̱u̱ “Cuando el cónyuge es infiel” náa ¡Despertad! 22 ñajunʼ gu̱nʼ abril tsiguʼ 1999.