Mbaʼin xa̱bu̱ náa numbaaʼ nda̱ñúunʼ ganitsu ga̱jma̱a̱ náa makuwá. Mú eʼwíinʼ i̱ndó nda̱ñúunʼ rí muguaʼthi̱i̱n mbá rí májánʼ. Xú káʼnii gándoo gumbáñuun eʼwíinʼ ga̱jma̱a̱ rí Dios maʼni tsajkurámáanʼlu rá.

“Bi̱ gámbáyúu xa̱bu̱ gínáa asndu xóo xtáa raxnátiʼñuu Jeobá, ga̱jma̱a̱ ikhaa gáʼni numa̱a̱ rí gáʼni” (PROVERBIOS 19:17).

Jesús niʼthí rí nigíʼnuu mbáa xa̱bu̱ bi̱ nirugua̱a̱ kuʼwáʼ ga̱jma̱a̱ nini̱ gínáa rí asndu nimbumuu niniña̱a̱ʼ (Lucas 10:29-37). Mbáa xa̱bu̱ bi̱ na̱ʼkháá bi̱ májánʼ a̱jkiu̱u̱n, nimbáyúu maski ajndu na̱ʼkha̱ náa i̱mba̱ xuajin.

Xa̱bu̱ bi̱ májáanʼ bugi̱ raʼkháa i̱ndó niʼni thanuu ma̱ngaa nimbáyúu ga̱jma̱a̱ mbújkha̱a̱ ma̱ngaa ndiʼyoo asndu índo̱ niʼni̱i̱ a̱jkiu̱u̱n.

Ndiéjunʼ eʼsngúlú rígi̱ rá. Jesús niʼsngáa rí gíʼmáanʼ mu̱ʼni̱ xó má eʼngo̱o̱ mu mumbáñuun eʼwíinʼ (Proverbios 14:31). Náa Biblia naʼthí rí Dios inuu má maʼnigámbáa rí tsingíná ga̱jma̱a̱ rí naʼni mumíniiʼ. Mú, xú káʼnii ga̱jma̱a̱ nguáná gáʼni xá. Náa imbo̱o̱ʼ artículo gúʼyáá xú káʼnii bi̱ Niʼniáanʼ maxnáʼ rí májánʼ.