BI̱ NAYEJNGOO Núm. 1, 2021 | Lá gíʼdoo numuu rí muʼtájkáan rá.
Lá niratakáñii mbá miʼtsú Dios ga̱jma̱a̱ niku̱ma̱a̱ʼ rí na̱nguá niriʼña̱a̱ xá. Á mu xúʼko̱, raʼkháa i̱ndó ikháanʼ. Mbaʼin xa̱bu̱ nutakáñii Dios mu mambáñún ga̱jma̱a̱ xkujndu rí guáʼdáá, mú naguáʼdáá má xúʼko̱. Náa revista rígi̱ mbuʼyáá, náa numuu rí Dios gajkhun naʼdxawun rí nuʼtákáñii ga̱jma̱a̱ náa numuu rí na̱nguá eriʼña̱a̱ tikhun ga̱jma̱a̱ xú kaʼnii gándoo guʼtakáñii mu xúʼko̱ mariʼña̱a̱ rí gúʼtháán.
Rí nundxa̱ʼwa̱míjna̱ mbaʼin xa̱bu̱ índo̱ nutakáñii Dios
Lá rí muʼtájkáan nindxu̱u̱ mbá regalo kiejuunʼ rí Dios nixnúlú o nindxu̱u̱ mbá dí nda̱a̱ numuu dxe̱ʼ.
Lá naʼdxawuun Dios índo̱ nuʼtákáñii ráʼ.
Náa Biblia naʼtulúʼ rí Dios naʼdxawunlúʼ índo̱ nuʼtajkáan xóo má kaʼyoo.
Ndíjkha jngó Dios tseriʼña̱a̱ xúgíʼ rí nutajkáan xa̱bu̱ rá.
Náa Biblia naʼthúlúʼ náa mbiʼyaa tsajkhun egruigú Dios ga̱jma̱a̱ rí na̱nguá.
Xú káʼnii gíʼmaa muʼtájkáan mu Dios maʼdxawunlú rá.
Aratháán Dios asndu náa má xtaa ga̱jma̱a̱ mbá aʼwá gakhi̱i̱ o mañú. Jesús niʼsngúlúʼ xú káʼnii gúʼthá.
Xú káʼnii gándoo gambáyaaʼ rí maratajkáan rá.
Xú káʼnii gándoo gambáyaaʼ mu maʼngaaʼ matraʼníí xkujndu índo̱ garatajkáan rá.
Lá naʼdxawuun Dios rí naratajkáan rá.
Náa Biblia naʼthí rí índo̱ ikháán naratakáñii Dios, ikhaa naʼdxawuun ga̱jma̱a̱ nandoo mambáyáaʼ.
