Lá narmáʼáan a̱jkia̱nʼ ráʼ.
Lá ma̱ndoo matriʼña̱a̱ graxe̱ rígi̱ ga̱jma̱a̱ xó má dí ni̱ʼkha̱ raʼthí náa rí niʼnigajmaa̱ Bi̱ Nayejngoo tsiguʼ 2019 ráʼ.
Ndiéjunʼ eyoo gáʼthúu̱n rí niʼthí Dios: “Tséʼniuu má ndiéjunʼ nindxu̱u̱ rí gátuxu̱u̱ ga̱jma̱á numaaʼ, xáʼganú marigá rá”. (Is. 54:17.)
Ma̱ndoo makumulúʼ kuʼyáá Dios dí ikhaa má gambáyulú rí asndu ndiéjunʼ má rí maʼni gináanʼlú rí nindxu̱u̱ xóo “índo̱ xa̱bu̱ xkawiinʼ nuni dí ra̱májánʼ” (Is. 25:4, 5). Xa̱bu̱ bi̱ sia̱nʼ xáʼngu̱u̱n guniulú mbá dí ramajánʼ (w19.01, ináa 6, 7).
Xú káʼnii nisngájma Dios dí niʼni rí jmbu xóo niʼniún cananeos ga̱jma̱a̱ israelitas bi̱ túnimbu̱u̱n rá.
Dios niʼni rí mumínii’ bi̱ nuni aʼkhá rí xkawiʼ wéñuʼ xóo rí nurima̱ʼ ga̱jma̱a̱ bi̱ nuni gíníi gu̱ʼu̱ ga̱jma̱a̱ e̱ji̱n. Niʼni tsajkurámíin’ bi̱ ninimbu̱ún ga̱jma̱a̱ bi̱ nini rí jmbu (w19.02, ináa 22, 23).
Ndiéjunʼ gúʼni̱ á mu mbáa bi̱ na̱nguá nindxu̱u̱ xa̱bi̱i̱ Jeobá naʼtájkháan náa inulú rá.
Ma̱ndoo mutrigáánʼ wíí ga̱jma̱a̱ musngajmá gamajkhu, mú xuʼthá “xúʼko̱ gáʼni” asndu má xurajthúun ñawúúnʼ eʼwíinʼ. Mú, ma̱ndoo mu̱ʼni̱ oración ndrígúlú i̱ndó ikháánʼ ga̱jma̱a̱ mañúú (w19.03, ináa 31).
Ndíjkha rí nindxu̱u̱ mbá aʼkhá mba̱a̱ rí nutsijmiin e̱ji̱n xá.
Rí nutsijmiin e̱ji̱n nindxu̱u̱ mbá aʼkhá náa bi̱ nagíʼnuu rígi̱. Mbá aʼkhá rí naʼni gachúu congregación, mbá aʼkhá rí nanújnguramuuʼ xtángoo ndrígu̱ún Xa̱bu̱ Ñajunʼ ga̱jma̱a̱ nindxu̱u̱ mbá aʼkhá náa iduu Jeobá. Náa xuajen dí rígá xtángoo rí muxruigui̱i̱n náa Xa̱bu̱ Ñajunʼ bi̱ nutsijmiin e̱ji̱n, bi̱ kuya̱ edxu̱u̱ nunimbu̱ún (w19.05, ináa 9, 10).
Xú káʼnii gándoo guriʼkui̱i̱ tsiakii rí natsudaa ku̱ma̱ ndrígúlú rá.
Gíʼmaa muʼni ajtsú rí gíʼdoo numuu: Guʼtákáñii Jeobá, gundxaʼwamíjna̱ mu mbuʼyáá xú phú kaʼniáanʼ ga̱jma̱a̱ guʼñíin bi̱ mambaxú májánʼ gajmiúlú (w19.06, ináa 11).
Ndiéjunʼ gíʼmaa mu̱ʼni̱ xúgi̱ mu muniratamijná mu muxkulú xá.
Gíʼmaa rí mambaxúlúʼ májánʼ gajmiúlú Jeobá, gakumulú kuʼyáá rí ikhaa nandoo kaʼyulú ga̱jma̱a̱ rí xániñulú nditháan, guraxnuu Biblia xúgíʼ mbiʼi ga̱jma̱a̱ guʼtájkáan má xúʼko̱. Gíʼmaa mbuʼyáá gajkhun rí nikudaminaʼ maʼni Reino ndrígóo Dios, gajkhun mambanúu ga̱jma̱a̱ gundra̱ʼa̱ náa edxu̱lúʼ textos rí nanigulúʼ ma̱ngaa ajmúú mu muxnáá gamajkhu Jeobá (w19.07, ináa 2-4).
Ndiéjunʼ gándoo mu̱ʼni̱ mu mumbáñún bi̱ kuʼñúún mu makáwíin rá.
Gíʼdoo wéñuʼ numuu makumulúʼ xóo eku̱mu̱ún, muniʼñáaʼ rí nu̱ʼni̱ masngájma xóo ni̱ndxu̱lú ga̱jma̱a̱ maʼngo̱o̱ a̱jkiu̱lú ma̱ngaa manindxu̱lúʼ májáanʼ xa̱bu̱ (w19.08, ináa 15-17).
Xó má naʼthí náa Mateo 11:28, xú káʼnii eʼni Jesús mu muʼda̱a̱ xulú o maʼnii a̱jkiu̱lú rá.
Guáʼdiin bi̱ nuyégún edxu̱u̱ bi̱ nandún kuyulúʼ, kuwáanʼ gajmiúlú xa̱bu̱ bi̱ nuñajunʼ májánʼ ga̱jma̱a̱ nu̱ʼni̱ ñajunʼ rí itháan májánʼ (w19.09, ináa 23).
Xú káʼnii gándoo maxnúlú tsiakii Jeobá mu mu̱ʼni̱ ñajuunʼ rá. (Filip. 2:13.)
Índo̱ nuraxnuu Biblia ga̱jma̱a̱ nundxa̱ʼwa̱míjna̱ rí naʼthí ikhí, Dios naxnulu tsiakii mu mu̱ʼni̱ ñajuunʼ ga̱jma̱a̱ rí maʼndulú mu̱ʼni̱. Xi̱ʼ ndrígóo ma̱ndoo maʼni rí majmáánʼlú mu̱ʼni̱ (w19.10, ináa 21).
Ndiéjunʼ gíʼmaa mu̱ʼni̱ nákha xóó tséraʼwíí mu̱ʼni̱ mbá rí gíʼdoo numuu rá.
Mbá witsu: Guʼyáʼ makru̱ʼu̱lú itháan, gunda̱ʼa̱a̱ Dios rí maxnúlúʼ ku̱ma̱, guʼyáá náá numuu, guʼyáá májánʼ dí eyulu ga̱jma̱a̱ guʼyáá á mu kaʼnii maʼngulú (w19.11, ináa 27-29).
Índo̱ Satanás niʼthúu̱n Eva dí xákhañun á mu na̱ʼkhu̱ xndúu ixi̱ ku̱ma̱ dí májánʼ ga̱jma̱a̱ dí ra̱májánʼ, lá xtáa raʼthúu̱n timbá aʼphu̱ rí xáʼga̱nú makhañúu xóo rí eku̱mu̱ún xa̱bu̱ rí mbiʼi xúgi̱ ráʼ.
Nakujmaa rí na̱nguá, Gixa̱a̱ táʼthúu̱n Eva rí makhañúu xóo xa̱bu̱ nindxu̱u̱ mú imbá tapha̱a̱ maxtáa ndaʼya. Rí niʼthúu̱n rí nditháan xákhañuu. Ku̱ma̱ nduwaʼ rí nusngáa religión tákriyaaʼ índo̱ nixnúu Ruʼwambiʼ. Mbáa kiʼsngáa nduwaʼ dí rígá xúgi̱ nikumu̱u̱ nákha xóó Dios tséʼnijnga̱a̱ ajngún xa̱bu̱ bi̱ nikúwá runi torre ndrígóo Babel (w19.12, ináa 15).