ARTÍCULO RÍ MUʼNIGAJMAA 5
Cualidad rí nusngájma índo̱ na̱jkua̱ náa reunión
“Gu̱tha̱ má xúʼko̱ ga̱jma̱a̱ numuu Señor, asndu índo̱ ikhaa gáʼkha̱a̱” (1 COR. 11:26).
AJMÚÚ 18 Núma̱aʼ ga̱jma̱a̱ numuu tsíngijñaʼ
RÍ MUʼNIGAJMAA *
1, 2. a) Ndiéjunʼ eʼyoo Jeobá índo̱ ndaʼñún mbaʼin wéñuʼ xa̱bu̱ bi̱ nagimbíi̱n náa xúgíʼ numbaaʼ ga̱jma̱a̱ numuu rí muniriyaaʼ Ganitsuwañu Señor xá. (Atayáá timbá xtiʼkhu rí nakujmaa náa nagíʼdu̱u̱.) b) Ndiéjunʼ gúʼyáá náa artículo rígi̱ rá.
NDIÉJUNʼ eʼyoo Jeobá índo̱ ndaʼñún mbaʼin wéñuʼ xa̱bu̱ bi̱ nagimbíi̱n náa xúgíʼ numbaaʼ ga̱jma̱a̱ numuu rí muniriyaaʼ Ganitsuwañu ndrígóo Señor rá. Raʼkháa i̱ndó ndaʼñún xúgínʼ xa̱bu̱; ma̱ngaa ndaʼyoo mámbáa xa̱bu̱ bi̱ xtáa ikhí. Mbá xkri̱da, ndaʼñún xúgínʼ bi̱ nakuwa xúgíʼ tsiguʼ. Mbáa tikhun rí ikhiin najuixkúún gakhi̱i̱ wéñuʼ. Eʼwíínʼ na̱nguá eguwáʼ xúgi̱ xmáná náa reunión, mu nduyáá rí gíʼdoo wéñuʼ numuu rí magún náa Majmaku̱ma̱a̱ rí xóo nikháñu Jesús. Jeobá ma̱ngaa ndaʼñún bi̱ naguwáʼ timbá aʼphu̱, numuu rí nandún mbuʼyáá xú káʼnii nindxu̱u̱.
2 Mbáa Jeobá nadxuu rí mbaʼin wéñuʼ xa̱bu̱ magún náa magumariyaʼ Ganitsuwañu Señor (Luc. 22:19). Mú, raʼkháa ga̱jma̱a̱ numuu rí nguáthi̱i̱n gagimbíin, ga̱jma̱a̱ náa numuu rí nuni xá. Náa artículo rígi̱, mbuʼyáá mbá graxe̱ rí gíʼdoo wéñuʼ numuu: Náa numuu dí raʼkháa i̱ndó gíʼmaa magimbáanʼ náa magumariyaʼ Ganitsuwañu Señor, rí ma̱ngaa gíʼmaa mu̱ʼgua̱ reunión dí narígá mámbá xmáná rí Jeobá naʼniratoo rá. Mbuʼyáá ndiéjunʼ cualidad exkaxánʼ rí muʼgua̱ náa nagimbáanʼ.
Náa xúgíʼ numbaaʼ, nundrígúun májánʼ mbaʼin xa̱bu̱ bi̱ naguwáʼ náa Ganitsuwañu Señor. (Atayáá kutriga̱ 1 ga̱jma̱a̱ 2)
RÍ MANINDXU̱LÚʼ XA̱BU̱ GUABAAʼ NAXKAXÁANʼ MU MUʼGUA̱ REUNIÓN
3, 4. a) Náa numuu rí nagimbáanʼ náa reunión rá. b) Ndiéjunʼ cualidad esngájma índo̱ nagimbáanʼ rá. c) Xó ma eʼthí náa 1 Corintios 11:23-26, náa numuu dí ragíʼmaa mandáti̱gu̱lú náa nagumariyaʼ Ganitsuwañu Señor rá.
3 Na̱jkua̱ náa reunión numuu rí ikhí eʼni mba̱a̱ mbiʼyuu Dios. Ma̱ngaa na̱jkua̱ numuu rí Jeobá naʼsngúlúʼ ikhí. Xa̱bu̱ bi̱ nunimbaʼumíjna̱ nuʼni gaʼduunʼ rí majuiʼsngúún (3 Juan 9). Mú ikháanʼ, nandulúʼ rí Jeobá ga̱jma̱a̱ xuajñu maʼsngúlú (Is. 30:20; Juan 6:45).
1 Corintios 11:23-26). * Reunión rígi̱ naxnúlú tsiakii rí muguaʼthi̱i̱n ga̱jma̱a̱ naʼni marmáʼáan a̱jkiu̱lúʼ rí Jeobá nandoo kaʼyulúʼ wéñuʼ. Mú, ikhaa ndaʼyoo dí ndayúlú wéñuʼ tsiakii ga̱jma̱a̱ rí maʼni̱i̱ a̱jkiu̱lúʼ mámbá mbiʼi. Ikha jngó, naxnulú reunión xúgíʼ xmáná, naʼthúlúʼ rí mu̱ʼgua̱ ikhí. Rí manindxu̱lúʼ xa̱bu̱ guabáanʼ naxkaxáanʼ muʼnimbulúʼ kuʼyáá. Nuriyaʼ mbiʼi rí muʼniratáá rí mbuʼyáá náa reunión ga̱jma̱a̱ makuwáanʼlu ikhí.
4 Índo̱ na̱jkua̱ náa reunión, nusngájma rí ni̱ndxu̱lú xa̱bu̱ guabáanʼ ga̱jma̱a̱ nuniʼñámijna rí Jeobá maxná ikhulú. Rí na̱jkua̱ náa najmaku̱ma̱a̱ rí xóo nikháñu cristo raʼkháa mu nutsudáanʼ rí muʼgua̱, na̱jkua̱ numuu rí ni̱ndxu̱lú xa̱bu̱ guabáanʼ ga̱jma̱a̱ nandulúʼ rí muʼnimbulúʼ xtángoo rí xóo niʼthí Jesús: “Guni má xúʼko̱ rígi̱ mu marmáʼáan a̱jkia̱la kuyoʼ” (atraxnuu5. Náa numuu rí nuriʼña májánʼ xa̱bu̱ bi̱ guabaaʼ a̱jkiu̱ún rí naʼthúún Jeobá rá.
5 Xúgíʼ tsiguʼ, mbaʼin wéñuʼ xa̱bu̱ bi̱ guabaaʼ a̱jkiu̱ún nundrigú rí naʼthúún Jeobá mú majmañún ga̱jma̱a̱ numuu ikhaa (Is. 50:4). Mú, ginii nakuwa náa najmaku̱ma̱a̱ Ganitsuwañu Señor ga̱jma̱a̱ nda̱wa̱á nugíʼdi̱i̱ nagún i̱ʼwáʼ reunión (Zac. 8:20-23). Xó má mangáanʼ ga̱jma̱a̱ xa̱bi̱i̱ Jeobá bi̱ nuxu̱nʼ nanigulúʼ wéñuʼ mundrígú ikha ndrígóo bi̱ nambáyulúʼ ga̱jma̱a̱ bi̱ naʼni káwáanʼ (Sal. 40:17). Mú, nda̱a̱ imbo̱o̱ rí itháan májánʼ nindxu̱u̱ rí mundrígú rí mu̱ʼgua̱ mu maʼsngúlú Jeobá ga̱jma̱a̱ Jesús, A̱ʼdióo bi̱ nandoo kaʼyoo wéñuʼ (Mat. 17:5; 18:20; 28:20).
6. Xú káʼnii nimbáyúu xa̱bu̱ nikhi̱i̱ bugi̱ rí mani̱ndxu̱u̱ xa̱bu̱ guabaaʼ mu maʼga̱ náa majmaku̱ma̱a̱ Ganitsuwañu Señor rá.
6 Mámbá tsiguʼ rí nanújngoo, nuʼni mbá tsiakii rí muʼthúún eʼwíínʼ mu maguwáʼ náa majmaku̱ma̱a̱ rí xóo nikháñu Cristo. Mbaʼin xa̱bu̱ bi̱ ni̱ndxu̱ún guabiinʼ nambáñun rí nuriʼña maguwáʼ. Guʼyáá mbá xkri̱da. Naʼni má mba̱yu̱ʼ tsiguʼ, mbáa ndxájulú nixnúu mbá i̱yi̱i̱ʼ mbáa xa̱bu̱ nikhi̱i̱, mu xa̱bu̱ bugi̱ niʼthí rí xáʼngo̱o̱ gáʼga. Mbiʼi rí nijmaku̱ma̱a̱ Ganitsuwañu Señor, ndxájulú niguanúu tsiánguá índo̱ ndiʼyoo nito̱ʼo̱o̱ náa guʼwá nagimbáanʼ. Xa̱bu̱ nikhi̱i̱ bugi̱ niniguʼ wéñuʼ rí xú káʼnii nindriguíi, ikha jngó nigíʼdu̱u̱ ni̱jkha̱ xúgíʼ Reunión. Rí mbá tsiguʼ ajtsú nuthu rí táʼngo̱o̱ gáxtáa náa reunión. Ndiéjunʼ nimbáyúu mu mariʼkhuu xóo endxa̱ʼóo edxu̱u̱ ga̱jma̱a̱ mandxaʼwáminaʼ májánʼ xá. Ndxájulú bi̱ niʼthúu̱n ma̱ʼkha̱ niʼthí nguáthá tsiguʼ nda̱wa̱á: “Nindxu̱u̱ mbáa xa̱bu̱ guabaaʼ wéñuʼ”. Gajkhun má rí Jeobá ni̱ʼkha̱ kayáa xa̱bu̱ bugi̱ mu maxtáa náa xuajñu. Rí mbiʼi xúgi̱, nindxu̱u̱ mbáa xa̱bi̱i̱ Jeobá bi̱ nijngúun iyááʼ (2 Sam. 22:28; Juan 6:44).
7. Xú káʼnii embáyulú mu manindxu̱lúʼ xa̱bu̱ guabaaʼ ga̱jma̱a̱ rí najmañulúʼ náa reunión ma̱ngaa rí nuraxnuu náa Biblia rá.
7 Rí najmañulúʼ náa reunión ga̱jma̱a̱ rí nuraxnuu Biblia nambáyulúʼ rí manindxu̱lúʼ xa̱bu̱ guabáanʼ. Xmáná rí nijngoo náa nijmaku̱ma̱a̱ Ganitsuwañu Señor, ma̱ngaa náa reunión majuiʼthá ga̱jma̱a̱ numuu xkri̱da ndrígóo Jesús ga̱jma̱a̱ rí xóo xa̱bu̱ guabaaʼ nindxu̱u̱ índo̱ nisngájma rí nixnáximinaʼ ga̱jma̱á numulúʼ. Índo̱ inu marigá rí majmaku̱ma̱a̱ rí xóo nikháñu Jesús, najuiʼthúlú rí muraxnuu rí na̱ʼkha̱ náa Biblia, mú mbuʼyáá xú káʼnii nikháñu ga̱jma̱a̱ xóo nigabi̱i̱. Xúgíʼ ikha rígi̱, naʼni rí muxnáa núma̱aʼ wéñuʼ ga̱jma̱a̱ numuu tsigijñaʼ rí nixná. Rígi̱ naxkaxáanʼ mbuʼyaridáá rí xóo xa̱bu̱ guabaaʼ nindxu̱u̱ ga̱jma̱a̱ muʼni rí nandoo Dios, mú itháan índo̱ naʼni mingíjyúuʼ (Luc. 22:41, 42).
RÍ MU̱ʼGUA̱ REUNIÓN NAMBÁYULÚʼ RÍ XÁMIÑULU
8. Xú káʼnii nisngájma Jesús rí támiñuu rá.
8 I̱mba̱ cualidad ndrígóo Jesús rí nandulú mbuʼyaridáá nindxu̱u̱ rí xámiñulu. Gundxa̱ʼwámi̱jna̱ xú káʼnii nisngájma mbiʼi rí inu makhañúu. Ndaʼyoo májánʼ rí inu má xa̱bu̱ sia̱nʼ muni gínáa, muxpajtii ga̱jma̱a̱ muxiyáá (Mat. 20:17-19). Maski ajndu xúʼko̱, niniñaminaʼ rí muxiyáa. Índo̱ ni̱jkha̱nú mbiʼi rúʼko̱, niʼthúún xa̱bi̱i̱ bi̱ guájun jmbu, bi̱ xtáa gajmíi̱n náa ixi̱ ri̱ʼi̱ dí rígá náa Getsemaní: “Atuxala, guʼgua̱ rá. ¡Guya̱a̱! Bi̱ maxnáxu̱u̱ na̱ʼkha̱ mijngii” (Mat. 26:36, 46). Índo̱ mbaʼin xa̱bu̱ nigún gurjtuwiin, niʼthí tsáa nindxu̱u̱ ga̱jma̱a̱ nikuʼmiin soldado rí muniñuuʼ magúun xa̱bi̱i̱ (Juan 18:3-8). Lá ragájkhun rí nisngájma rí támiñuu xá. Rí mbiʼi xúgi̱, xó má cristianos bi̱ kaxtaʼwíin ga̱jma̱a̱ eʼwíínʼ mugu̱ nunimíjna̱ mu mbuyaridáá tsiakii ndrígóo. Xú káʼnii rá.
Rí tsímiñuluʼ índo̱ na̱jkua̱ náa reunión naxnún tsiakii a̱ngiu̱lú. (Atayáá kutriga̱ 9). *
9. a) Ndíjkha jngó ndayúlú tsiakii rí mu̱ʼgua̱ má xúʼko̱ náa nagimbáanʼ rá. b) Xú káʼnii embáñun xkri̱da ndrígúlú a̱ngiu̱lú bi̱ tri̱ʼi̱i̱n náa guʼwá e̱jua̱nʼ ga̱jma̱a̱ rí nunimbu̱u̱n kuyáá Jeobá xá.
9 Mbáa marigá mbiʼi rí maʼni mingíjyúuʼ muʼgua̱ má xúʼko̱ náa reunión. Á mu xúʼko̱ rígá, ndayúlú tsiakii. Tikhun a̱ngiu̱lú naʼniún nandii, kuwa gíná o nakáguabiinʼ. Eʼwíínʼ naʼngo̱o̱ a̱jkiu̱ún ga̱jma̱a̱ numuu rí tsíñún gúñún bi̱ kuwa náa guʼwún o náa Xa̱bu̱ Ñajunʼ. Gundxaʼwamíjna̱ mbá xngaa náa a̱ngiu̱lú bi̱ tri̱ʼi̱i̱n náa guʼwá e̱jua̱nʼ ga̱jma̱a̱ numuu rí nuniʼniiʼ Jeobá. Lá nindxa̱ʼwa̱míjna̱ mbóó mbiʼi rí xkri̱da ndrígúlú ma̱ndoo mambáñún xáʼ. (Heb. 13:3). Índo̱ nudxuun rí nuʼni má xúʼko̱ ñajunʼ Jeobá maski ajndu nuraʼníí xkujndu, naguáʼdáá itháan tsiakii mu xándáti̱gu̱u̱n fe ga̱jma̱a̱ rí maguajún jmbu. Rígi̱ nigíʼnuu apóstol Pablo. Índo̱ nixtáa náa guʼwá e̱jua̱nʼ náa Roma, nadxuu wéñuʼ índo̱ mámbá rí naʼdxuun rí a̱ngui̱i̱n guájun jmbu náa Dios (Filip. 1:3-5, 12-14). Inu rí magajnáa, niʼnirámáʼ mbá carta rí maʼga̱ náa inún Hebreos. Náa carta rúʼko̱, niʼthí rí a̱ngui̱i̱n xúniñaaʼ ragimbíin ga̱jma̱a̱ niʼthún: “Gaʼndala ku̱ñu̱u̱n má xúʼko̱ a̱ngia̱la” (Heb. 10:24, 25; 13:1).
10, 11. a) Tsíin gaʼndoo gúʼthu̱u̱n maguwáʼ náa majmaku̱ma̱a̱ Ganitsuwañu Señor rá. b) Ndiéjunʼ eʼthúlú náa Efesios 1:7 rí muʼni rá.
10 Ma̱ngaa nusngájma rí tsímiñulú índo̱ nuʼthúún bi̱ kuñún, bi̱ nuñajunʼ gajmiúlú ga̱jma̱a̱ bi̱ kuwa mijngii náa kuwáanʼ rí maguwáʼ náa majmaku̱ma̱a̱ Ganitsuwañu Señor. Náa numuu rí nuʼni rá. Numuu rí nuxnáa núma̱aʼ Jeobá ga̱jma̱a̱ Jesús rí nini ga̱jma̱a̱ numulúʼ. Ma̱ngaa, nandulúʼ rí xa̱bu̱ buʼko̱ majmañún mbu̱ya̱a̱ rí xú kaʼnii gambáñun ‹ngajua› ndrígóo Jeobá ga̱jma̱a̱ numuu dí niʼtsiwáanʼ (atraxnuu Efesios 1:7; * Rev. 22:17).
11 Índo̱ na̱jkua̱ náa nagimbáanʼ, nusngájma imbo̱ʼ cualidad dí gíʼdoo wéñuʼ numuu. Xó má Jeobá ga̱jma̱a̱ Jesús nisngajma májánʼ wéñuʼ cualidad rígi̱.
NGAJUA NAXKAXÁANʼ MU̱ʼGUA̱ NÁA REUNIÓN
12. Ndíjkha jngó náa reunión naʼni rí maʼndulú kuʼyáá Jeobá ga̱jma̱a̱ Jesús rá. b) Xú káʼnii gándoo guʼyaridáá Jesús, xó eʼthí náa 2 Corintios 5:14, 15 rá.
12 Rí nandulú kuʼyáá Jeobá ga̱jma̱a̱ Jesús naxkaxáanʼ mu̱ʼgua̱ náa guʼwá nagimbáanʼ Rom. 5:8). Rí najmaku̱ma̱a̱ Ganitsuwañu Señor naʼni marmáʼáan a̱jkiu̱lúʼ dí ra̱ʼkhá tháán eyoo kaʼyulúʼ, asndu náa xa̱bu̱ bi̱ na̱nguá eyamajkuíí rí nijuiʼtsiwáanʼ. Ikháanʼ nuxnáa núma̱aʼ wéñuʼ, ikha jngó nuʼgíʼ nduʼyaridáá rí xóo xa̱bu̱ nindxu̱u̱ Jesús xúgíʼ mbiʼi (Atraxnuu 2 Corintios 5:14, 15). * Ma̱ngaa, a̱jkiu̱lúʼ naxkaxáanʼ mbuyamajkuíí Jeobá rí nixnáa A̱ʼdióo. Mbá rí xóo ma̱ndoo muʼni nindxu̱u̱ rí muxnaa ga̱jma̱a̱ xúgíʼ a̱jkiu̱lú comentarios náa nagimbáanʼ.
ga̱jma̱a̱ rúʼko̱ naʼni rí mbaja̱a̱ ngajua ndrígúlú. Náa numuu rá. Numuu rí reunión naʼni marmáʼáan a̱jkiu̱lúʼ má xúʼko̱ ndiéjunʼ rí nini ga̱jma̱a̱ numulúʼ (13. Arathá xú káʼnii gusngajma rí nandulúʼ kuyáá wéñuʼ Dios ga̱jma̱a̱ a̱ʼdióʼ xá.
13 Gusngájma rí nandulúʼ kuʼyáá Dios ga̱jma̱a̱ A̱ʼdióo índo̱ nuʼni tsiakimíjna̱ ga̱jma̱a̱ numún ikhiin. Rí mu̱ʼgua̱ má xúʼko̱ náa reunión ndayóoʼ mbaʼa rí muniʼñáʼ. Mbá xkri̱da, mbaʼa guʼwá nagimbáanʼ narígá reunión tapha xmáná nda̱wa̱á rí nigájnaʼ náa nuñajunʼ, mbáa nguáná nagáanʼ wéñuʼ. Ga̱jma̱a̱ i̱ʼwáʼ reunión narígá índo̱ naʼni iwáá xmáná, índo̱ xa̱bu̱ kúwáʼ ruya̱a̱ xúúnʼ. Lá ndaʼyoo Jeobá rí nakuwáanʼ náa reunión maski ajndu néʼngulú rá. Xúʼko̱. Índo̱ itháan nuʼni tsiakimijna, itháan gáʼyamajkhuu Jeobá ngajua rí nusngájmaa (Mar. 12:41-44).
14. Ndiéjunʼ xkri̱da rí májánʼ nixnulú Jesús rá.
14 Jesús nixnúlú mbá xkri̱da májánʼ rí nandoo gáʼthúu̱n rí muʼni ginamijná ga̱jma̱a̱ numún eʼwíínʼ ga̱jma̱a̱ ngajua. Ga̱jma̱a̱ raʼkháa i̱ndó nindoo makhañúu ga̱jma̱a̱ numún xa̱bi̱i̱, numuu rí ikhaa nindoo kaʼñún xúgíʼ mbiʼi xa̱bi̱i̱ ki xóo rí ma̱ndoo kaʼyaminaʼ i̱ndó ikhaa. Mbá xkri̱da, nixtáa gajmíi̱n xa̱bi̱i̱ maski ajndu néʼngo̱o̱ o naxmiéjunʼ (Luc. 22:39-46). Ga̱jma̱a̱ nigíminaʼ maxnún rí nda̱ñúnʼ, raʼkháa rí i̱ndó magruigú ikhaa (Mat. 20:28). Á mu rí nandulúʼ kuʼyáá Jeobá ga̱jma̱a̱ náa a̱ngiu̱lú mani̱ndxu̱u̱ mba̱a̱ wéñuʼ, muʼni asndu xú káʼnii má mu makuwáanʼ náa Ganitsuwañu Señor ga̱jma̱a̱ xúgíʼ reunión dí narígá.
15. Tsíin bi̱ phú nandulú mumbáñún rá.
15 Kuwáanʼ náa xuajñu Dios bi̱ mbóó kambáxu̱u̱n dí rígá náa xúgíʼ numbaaʼ ga̱jma̱a̱ nadxulú rí muxná mbiʼi ndrígúlú mu Gál. 6:10). Nusngájma ngajua ndrígúlú índo̱ nuʼthúún maguwáʼ náa reunión, mú itháan náa majmaku̱ma̱a̱ Ganitsuwañu Señor. Xó má Jeobá ga̱jma̱a̱ Jesús, naʼni rí ikháanʼ maʼdxulú wéñuʼ índo̱ mbáa bi̱ niniñuʼ raʼni ñajunʼ Jeobá natanga̱a̱ náa Anu̱lú bi̱ nandoo kaʼyulúʼ (Mat. 18:14).
muʼthúún eʼwíínʼ makuwá ikhí. Mu itháan nandulúʼ mumbáñún “bi̱ guáʼdáá ikháá má fe xóo ikháanʼ” mu niniñaaʼ runi ñajunʼ Jeobá (16. a) Xú kaʼnii gándoo guxnamíjná tsiakii, ga̱jma̱a̱ xú káʼnii gambáyulú náa reunión rá. b) Náa numuu rí májánʼ nindxu̱u̱ tsiguʼ rígi̱ dí marmáʼáan a̱jkiu̱lú ajngáa ndrígóo Jesús rí nuraxnuu náa Juan 3:16 rá.
16 Xmáná rí inu marigá, gíʼmaa muʼthúún xa̱bu̱ asndu xó má eʼngo̱o̱, mu makuwá gajmiúlú náa majmaku̱ma̱a̱ Ganitsuwañu Señor mbruʼun viernes 19 ñajunʼ gu̱nʼ abril tsiguʼ 2019 (atayáá kúgumaʼá “Lá muʼthúún eʼwíínʼ xa̱bu̱ maguwáʼ rá.”) Xúgíʼ tsiguʼ, nuxnámíjná tsiakii mu maguwáʼ má xúʼko̱ náa nagimbáanʼ. Mámbá mbiʼi rí kuwáanʼ na̱jkha̱ raʼni itháan mijngii fin. Ikha jngó gíʼdoo wéñuʼ numuu mu̱ʼgua̱ má xúʼko̱ náa nagimbáanʼ, náa rí mambáyulúʼ musngájma má xúʼko̱ rí ni̱ndxu̱lú xa̱bu̱ guabáanʼ, rí tsímiñulú ga̱jma̱a̱ ngajua (1 Tes. 5:8-11). Gusngájma Jeobá ga̱jma̱a̱ Jesús xóo ekumulúʼ náa ngajua ndrígu̱ún (atraxnuu Juan 3:16). *
AJMÚÚ 126 Guguajún má xúʼko̱ jmbu ga̱jma̱a̱ gújkhuʼ
^ párr. 5 Rí muʼniku̱ma̱a̱ xóo nikháñuu Cristo, rí magumariyaʼ wakhííʼ viernes 19 ñajunʼ gu̱nʼ abril tsiguʼ 2019, mani̱ndxu̱u̱ mbá reunión rí itháan gíʼdoo numuu tsiguʼ rúʼko̱. Náa numuu rí makuwáanʼ náa reunión kiejunʼ rígi̱ rá. Numuu rí nandulú muʼni rí naniguʼ Jeobá. Náa artículo rígi̱ mbuʼyáá cualidad rí nusngájma índo̱ nakuwáanʼ náa muʼniku̱ma̱a̱ rí nikháñu Jesús ga̱jma̱a̱ náa reunión rí narígá mámbá xmáná.
^ párr. 4 1 Corintios 11:23-26: “Numuu rí ikhúúnʼ nigruígú náa Tátá rí mangúún nixnala, rí Tátá Jesús, ikhaa má mbruʼun rúʼko̱ majuixnáxi̱i̱, ikhú nigujtuun mbá pan ga̱jma̱a̱, nda̱wa̱á rí nixnáa núma̱aʼ, nixpiʼta ga̱jma̱a̱ niʼthí: “Rígi̱ nandoo gáʼthúu̱n xuyuʼ rí majuixná ga̱jma̱a̱ numala ikháanʼ. Guni má xúʼko̱ rígi̱ mu marmáʼáan a̱jkia̱la kuyoʼ”. Xúʼko̱ má niʼni ga̱jma̱a̱ copa, nda̱wa̱á rí niguámbóo nikuiʼtsu wañuu, índo̱ niʼthí: “Copa rígi̱ nindxu̱u̱ nuxi̱ʼ rí mambanúu ga̱jma̱a̱ numuu eʼdiuʼ. Guni má xúʼko̱ rígi̱, asndu nguáthá aʼphu̱ gúwanla mu marmáʼáan a̱jkia̱la kuyoʼ”. Numuu rí asndu nguáthá nuthu gu̱phu̱ pan rígi̱ ga̱jma̱a̱ gúwáan náa copa rígi̱, gu̱tha̱ má xúʼko̱ ga̱jma̱a̱ numuu Señor, asndu índo̱ ikhaa gáʼkha̱a̱”.
^ párr. 10 Efesios 1:7: “Ga̱jma̱a̱ numuu ikhaa nikáwáanʼlu numuu rí ikhaa niʼtsiwáanʼlu ga̱jma̱a̱ eʼdiu, xúʼko̱ nanujngorámuʼ aʼkhá dí naxuʼdamijnalú, numuu dí raʼkhá tháán nandoo kaʼyulú”.
^ párr. 12 2 Corintios 5:14, 15: “Numuu rí Cristo nandoo kaʼyulú ikha jngó gíʼmáanʼ náa ikhaa, numuu dí rígi̱ nimbánulú, rí mbáa xa̱biya̱ nikháñu ga̱jma̱a̱ numún xúgínʼ, xúʼko̱, xúgínʼ nikháñun; ga̱jma̱a̱ nikháñu numún xúgínʼ numuu rúʼko̱ xakuwa muni dí nandúún ikhiin, gíʼmaa makuwá muni dí nandoo bi̱ nikháñu ga̱jma̱a̱ numún, bi̱ nda̱wa̱á nituxi̱i̱la”.
^ párr. 16 Juan 3:16: “Numuu rí Dios nindoo kaʼñún wéñuʼ xa̱bu̱ numbaaʼ rí asndu nixnáa A̱ʼdióo bi̱ mbáwíi, mú xúgínʼ bi̱ gaguaʼdáá fe xákhañun, makuwá kámuu mbiʼi”.
^ párr. 56 NAʼTHÍ NUMUU XTIʼKHU: Mbáa ndxájulú xtáa náa guʼwá e̱jua̱nʼ ga̱jma̱a̱ numuu rí naku̱mu̱u̱ kaʼyoo Jeobá, naxnún tsiakii índo̱ naguxnuu mbá carta rí nuxuʼma bi̱ kuwa náa goʼwóo. Nadxuu wéñuʼ índo̱ ndaʼyoo rí tsembumún kuyáá ga̱jma̱a̱ rí ikhiin kuwa jmbu má xúʼko̱ náa Jeobá, maski ajndu rígá wéñuʼ xkujndu náa xuajen rí kuwa.